«Қош келдің, Жаңа жыл!»

Топ: «Күншуақ» Күні:26.12.2024жыл

Мақсаты: Балаларға жаңа жыл туралы түсінік беру. Аяз Ата сыйлық беретінін айтып, балаларды қуанышқа бөлеу. Шыршаның әсемдігіне назар аударып, ойыншықтардың әдемілігіне қызықтыру. Ертеңгілік барысында балаларды персонаждарға бөліп, өздері кейіпкерлендіруді ұсыну. Әндер, билер арқылы балаларды өнерге талпындыру. Өлеңдерді мәнермен айтып, ертеңгілікте достық сезімдерін ояту, ән, тақпақ арқылы сөздік қорын дамыту.

Тәрбиеші:Жаңа жылдың таңы неткен арайлы
Ақ мамыққа бөлеп алды маңайды
Жаңа жылмен құттықтаймын бәріңді
Бақыт, шаттық, молшылық әкелсін
Бәрімізге мына жыл арайлы!
Құтты болсын ағайын!
Жаңа жылың тағы да
Қол соғып қарсы алайық
Шақырайық ортаға
Ертеңгілік басталсын
«Күншуақ» тобында!
(балалар келіп шыршаны айналып тұрады)

Ән: «Жаңа жыл»

(музыка қосылады Сиқыршы шыр айналып кіреді)
Сиқыршы:

Жаңа жыл келді
Азаймасын ән мен жыр
Ел көңілін көтерсін
Құтты болсын жаңа жыл!

Сиқыршы: Бәрекелді, жарайсыңдар! Қараңдаршы, айнала неткен керемет, әсем мына шыршамыздағы ойыншықтардың алуан түрлері бар екен. Бәрімізде әп - әдемі жаңа жылдық киімдерімізді киіп жиналып қаппыз. Бірақ,... шыршамыз көңілсіз, қане менің сиқырлы таяғымның көмегімен, сендердің әдемі сөздеріңмен шырша шамын жағайық!

Ой,балалар, Менің сиқырлы таяғыммен шыршамыз жанбай тұр. Мүмкін жаңа жылдың басты қонақтары Аяз ата мен Ақшақарды шақырып көрейікші.Мүмкін Аяз атаның таяғымен жанып қалар.

Тәрбиеші: - Айтыңдаршы жылда Жаңа жылға бізге қонаққа кім келуші еді?
(Балалардың жауабы)

Тәрбиеші:: Кәнекей, ендеше бәріміз бірге шақырайық.
Бәрі: Аяз ата, Аяз ата, Аяз ата, Ақшақар Ау - у - у - у! 3 – рет

(Ортаға Ұлу келеді)

Ұлу: Мұнда не у – шу болып жатқан.Охоуу Жаңа жыл болып жатқан сияқты ғой.Тыныштықпа балалар

Тәрбиеші: Ұлу, біздің шыршамыз жанбай,жаңа жылдық кешіміздің сәні кірмей тұрғаны. Шыршамыз жанбай жатыр.Сиқыршының таяғымен әне көрдік,міне көрдік болмады.

Ұлу: Ұлу
Балалар,балалар
Мен тұрмын қуанып,
Шаттыққа бөленіп
Бір жыл бойы сіздермен
Дос болдық біз шаттанып.

Рахмет балалар,менімен жыл бойына дос болғандарын үшін,сендермен бірге ортаға

тағы да қайталап Аяз ата мен Ақшақарды шақырып көрелік

Тәрбиеші:: Кәнекей, ендеше бәріміз бірге шақырайық.
Бәрі: Аяз ата, Аяз ата, Аяз ата, Ақшақар Ау - у - у - у! 3 – рет

Ортаға Аяз ата мен Ақшақар кіреді

Балалармен амандасып ,жаңа жылдық көңіл сыйлайды.

Аяз ата запись қосылады.
Бәрі: Қуант, бізді, таңырқат
Шамдарыңды жарқырат! 3 рет
(Шырша шамы жанады, «Алақайлап» қол соғады)

Тәрбиеші:: Міне, керемет, қол ұстасып әнімізді шырқайық.
Ән: «Шырша жыры» (тіл жетпейтін тамаша,

жаңа жылдың бар сәні)

Жылан дауысы қосылады.

Аяз ата: -балалар бізге Жаңа жылымыз келе жатыр екен.бәріміз қарсы алайық

Ортаға Жылан кіреді.

Жаңа жылдық тілектерін айтып,ортада бірге жаңа жылды қарсы алады.

