Қысқа мерзімді жоспар бөлімі:

Ішкі энергия

Мектеп:№1 О.Есімов атындағы жалпы орта мектеп

Күні:

Мұғалімнің аты-жөні: Байтасов А

Сынып: 8

Қатысқандар саны:

Қатыспағандар саны:

Сабақ тақырыбы

Ішкі энергия. Ішкі энергияның өзгеру тәсілдері.

Осы сабақта қол жеткізілетін оқу мақсаттары (оқу бағдарламасына сілтеме)

8.3.2.1. Дененің ішкі энергиясын өзгерту тәсілдерін сипаттау

Сабақ мақсаттары

- Ішкі энергия туралы мағлұмат беру.

-Дененің ішкі энергиясын өзгерту тәсілдерін сипаттау.

- Күнделікті өмірден дененің ішкі энергиясын өзгерту тәсілдеріне мысалдар келтіру.

Бағалау критерийлері

-Ішкі энергия туралы мағлұмат береді.

-Дененің ішкі энергиясын өзгерту тәсілдерін сипаттайды.

-Күнделікті өмірден дененің ішкі энергиясын өзгерту тәсілдеріне мысалдар келтіреді.

Тілдік мақсат

Пәндік лексика және терминология:

Ішкі энергия, жылулық процестер, дилатометр, плексигластан, жылу алмасу терминдерімен сабақ барысында түсіндіру жұмыстары жүргізіледі.

Мысалы:

Ішкі энергия – дененің барлық молекулаларынның жылулық қозғалысының кинетикалық энергиясы мен өзара әреккеттесуінің потенциалдық энергиясынның қосындысын айтамыз

Дилатометр – су құятын құрал.

Құндылықтарға баулу

Индустрияландыру мен инновацияларға негізделген экономикалық өсу құндылықтарына баулу - сапалық және эксперименттік тапсырмалар арқылы іске асырылады.

Пәнаралық байланыс

Химия-зерттеу және тәжірибе жасау

Информатика‑ғаламтор желісінен нақты ақпарат жинау.

Алдыңғы білім

Температура туралы біледі.

Температураны өлшеу тәсілдерін сипаттай алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

2 минут

8 мин

Ұйымдастыру кезеңінде «Шуақты күн» әдісі арқылы ынтымақтастық орта қалыптастырамын. Оқушылар бір-біріне бүгінгі күнге байланысты жағымды тілектер айтады.

Себетпен конфет әкеліп, оқушыларға себеттен конфет алуларын сұраймын. Конфеттің түрлеріне қарай оқушыларды 3 топқа бөлемін.

1-топ «Сары кәмпиттер»

2-топ «Көк кәмпиттер»

3-топ «Қызыл кәмпиттер»

Үй тапсырмасын қайталау

«Допты лақтыру» әдісімен үй тапсырмасын қайталау. Мұғалім доп лақтырып сұрақ қояды. Допты қағып алған оқушы сұраққа жауап беріп, өзінің сұрағын қояды. Егер оқушы сұраққа жауап бере алмаса, допты басқа оқушыға береді. Бұл әдіс теориялық сұрақтарды бағалауға, тілдік мақсаттардың орындалуына көмек береді.

Физикалық шамалар жазылған кәмпиттер.

Сабақтың ортасы

10 мин

10 мин

Жаңа сабақ «Миға шабуыл» әдісі

Оқушылар жаңа тақырып бойынша бейнематериал көрсетемін.

Дененің ішкі энергиясы деп денені құрайтын бөлшектердің ретсіз қозғалысының энергиясымен олардың өзара әрекеттесу энергиясын айтады. Ішкі энергия U деген әріппен, ал оның өзгерісі ΔU әріппен белгіленеді. Ішкі энергияны өзгертудің екі тәсілі бар. Бірінші жылу алмасу арқылы, екіншісі механикалық жұмыс істеу арқылы.

