Химияның жүйелік курсында элементтер және олардың қосылыстарын оқыту әдістемесі

Тақырыбы: Химияның жүйелік курсында элементтер және олардың қосылыстарын оқыту әдістемесі

Сабақтың мақсаты: элементтер және олардың қосылыстары тақырыптарының мазмұны мен әдістемесін меңгерту.

Қарастырылатын сұрақтар:

1.Азот топшасын оқып-үйренудің негізгі әдістемелік мәселелері.

2. Көміртегі топшасы.

3.«Металдар» тақырыбын оқытудың ерекшеліктері.

Сабақтың барысы:

Студенттерді flippity.com қосымшасы арқылы 4 топқа бөлу.

«Көміртек және оның қосылыстары» бойынша теориялық мәліметтерді қайталау.

1. Химик

2. Физик

3. Геолог

4. Биолог (5 минут)

1-тапсырма. Көміртектің аллотропиялық түрөзгерістері туралы мәліметтерді салыстырмалы түрде кестеге толтыру (5 минут)

2-тапсырма. Есептер шығару (10 минут)

1. Термохимиялық теңдеуді пайдаланып, массасы 1 кг көміртек

жанғанда қанша жылу бөлінетінін есептеңіздер. С + О₂ = СО₂ + 402 кДж

2.Массасы 187,52 г көмірді жаққанда (қ.ж.) 336 л көміртек (IV) оксиді

түзілген. Көмірдің осы үлгісіндегі көміртектің массалық үлесін (%)

табыңыздар.

3.Берілген реакцияны электрондық және иондық баланс әдісімен теңестіріңіз: C+ HNO₃ =

CO₂ + NO + H₂O

4.СаСО₃ = CaO + CO₂ – 180 кДж термохимиялық теңдеуі бойынша 10%

ыдырамайтын қоспасы бар, 0,5 т ізбес тасты жағу үшін қанша энергия

қажет екенін есептеңіздер.

3-тапсырма. 8.4В. Көміртек және оның қосылыстары бөлімі бойынша оқу мақсаттарына сәйкес тапсырмалар әзірлеу (10 минут).

4-тапсырма. Дұрыс тұжырымдарды белгіле (5 минут).

5-тапсырма. Сипаттамаларға сәйкес азот оксидін тап (5минут).

6-тапсырма. Жалғыз ғана таза заттан тұратын, жасыл Х ұнтағын қара түсті қатты зат пен түссіз газ түзілгенше қыздырады. Түссіз газды әк суынан өткізгенде, әк суы лайланады (5 минут).

a) X элементке жата ма? Жауабыңды түсіндір

b) Х металы 1-ші топ элементіне жата ма, әлде өтпелі элемент пе? Неге?

c) Қандай газ туралы сөз қозғалды?

d) Егер қара ұнтақты сутек газымен қыздырсақ, су мен алтын-қызғылт түстес металл түзіледі. Бұл қандай металл екенін және Х-тің қандай зат екенін анықта.

e) X-тің ыдырау реакциясын жаз.

Рефлексия. «СМС» әдісі (5 минут)

Сабақта не ұнады?

Маған ұнамады..

Сабақта өзгерткім келеді.