Ілініс муфтасының ақаулары және жөндеу

Ілініс муфтасының ақаулары және жөндеу

Тракторды пайдалану кезінде ілініс толық қосылмай, не толық ажыратылмай қалуы мүмкін.Іліністің толық қосылмауы немесе трактордың бір орыннан қозғалмауын сығымдауыш подшипнигі мен сығу рычагының арасыда саңылаудың болмауынан дискілердің маулануынан фрикциялық жапсырманың желінуінен, басқыш серіппенің босап кетуінен болады. Іліністің толық қосылмауы салдарынан трактор нашар «тартады» кабина ішінде жапсырманың күйген иісі сезіледі.

Іліністі реттеу ешбір нәтиже бермесе, онда дискілерді жуу керек. Яғни іліністі ажыратып, иінді білікті қолмен бұрап, дискілердің жұмыстық бетін бензин не керосинмен жуады. Жуылған дискілердің бетінде май қалмауы яғни толық тазартылуы тиіс. Дискілерді жуғаннан кейін де ілініс фрикциялық жапсырманы айырбастайды.

Іліністің толық ажырамауы (іліністің «сүйреуі») сығымдауыш подшипнигі мен сығу рычагтарының арасындағы саңылаудың кеңдігінен, жетектегі дискілердің кедір-бұдырлығынан, жетектегі дискілердің кедір-бұдырлығынан, фрикциялық жапсырманың тесілуінен болады.

Ілініс толық ажырамаса берілісті қосу ауырлап, беріліс қорабындағы шестернялар шақылдап кетеді. Сығымдауыш подшипнигі мен сығу рычагтарының арасындағы саңылауды реттеп, қалыпқа келтіреді. Басқа ақауды іліністі бөлшектеп, сынған детальдарындағы алмастыру жолымен жөндейді.

Іліністі реттеу. Трактор мен автомобильді пайдалану кезінде жетектегі дискілердің жапсырмасы желініп тозады. Осының әсерінен іліністің бастапқы реттелген күйі бұзылады. Оны педальдың белгілі бір аралықтағы еркін қозғалысының азаюынан аңғаруға болады. Педальдың белгілі бір еркін қозғалысына сығу рычагтары мен сығымдауыш подшипниктерінің аралық саңылауы сәйкес келеді. Рычагтар мен сығымдауыш подшипниктерінің аралық саңылауларының бірдей болмауынан басқыш дискісі майысып, соның салдарынан іліністің қалыпты жұмысы (толық ажырамау немесе ара-тұра қосылу) бұзылады. Саңылауды реттеу винтін тартып не босатып қалыпқа келтіреді. Бұл кезде қосалқы гайка бос болады. Саңылауды, әдетте, іліністі жөндегенде бірге реттейді.

Пайдалану кезінде сығымдауыш подшипнигі мен сығу рычагтарының аралық саңылауын реттейді. Ілініс тартқышының ұзындығы өзгерте отырып, педальдың еркін қозғалуы бойынша реттейді. Бір дискілі іліністі реттеу үшін тежеуіш тартқышын алдын ала босатып алып, таяныш болтын түбіне дейін бұрайды да, педальды сервокүшейткіш серіппесінен босатады.

Бақылау сұрақтары.

1. Автомобиль трансмиссиясы қандай?

2. Іліністің атқаратын қызметі не?

3. Бір және жұп ағынды іліністердің айырмашылығы неде?

4. Ажырату механизмі жетегінің қандай түрлерін білесіңдер?

5. Іліністің негізгі ақауын атаңдар?