Тәрбиеші: Ендеше, шыршамызға тақпақтарымызды айтайық

С.АЙЫМ

Дала нұр, қала нұр

Құтты болсын Жаңа жыл

Жасыл шырша жанында,

Билеп барлық бала жүр

ШАХКЕРІМ

Мол сыйлықпен келер ол

Шырқатып ән салар ем

Жылдамырақ келсе екен

Бізге сыйлық берсе екен

МУСЛИМА

Бүгін біз көңілдіміз

Жаңа жылды қарсы алып

Мерекеге келгендерді

Құттықтаймыз ән салып

ХАНАЛИ

Даланыңда қаланыңда

Думандатып отбасын

Тағы, міне Жаңа жыл

Қақты уақыт қақпасын

Аяз Ата:
Құтты болсын, балалар
Келген Жаңа жылдарың
Алаңдамай өсіңдер

Еркелеп қыз, ұлдарым
өткен жылы келіп ем
Бәріңді де көріп ем
Жыл өткізіп келем деп
Уәдемді беріп ем
Ойларың мен бойларың да
Бірдей өсіп қалдыңдар ма?
Ал, мен кіммін айтыңдаршы
Мені тани алдыңдар ма?

Балалар: Аяз ата!
Ақшақар - Сәлеметсіңдер ме, балалар. Жаңа жылдарың құтты болсын!
Сүйсіндірер маңайды
Ақшақармын арайлы
Жалт - жұлт еткен жүзімнен
Күміс сәуле тарайды.
Ақшақармын аппақпын
Қалай тыныш жатпақпын
Менсіз қыстың сәні жоқ
Әнмін, жырмын, тақпақпын.

Тәрбиеші:: Қош келдіңіздер, баршаңызда, алыс жолдан келдіңіздер.
Әсем әні де, биі де бар
Отыр ата, сәл дем ал.

Ән: «Жаңа жыл»(жаңа жыл келіп еліме,

қуанышпенен басталад)

Тәрбиеші:
Әуеледі әніміз
Жаңа кірді сәніміз
Ақшақарды ортаға алып
Би билейік бәріміз.

«Ұлпақарлар» биі (Фатима, Адина,Муслима, Аяла)
Аяз ата: Жарайсыңдар, өнерлі екенсіңдер!
Тәрбиеші: Иә, ата, балаларымыз шеттерінен өнерлі.

КӘУСАР

Жаңа жыл, Жаңа жыл

Төгілсін жаңа нұр

Сыйлығын сүйретіп,

Келді міне, Жаңа жыл

РАЙЫМБЕК

Бүгін біз көңілдіміз,

Жаңа жылды қарсы алып.

Мерекеге келгендерді

Құттықтаймыз ән салып

ЖАНСҰЛУ

Аяз ата жол салып,

Ақ боранмен алысқан.

Балаларға базарлық,

Алып келді алыстан

АРУЖАН

Кел, балалар, тақпақты

Тақылдатып айтайық

Аяз ата таң қалсын

Сыйлық алып қайтайық

Т.АЯЛА

Не ойласаң жаңа жылда

Орындалады бар арман

Жаңа жылды сондықтан

Күтеді барлық балақан

Аяз ата: мына ата - аналар да мықты екен. Енді мен дем алсам деймін.
Тәрбиеші: Иә, ата, дем алыңыз, ортамызда ата – аналарымызбен ойын ойнап тастайық Тамашалайық!

Би:Аяз ата

Тәрбиеші: - Шыныменен, балалар, біз бір жасқа үлкейдік. Ескі жыл Жаңа жылға орнын сыйлағысы келіп тұр, олай болса, сау болыңыз, біз сізге ризамыз!
Бәрі. Қош, қош, Ескі жыл!

Би: Жұптық би


Тәрбиеші:
- Аяз ата Ақшақар сіздер біздердің балаларымыздың сыйлықтарын қашан бересіздер?
Аяз ата: Ой - буй, ұмытшақ басым ай, әрине қазір, қазір....
(барлығыңа сыйлық үлестіріледі)

Аяз - Ата: Жарайсыңдар балаларым! Meнi бүгін бip қуантып, алыс жерден шаршап келгенде көңілімді көтердіңдер. Барлықтарың да ақылды, білімде де өнерлі екенсіңдер.
Киген киімдерін қандай әдемі! Солай емес пе қызым? Біздің сыйлығымызға риза болыңдар. Ал енді біз жолға шығайық. Басқа да балалардың өнерін тамашалайық. Ал, балаларым, сендер өсе беріңдер, өркендей беріңдер. Аспандарың ашық болсын! Қош болыңдар! (қолдарын бұлғап шығып кетеді.)
Балалар: Сау болыңыздар! Рақмет сіздерге!

Бәрі.
Біз тілейміз жаңа жылдық шаттықты
Біз тілейміз жаңа жылдық бақытты.

Тәрбиеші:: Құрметті қонақтар, балалар! «Қош келдің, Жаңа жыл!» жылға арналған мерекеміз аяқталып қалды. Осындай керемет өтуге ат салысып жүрген ата - аналар, әріптестерім сіздерге де мың алғыс! Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін!!!

«Нұр - Зере» бөбекжай балабақшасы

«Қош келдің,

Жаңа жыл 2025»

Тобы: Мектепалды «Күншуақ» тобы

Тәрбиеші: Әлиакпарова Шахноза

Қызылорда 2025 жыл