Мақсаты: Балаларға жаңа жыл мерекесі туралы ұғым беріп, жаңа жылды татулықпен бірлікпен өткізуге баулу.

Жүргізуші: Армысыздар құрметті қонақтар ата-аналар, бақша бүлдіршіндері. Міне бүгін көптен күткен жаңа жыл мерекесі келді Жаңа жыл жаңа бақыт, жаңа қуаныш әкелсін. Еліміздің еңсесі биіктеп, аспанымыз ашық, еліміз тыныш болсын. Бала бақшамыздың мәртебесі одан әрі арта берсін. «............» тобының «Жаңа жылдық» ертегі атты ертеңгілігіне қош келіпсіздер. Бақшамыздың меңгерушісі ...............сөз береміз. «..............» тобының ұлдарымен сұлу қыздарын ортаға шақырамыз.

Балалар музыка әуенімен залға кіреді.

Ән: 1,2,3

Тақпақтар Б.Ерасыл

Тілеймін мен бар әлемге

Дос көп болсын жаңа-жыл

Ата- әже, әке -ана

Құтты болсын жаңа-жыл

Бауыржан

Жапалақтап ақша қар

Жауды күнде қайталап

Қырға шықты балалар

Шаңғыларын арқалап.

Рамазан

Жаңа жыл келгенде

Қуанып қарсы аламыз.

Аяз Ата келгенде

Билейміз, ән саламыз.

Айтөре

Жылдың әнін бастайын,

Аяз- Ата кеп қалды.

Майысады жас қайың,

Көтере алмай көп қарды

Серік Арсен

Аяз ата қаһарлы

Айналаны қар жапты

Ақ тон киіп орман тұр

Дәл атамдай салмақты

Жүргізуші: Келіңдер бәрің қараңдар

Ертегімді тыңдаңдар

Ертегімде сан қилы

Қызық қызық сырлар бар

Осынау зәулім сарайда

Жаңа жыл кеші өтпекші

Осынау зәулім сарайға

Мерекені тойлауға- Шығыс ертегісінің Шахиризадасы жолға шыққан екен.

Шахиризада: Бұл зәулім сарайда менсіз өтіп жатқан қандай той думан.

Жүргізуші: О, Шахиризада бұл зәулім сарайда төр өзіңдікі, төрлетіңіз. Сіздің қалауыңыз бойынша кешімізді бастайық. Балаларымыздың орындауында жаңа жылдық ән.

Ән: Шырша жыры

Жүргізуші: Қарсы алайық қол соға,

Өнерлі жас қаншама

Мың бұралып, билеген

Ұлдарымыз ортада

Би: Джентельмен

Шахиризада: Керемет не деген өнерлі балалар.

Жүргізуші: Енді балаларымыздың жаңа жылға арнаған тақпақтарын қабыл алыңыздар.

Тақпақтар: Дана

Әкем таңдап әкелді

Ең үлпілдек шыршаны,

Иісі аңқыған шыршаны,

Жарқыраған шыршаны...

Жұпар иісі аңқыды,

Апамды да мәз қылды!

Нурила

Далада қар борайды,

Ақ мамыққа орайды.

Мұз болады, қатады,

Жып-жылтыр боп жатады.

К.Айша

Ақ қырауға малынған

Сақалы да мұрты да.

Аяз ата сағынған,

Сәлем бepді жұртына

Айару

Айналамда ұшып жүр,

Ақ мамық қар себелеп.

Қалт-құлт еткен бейне бір,

Ақ қанатты көбелек.

Амина

Аспан жерге төгеді

Ақ күмісін уыстап

Жаңа жылда келеді

Бізге қарай жылыстап

Жүргізуші: Қарсы алайық қол соға,

Өнерлі жас қаншама

Мың бұралып, билеген

Қыздарымыз ортада

Би: Үнді биі

Жүргізуші: Енді жаңа жылға арнаған тақпақтарын қабыл алыңыздар.

Тақпақтар: Бөкейхан

Жаңа жылда бақшамыз,

Гүлдей болып жайнасын.

Аман болсын барлық бала,

Шат - шадыман ойнасын.

Жаңа Жыл құтты болсын

Сұлтан

Жаңа жылда, балалар,

Тек қуаныш көріңдер.

Ауырмаңдар ешқашан,

Мықты болу өзіңнен.

Алинұр

Ақша қар, ақша қар,

Аппақ болып қонасың.

Тоса қалсам қолымды

Алақаныма толасың.

Аян:

Тоғай да, баулар да

Ақ күміс жамылды.

Дала да, таулар да

Өзіңді сағынды.

