« Жүзден жүйрік»

Мақсаты: Оқушылардың математика пәніне қызығушылығын арттыру,жарысуға, жарыста жеңімпаз болуға ұмтылуын дамыту. Білімді дарынды озық болуға тәрбиелеу.

Сайыс барысы:

Құрметті ұстаздар, оқушылар! Бүгінгі сайысымызды Н.Ә.Назарбаевтың сөзімен бастайын: Білімді, интелектуалды адамдарсыз , озық ғылымсыз Қазақстанның перспективасы жоқ. Қазіргі таңда адамдардың бәсекелестігі, білім-ғылымның бәсекелестігі жүруде. Бұған дайындалу қажет. Осы сайыста көрсеткен білімдерін күнделікті жақсы оқығандарың – өздеріңнің болашаққа алғашқы қадамдарың болып табылады.

Білім деген биік шың,
Бақытқа сені жеткізер.
Білім деген ақылшың,
Қиындықтан өткізер,-деп бүгінгі «Жүзден жүйрік» атты сайысымызды бастаймыз.

Оқушылар 2 топқа бөлінеді.

I топ: «Тапқырлар»

II топ: «Ойшылдар»

Сайысымызды бастамас бұрын әділ қазылар алқасымен таныс болыңыздар.

Оқу ісі жөніндегі орынбасары –-------
Бастауыш әдістемелік бірлестігінің жетекшісі -------

Сайысымыздың алғашқы кезеңі- «Таныстыру».

Қарап тұрмай бәйгеге кеп еніңіз,

Шәкірттерге әділ баға беріңіз.

Жүзден жүйрік, мыңнан тұлпар шығарар,

Бәйге,бәйге, бәйгені бір көріңіз.

2 кезең – «Бәйге».

Бұл кезең бойынша сайыскерлерге 10 сұрақ қойылады. Әр дұрыс жауапқа 10 ұпай.

1-топ: «Ойшылдар» тобы

1.Ең кіші үш таңбалы сан. (100) 
2.Қабырғаларының ұзындықтары бір-біріне тең тік төртбұрыш. (шаршы)
3.4 ондықтан құралған сан. (Қырық)
4.Сұйықтықтың өлшем бірлігі. (Литр)
5. 2-ге бөлінетін натурал сандар ? (Жұп сандар)
6.1 ғасырда неше жыл бар? (100 жыл)
7. 1м-де неше см бар? (100 см)
8.Қосу амалының компоненттерін ата. (қосылғыш, қосылғыш, қосындының мәні)
9.Тік бұрыштан кем бұрыш қалай аталады? (сүйір)
10. Кез келген санға 1-ді қосқанда қандай сан шығады? (содан кейінгі сан)
2-топ:  «Тапқырлар» тобы
1.Ең үлкен екі таңбалы сан (99)
2.Қарама-қарсы қабырғалары бір-біріне тең геометриялық фигура. (тік төртбұрыш)
3.8 ондықтан құралған сан. (80)
 4.Ұзындықтың өлшем бірліктерін ата (мм, см, дм, м, км)
5.Дөңгелекті басқаша қалай атаймыз? (шеңбер)
6. Бір нүктеден шыққан түзулер? (сәуле)
7. 1 жылда неше ай бар? (12)
8. Бір үйде әкесі баласымен және атасы немересімен отыр.Үйде неше адам отыр? (3) 
9. 1сағ неше минут бар? (60 минут)
10.Азайту амалының компонеттерін ата.(азайғыш, азайтқыш, айырманың мәні)

3 кезең-«Бәрі бір әріптен».

Командалар «П,С» әрпінен басталатын математикалық терминдер жазады. Ең көп термин жазған топқа – 20 ұпай, келесі – 10 ұпай.

Өткір болсаң ұтарсың,
Тапқыр болсаң  табарсың.
Оқысаң өрге басарсың,
Жауабын жылдам табарсың.
-деп келесі кезеңімізге өтейік. «Амал таңбаларын орнына қою»

4 кезең- «Амал таңбаларын орнына қою»

1-топ: Ойшылдар
154+9?85-1=13 854
120?5*60=1440

216*5?32:8=1076
1985+1575?347=3213
2-топ: Тапқырлар
137712:228 ?2= 302
99? 0+135864= 135864
8*9?72=1
200*58?4=2900

4 кезең- «Логика әлемі» word woll платформасы.

Жарыстың соңғы сәті таяп қалды,
Демеңіздер біз өнерді аяп қалды.
Сіздерменен кездесерміз біздер әлі,
Жеңімпаздар бүгінгі анықталды.
Сонымен бүгінгі сайысымыз өз мәресіне жетті. Ойынға қатысқан оқушыларға алғыс айтамыз. Сау болыңыздар!