«Интернет орнына кітап»

Ә.Молдағұлова атындағы №173 орта мектепте 23 сәуір Дүниежүзілік кітаптар күніне орай кітапханашылардың ұйымдастыруымен «Интернет орнына кітап» біркүндік акцияға пікірсайыс ұйымдастырылды.

Кітап пен интернет айырмашылығы жөнінде өскелең ұрпаққа жаңа технологияны меңгерте отырып кітаптың пайдасын насихаттап және оқырмандарды кітапханаға тарта отырып 23 сәуір Дүниежүзілік кітаптар күніне орай «Интернет орнына кітап» атты 9 сынып оқушылары арасында пікірсайыс болып өтті.

Кітап біздің рухани құндылығымыз, теңдесі жоқ байлығымыз, ал интернет жаңа жаhандық ақпараттық даму технологиясы болып табылады. Кітап - адам өміріндегі ең қажетті құндылық және ондағы білімді заман талабына сай жүйе арқылы бойымызға сіңіріп, сол арқылы өз-өзімізді тәрбиелей аламыз. Әрине ғаламтор –заман талабы, ал кітап- біздің рухани байлығымыз.

Шара барысында оқушылар екі топқа бөлініп жақтаушы жақ және қарсы даттаушы жақ болып бөлініп өз ойларын білдірді. Қазіргі жастарымыз кітап оқып көз майын тауысқаннан гөрі ғаламтордың пайдасы мол деп ойлайды. Ғаламторға әуестену қазіргі ақпарат құралдарының дамуына байланысты қалыпты жағдай деп есептейді. Ал екінші жақ (жақтаушы жақ) тарапынан ғаламтордың немесе кітаптың көмегінсіз-ақ мәдени құрал, рухани азық ретінде қабылдаған жөн емес, себебі барлық мәдени құрал, рухани азық, сөз маржаны кітапта құралған деп ойлайды. Білімге ұмтылған жас ұрпақтың табылар жері осы кітапхана болуы керек деп өз ойларымен бөлісті. Шара соңында мектеп кітапханшысы Л.Омарова қорытындылап, оқушыларға кітапхананың жанашыр досы болуға және кітапханада жиі көруге шақырып өз лебізін білдірді.

Ә.Молдағұлова атындағы №173 орта мектеп кітапхана меңгерушісі Л.Омарова