Тәрбие сағаты

«Интернеттің пайдасы мен зияны»

Күні:

26.02.2025ж.

Сынып жетекші:

М.Бекмуратова

Сынып: 7 «Ә»

Қатысушылар саны: 21

Қатыспағандар саны: 0

Сабақтың тақырыбы: Эпиграфтар (тақырып мазмұнын ашатын)

«Интернеттің пайдасы мен зияны»

Сабақтың мақсаты:

Оқушыларға интернеттің пайдалы және зиянды жақтарын түсіндіру.

Интернетті қауіпсіз және тиімді пайдалану дағдыларын қалыптастыру.

Оқушылардың ақпараттық сауаттылығын арттыру.

Қауіпсіздік мақсаты

желідегі қауіпті хоббилерді тануға және олардан аулақ болуға үйрету.

Құндылықтар

жасампаздық және жаңашылдық

Апта дәйек сөз

Жаңашылдық – заман талабы

Тақырыптық көрмелер мен ақпараттық стендтер, көрнекіліктер

Неше түрлі мағыналы сөздіктер, топерлер

Дайындыққа арналған әдебиет

Интернет материалдары

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Сабақтың техникалық құрал-жабдықтары

Ұйымдастыру кезеңі (2 мин)

I. Ұйымдастыру кезеңі

1. Амандасу, оқушыларды түгендеу.

2. Сабақтың тақырыбы мен мақсатын таныстыру.

Оқушылар мұғаліммен амандасады,түгенделеді.Бүгінгі сабаққа сәттілік тілейді.Түстер арқылы топтарға бөлінеді..

Сабақ басы (15 мин)

Ғаламтор – қазіргі заманның ең үлкен ақпараттық кеңістігі. Ол адамдардың өмірін жеңілдетіп, білім алуға, жұмыс істеуге, байланыс орнатуға үлкен мүмкіндік береді. Бірақ ғаламтор –пайдалы құрал болғанымен, оны дұрыс пайдаланбаса, зияны да көп. Әсіресе , шексіз ақпарат ағыны мен тәуелділікке әкелетін факторлар бар.

Бұл күнде ғаламтор пайдаланушылар саны бүкіл әлем бойынша 1,5 млрд. адамнан асыпты. Бұл жер шарын мекендейтін халықтың төрттен бір бөлігі ғаламтор игілігін өз кәдесіне жаратуда деген сөз . Қазір адамдар қызмет орынында да, компьютермен жұмыс істей береді. Оның өмірімізге, кеңінен енгені соншалықты, бала біткен ойыншықпен емес, компьюьермен ойнап, өзінің өміртанымын ғаламтордағы желі ішінде қалыптастырады.

Сұрақтар арқылы талқылау:

Интернет дегеніміз не?

Интернетсіз өмірді елестете аласыңдар ма?

II. Негізгі бөлім

Сендер интернетті қандай мақсатта қолданасыңдар?

Енді оқушылар осы интернеттің пайдасы мен зияны туралы ойларыңды айтсаңдар.

Жақтаушы:

Құрметті қатысушылар, интернет – бұл қазіргі заманның ажырамас бөлігі. Ол білім алуға, ақпарат іздеуге, әлеммен байланыс орнатуға мүмкіндік береді. Ғылым, медицина, бизнес және басқа да салалар интернет арқылы қарқынды дамып келеді. Онлайн оқу мен жұмыс жасау мүмкіндігі пайда болды, бұл адамдардың уақытын үнемдейді. Сонымен қатар, интернет – шексіз ақпарат көзі, яғни адам өзін үздіксіз дамыта алады.

Даттаушы:

Иә, интернеттің пайдасы бар, бірақ оның зияны да аз емес. Ең алдымен, интернетке тәуелділік деген үлкен мәселе бар. Адамдар сағаттап әлеуметтік желілерде отырып, уақытын босқа өткізеді. Жастар шынайы өмірден алшақтап, виртуалды әлемге еніп кетеді. Киберқылмыс, интернет алаяқтығы, жалған ақпараттың таралуы сияқты қауіптер де бар. Интернет балалар мен жасөспірімдерге психологиялық зиян келтіруі мүмкін, өйткені олар өздеріне керексіз және зиянды ақпаратқа оңай қол жеткізеді.

Жақтаушы:

Әрине, интернетті дұрыс пайдаланбаса, оның зияны көп болуы мүмкін. Бірақ бұл әр адамның өзіне байланысты. Егер интернетті тиімді пайдаланса, ол үлкен мүмкіндікке айналады. Білім алу, кәсіп бастау, жаңа дағдылар үйрену – барлығы интернет арқылы оңай жүзеге асады. Тіпті, адамдар алыс қашықтықта отырып-ақ жұмыс істеп, табыс таба алады.

Даттаушы:

Дұрыс, интернет арқылы жұмыс істеуге болады, бірақ адамдардың әлеуметтік қарым-қатынасы әлсіреп барады. Көптеген адамдар телефонға үңіліп, жанында отырған адамдармен сөйлесуді ұмытады. Бұл отбасы мен достар арасындағы байланысты әлсіретеді. Сонымен қатар, интернеттегі ақпараттың бәрі шынайы емес, ал кейбір сайттар адамдарды теріс жолға бағыттауы мүмкін.

1. Интернеттің пайдасы:

Ақпаратты жылдам іздеу және табу.

Онлайн оқыту мен қосымша білім алу мүмкіндігі.

Әлемдегі жаңалықтардан хабардар болу.

Қашықтан жұмыс істеу және табыс табу.

Байланыс құралдары (әлеуметтік желілер, электронды пошта).