Дененің ішкі энергиясы не механикалық жұмыс істелгенде не берілген дененің өзін қоршаған денелермен жылу алмасуы кезінде өзгереді. (артады немесе кемиді)

Оқушылар бейнематериал көріп сабақтың тақырыбын, мақсатын анықтайды.

«Ойлан тап» әдісі

Топтық жұмыс-эксперименттік тапсырма

І топ: Шаммен темір сымды қыздырамыз. Не байқадық? Жылу берілу арқылы ішкі энергияны өзгертуге болады ма?

ІІ топ: Қантты үгіту. Қантты үгіту кезінде молекулалар орналасу реті қалай өзгереді? Энергиясы қалай өзгереді?

ІІІ топ: Қаламсапты екі алақанның ортасына қойып уқалаңдар, беттеріңе тигізіңдер. Не байқадыңдар? Ішкі энергияның өзгерісі қалай сипатталады?

Дескриптор :

1. Жылу берілу арқылы ішкі энергияны -өзгертуге болатынын біледі

2. Қантты үгіту кезінде молекулалардың орналасу ретін айта алады.

3. Жұмыс істеу арқылы ішкі энергияның өзгерісін сипаттай алады.

4. Күнделікті өмірмен байланыстыра алады.

Слайдтар, флипчарт,маркер,стикер.

Физикалық құрал жабдықтар.

Сабақтың соңы

5. мин

3 мин

Үй тапсырмасы:

2 мин

«Ойлан,жұптас бөліс» жұптық жұмыс

Оқушылардың тақырып бойынша алған білімдерін тексеру үшін қолайлы .Дененің ішкі энергиясын өзгерту тәсілдері туралы мысалдар келтіруін және ол ішкі энергияны өзгертудің қай түріне жататынын ашып көрсетуін тапсырамын.

Дескриптор:

1. Жаңа тақырыпқа байланысты жаңа, қызықты ақпараттар айтады.

2. Дененің ішкі энергиясын өзгерту тәсілдерін сипаттайды.

3. Дененің ішкі энергиясын өзгерту тәсілдерін түсіндіреді.

«Бес саусақ» әдісі бойынша кері байланыс

1.Бүгін мен---------орындай алдым

2.Маған--------------қиын болды

3.Мен-----------қайталауым керек

4.Мен кімге көмек көрсете алдым.

5.Өзімді---------бағалаймын

«Жұмыс істеу арқылы ішкі энергияның өзгеруін зерттеу» эксперименттік тапсырмасын орындау.

Слайдтар ,флипчарт, маркер,

стикер

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Сабақ барысында берілген тапсырмалар оқушылардың қабілеті мен қарқынына сәйкес сараланған.

«Миға шабуыл» әдіс арқылы Ішкі энергия туралы мағлұмат алады. «Ойлан тап» әдіс арқылы Дененің ішкі энергиясын өзгерту тәсілдерін тәжірибе жасау арқылы оқушылардың басым бөлігі ішкі энергияның өзгерту тәсілдерін сипаттайды. Кейбіреулері

күнделікті өмірден дененің ішкі энергиясын өзгерту тәсілдеріне мысалдар келтіре алады.

Қалыптастырушы бағалау кезінде оқушыларды демеп, қолдау көрсету үшін смайликтер, бағдаршам арқылы бағалау.

Сабақтың өне бойында дескрипторларға қарай тапсырмаларды орындай отырып оқушылардың білімі қалыптасады және қалыптастыру үдерісі жүріп отырады.

Эксперименттік тапсырмаларды орындау кезінде оқушыларға қауіпсіздік ережесін сақтау ескертіледі және қадағаланады. Оқушылар топтық жұмыс кезінде, экспериментте алынған мәндерді талдауда сыныптағы оқушылардың бір-бірінің пікірін тыңдай білуіне, коммуникативтік қабілетін жарқын көрсетуіне жағдай жасалады.