Информатика пәнінен саббаққа өзіндік талдау

Информатика пәні мұғалімі Бургамбаева М.А-ның сабаққа өзіндік талдауы.

20.12.2022ж. 5-сыныпта «Информатика» пәнінен сабақ өтті. Сыныпта барлығы 7 оқушы, қатысқаны 7 оқушы,оның 5уі «5»-ке, 1уы «4»-ке, 1уі «3»-ке оқиды, сыныптың пән бойынша білім сапасы 87%.

Сабақтың тақырыбы «Компьютерлік графика» бөліміндегі «Растрлық және векторлық кескіндерді салыстыру»

Оқу бағдарламасына сәйкес оқыту мақсаты: 5.2.2.4- растрлық және векторлық графиканың артықшылықтары мен кемшіліктерін бағалау

Осыдан алынған сабақ мақсаты: Барлық оқушылар: растрлық және векторлық графиканың артықшылықтары мен кемшіліктерін біледі

Көптеген оқушылар: растрлық және векторлық графиканың ұқсастығы мен айырмашылығын топтастырады

Кейбір оқушылар: салған суреттердің айырмашылықтарын жазады

-Сабақтың басында оқушылар түгенделіп, сабақ мақсаты хабарланды. Бұл сабақтың маңызы ашып айтылды.

- Сабақты бастамас бұрын ұйымдастыру кезеңіне назар аудардым: Оқушыларды сабаққа психологиялық дайындау, мотивациялау мақсатында «Жүректен-жүрекке» тренингін жүргіздім және құрал-жабдықтар мен көрнекіліктердің дайындығын қарастырдым. Оқушыларды сабақтағы жетістік критерийлерімен таныстырдым, бағалау парақтарын таратып бердім. - Алдыңғы білімді қайталау мақсатында үй тапсырмасын «Өткенге шолу» әдісі арқылы тексердім. Мұнда оқушылар сұрақтарға жауап беру арқылы өткен сабақты еске түсірді. Жауап берген оқушылар: Болат Елдос, Ермекқызы Інжу, Найманғазы Нұрәли, Қалиақар Камилла, Калиакперова Сабинаны 1 баллмен бағаладым.

- Оқушылар 1-тапсырманы орындауда «Талдау» әдісі арқылы топтық жұмыс жасап, растрлық және векторлық графиканы салыстыру кестесіне сала отырып, ұқсастығы мен айырмашылығын топтастырып, қорытынды тұжырым жасады. Бұл тапсырманы 6 баллмен бағаладым.

2-тапсырма жеке жұмыс. Оқулықпен жұмыс жасады. Бұл тапсырма векторлық кескін салу редакторында үш түрлі сурет салу. Оқушылар тапсырманы орындап, бағалау критериилеріне байланысты суреттерді салуда қайсысы қиын, қайсысы оңай болғандығын түсіндірді. Бұл тапсырма бойынша Айдынбекұлы Олжас, Сайлаухан Айхан, Қалиақпар Камилла 1баллмен, Болат Елдос, Ермекқызы Інжу, Найманғазы Нұрәли, Калиакперова Сабина 2 баллмен бағаланды. Кері байланыс алынды.

Сабақ мақсатына жетуде дидактикалық материалдар мен көрнекі құралдарды, техникалық жабдықтарды (интерактивті тақта, компьютерлер,) тиімді пайдаландым.

- Оқушының сабақты түсіну деңгейін анықтау мақсатында «Аяқталмаған сөйлем» әдісі арқылы сабаққа рефлексия жасалды, талданды.

-Үйге берілген тапсырмаға түсіндірме жасалып, ЕБҚ оқушыларға жекелей тапсырмалар берілді.

Сабақтың екінші бөлімінде бөлім бойынша жиынтық бағалау алдым.

-Сабаққа қойылған мақсат толығымен орындалды.