Қаржылық операциялар жасауға;

Көптеген қызықты дүниелермен танысу.

Әртүрлі мекемелер, ұйымдар орындар жайында мәлімет алуға;

Алдын-ала тапсырыс жасауға;

Әлеуметтік желілер арқылы лезде хат-хабар алысуға.

2. Интернеттің зияны:

Уақытты тиімді пайдалана алмау (тәуелділік).

Қауіпті сайттар мен ақпараттардың қолжетімділігі.

Кибербуллинг (онлайн қорқыту).

Дене белсенділігінің азаюы және денсаулыққа зиян келуі.

Жеке мәліметтердің құпиясыздығы (хакерлік шабуылдар).

Сананы улау;

Сөйлеу мәдиниетінен айырылу;

Уақытты тиімсіз өткізу;

Сезімдік нерв жүйелерінің аурулары пайда болуы;

Омыртқа жотасының ауруы;

Қарым-қатынаста жасқаншақ болуы

Оқушылар сұрақтарға жауап береді?

Оқушылар инернет жайлы толық мәлімет алады. Интернет дегеніміз – бұл бүкіл әлемдегі компьютерлер мен құрылғыларды байланыстыратын ғаламдық желі.

Оқушылар ғаламтордың пайдасы мен зияны туралы пікір-талас өткізеді.

Компьютер

Ортасы (20 мин)

Сұрақтар қою:

1. Киббербуллинг дегеніміз не? (Киббербуллинг – бұл интернетте немесе басқа да цифрлық платформаларда біреуді қорлау, қорқыту, кемсіту немесе бопсалау әрекеті)

2. Дроппер деген кім? (Дроппер-алаяқ пен оның құрбаны арасындағы делдал.Яғни , алаяқтың «көмекшісі»деген сөз)

3. Интернет білім алуға қалай көмектеседі?(Интернет-білім алудың шексіз мүмкіндіктерін ұсынатын қуатты құрал)

4. Лудомания дегеніміз не?(Лудомания дегеніміз- бұл құмар ойындарға деген патологиялық тәуелділік, адамның ойын процесін бақылау қабілетін жоғалтуы)

5. Интернеттегі алаяқтықтың ең кең тараған түрі қалай аталады? (Фишинг)

6. Құпия сөздер қанша символдан кем болмауы керек?

7. (8 символдан кем болмауы керек)

8. Интернеттегі зиянды бағдарламаларды қалай атаймыз?(Вирус)

9. Интернет желісінде жұмыс жасаған кезде қандай ақпаратты жарияламау керек? (Жеке мәліметтер: мекен-жай, Т.А.Ж., телефон нөмері және т.б)

Топтық жұмыс

Оқушыларды екі топқа бөліңіз:

1. Бірінші топ: Интернеттің пайдасы туралы мысалдар келтіру немесе постер жасап қорғау.

2. Екінші топ: Интернеттің зияны туралы мысалдар талқылау.

Әр топ өз ойларын постер немесе көрініс түрінде қорғайды.

Интернеттегі қауіпсіздік ережелері

Тек сенімді сайттарды пайдалану.

Жеке мәліметтерді жария етпеу.

Бейтаныс адамдармен байланыс жасамау.

Уақытты шектеу (күніне 2-3 сағаттан артық қолданбау).

Күмәнді сілтемелерге өтпеу.

Келген қонақтармен сергіту сәті. Түрлі –түсті бояуларды экраннан көрсетіп, есте сақтау жадын тексеру.

Түстерді жаттап, оны оюларды орналастыру қажет.

Оқушылар сұрақтарға нақты жауап береді.

Оқушылар топтық жұмыс орындайды.

Қызыл, көк, қоңыр

Сары, жасыл, розовый

Фиолетовый, оранжевый, серый

Қауіпсіздік сабағы (10мин)

«Цифрлық диета» дегеніміз не және ол не үшін қажет? Біздің қазіргі әлемде цифрлық технологиялар өміріміздің жарқын бөлігіне айналды. Жаңа технологияларды ақылмен пайдалану маңызды.

«Цифрлық диета» – бұл цифрлық технологияларды қолданудың саналы тәсілі. Цифрлық диета – бұл гаджеттер мен технологияларға тәуелділікті жеңу, тепе-теңдікті сақтау.

Гаджеттерден уақытша бас тартудың пайдалы жақтары:

• гаджеттерден уақытша бас тарту белсенді өмір салтына ықпал етеді;

• психикалық денсаулық жақсарады (стресс деңгейі төмендейді);

• ұйқы сапасы жақсарады;

• тұлғааралық қарым-қатынас орнатылды (достарыңызбен көбірек уақыт өткізуге болады);

• өнімділік артып келеді;

• шығармашылық дағдылар дамиды (кітап оқу, сурет салу, балама ретінде шығармашылық әрекеттер).

https://youtu.be/jWklhxwlxmA?si=3s9JkNCOr7aJQIbk

Соңы

Мұқағали Мақатаев :

«Ақпараттың заманы, өркендеді ел ісі,

Бірақ соған байланды –ау талай жастың жеңісі»

Бұл интернеттің мүмкіндігі мол болғанымен, оны дұрыс пайдалану маңызды екенін еске салады.

Интернет – заманауи өмірдің ажырамас бөлігі. Оны дұрыс әрі қауіпсіз пайдалана білсек, пайдасын көреміз, ал керісінше жағдайда зиянын тартуымыз мүмкін. Сондықтан әрқашан саналы қолдануды ұмытпаңдар!

Оқушылардан сабақта не үйренгенін сұрау.

Интернетті дұрыс және қауіпсіз қолдануға уәде беру.