«Жағымды қарым-қатынас» тренингі

Қызылорда облысы

Жаңақорған ауданы

№56 жалпы

орта мектебінің

қазақ тілі мен әдебиет

пәнінің мұғалімі

Жақыпова Гүлзира

Тақырыбы: «Жағымды қарым-қатынас» тренингі

Сынып:5

Мақсаты: оқушыларда өзара жағымды қарым-қатынасты дамыту, бір-біріне деген сенімді нығайты.

Жаттығу. «Қанекей, амандасайық»

Мақсаты: өзара қарым-қатынастың жайлылық жағдайын құру.

Шарты: Қатысушылар психологтың дабылы бойынша бөлмеде шашырап жүреді. Жүрген кезде бір-бірімен амандасады. Психолог бір рет шапалақ ұрса бастарын изейді; екі - рет қолды ұстап : үш рет иықтарымен; төрт реарқаларымен.

2. Жаттығу: «Кірпі».

Мақсаты: оқушыларды біреудің қателіктерін кешіруге үйрету.

Шарты: Бір оқушы кірпі болады, рөл кезек-кезек ауысып тұрады,барлық оқушылар ренжулі отырған кірпіге жылы сөздер айтып, кшірім сұрайды, кірпінің мақсаты тыңдап, өз сезімдерін айту .

3. Жаттығу. «Жанасу арқылы білу».

Мақсаты: өзара жақындасудың дамуына ықпал ету, сыныптасының бағалауына әсер ету.

Қатысушылар шеңбер бойымен отырады. Ортада бос орындық тұр.

Шарты: «Ойыншының біреуі шеңбердің ортасына шығады да, орындыққа отырады және көзін жұмып, алақанын жоғары қаратып қолын тізесіне қояды»Оқушылар кез-келген ретпен оған жақындайды да,өздерінің қолдарын оның алақанына қояды. Орындықта отырған ойыншы кімнің қолы екенін табу керек. Егер дұрыс айтса, онда психолог «ия» дейді, ал егер қателессе «жоқ» дейді.

Талдау: жанасқан кім және қалай сезілді? Кім қалай тапты?

4. жаттығу. «Жаттығу. «Бір күннің қорытындысы».

Оқушылар бір-біріне жұмсақ ойыншықты бере отырып, өздерінің тренингтен алған әсерлерін айта отырып, бір-біріне тілек тілейді.