Жамбыл атаға арнау!

Жамбыл атаға арнау

Жыр алыбы Жамбыл ата айбыным

Қазағымның көкке өрлеген ай-күні.

Жырларыңыз күйге бөлеп кеудемді

Сізге арнап қалам алдым мен бүгін.

Дүлділі өлең жырдың Жамбыл бабам,

Қырғыз бен қазағыма көпір болған.

Баурайын Алатаудың мекен етіп,

Таудай боп өскен екен талабынан.

Әнге қосып жастық жырын,шат жырын.

Өзіңіздей сөз пернесін басты кім?

Жамбыл менен Хан тауының баурайын

Жырға бөлеп өткен еді жастығын.

Ел басына ауыр күндер туғанда,

Ер майдана,ана тілде шаршаған.

Ел сусындап өзің жазған жырларға

Рухтанып,қуат алған күш алған.