Жүргізуші: Енді балалар ойын ойнап бір сергіп алайық:

Ойын: «Аяз атаға хат»

Жүргізуші: Балалар біздің ортамызға кім жетіспей тұр

Балалар: Аяз ата мен Ақшақар

Жүргізуші: ендеше бәріміз дауыстап Аяз ата мен Ақшақарды шақырайық

Бәрі бірге Аяз ата Ақшақар деп шақырады

Сол кезде қатты жел тұрып залға Мыстан кемпір кіріп келеді

Жүргізуші: Балалар бұл Аяз ата емес қой

Мыстан: Бұл зәулім сарайда өтіп жатқан қандай мереке, менде бұл мерекеге қатысып көрейін.

Жүргізуші: Мыстан бізге қонақ болып келіп қалыпсың төрлет.

Би: Қарақшылар

Мыстан: Қадірменді Шахиризада мен бұл мерекеге құр қол келмедім, міне қолымдағы алмаға қараңдар жесең тілді үйіретін , жемесең өмір бойы есіңнен кетпейтін, жегенде адамды жасартатын, армандар мен тілектерді бұлжытпай орындайтын алмамды ала келдім. Осы алманы Шахиризадаға сыйлаймын. Мына алманы жеп өмірде жасарып, армандарың орындалып жақсы өмірді сүресің. Олай болса мен кеттім ХаХаХА деп залдан шығып кетеді.

Шахиризада: ММММ қандай тәтті алма, мұндай алманы қалай жемеске ааа деп дәмін татады да ұйықтап қалады.

Жүргізуші: Мыстан кемпір алманы сиқырлап алдап берген екен енді не қыламыз. Балалар Аяз атаны шақырайық. Бәлкім Аяз ата мен Ақшақар көмектесе алатын шығар.

Балалар: Аяз ата Ақшақар

Аяз ата: Армысың ба ұлдарым

Армысың ба қыздарым

Қандай солғын жүздерің

Неге сонша мұңайдың

Бізді күтіп алаңдап

Шаршадыңдар ма балаларым

Сендерге не болған балаларым

Ақшақар: Балалар біз атам екеуміз сәл кешігіп қалдық Бірақ біз сендердің көңілдеріңді көтереміз.

Ақшақардың орындауында

Ән: Ақшақар

Жүргізуші: Ой ата сіз бізге көмектесіңіз Шахиризаданы Мыстан кемпір келіп сиқырлы алмасын беріп ұйықтатып тастады.

Аяз ата: Жарайды ендеше мен мына сиқырлы таяғымның күшін пайдаланып көрейін, таяқшасын арлы берлі айналдырып суф суф деп таяғын сілтеп Шахиризаданы оят сиқырлы таяғым деп айтады.

Шахиризада: Ата көмектескеніңізге көп рахмет

Жүргізуші: Балалар біз Аяз ата мен Ақшақарға арнап әнімізді айтып берейік.

Ән: Жаңа жыл

Ойын: «Кім жылдам»

Жүргізуші: Аяз ата біздің балаларымыздың тақпақтарын қабыл ал.

Тақпақтар: Сафия

Ақ қар жапты даланы

Ақ жамылды айнала

Жарқыратып шамдарын,

Шырша келді ортаға

Айлин

Жаңа жылым мол болсын

Басқан қадам оң болсын

Төрле төрле жаңа жыл

Бізге құтты жыл болсын

Айеркем

Ән айтамыз, би билейміз,

Біз көңілді баламыз.

Шаршауды біз білмейміз,

Тақпақ айтып, би билеп.

Аяз Атадан сыйлық аламыз.

Медина

Оралды өлкеме

Жаңа жыл, армысың!

Оранды ақ көрпе

Асқар тау, қарлы шың.

Нұрайым

Әдемілеп біз ілген

Ойыншықтар тізілген

Қандай әсем шыршамыз.

Ән шырқайық баршамыз

Жүргізуші: Ендігі кезекте қыздарымыздың биін қабыл алыңыздар

Би: Жингл бенс

Тақпақтар: Адия

Аппақ тонға оранып,

Базарлықты мол алып.

Келді алыс сапардан,

Аяз ата оралып

Ералхан Ерасыл

Тамаша, тамаша,

Шыршамыз тұр жараса.

Басында әсем жұлдызы

Көз тоймайды қараса.

Рауан

Жасыл желек жамылған

Асыл моншақ тағынған

Басында әсем жұлдызы

Көз тоймайды қараса

Камила

Тауда туып

Тауда өсіп

Шырша келді ортаға

Қандай жақсы шыршамыз

Ән шырқайық баршамыз

Бекарыс

Безендіріп шыршаны

Жыл қуантты баршаны.

Той-маскарад басталды,

Аяз оны басқарды.

Сабырхан Арсен

Бақша іші мереке,

Ойын күлкі асқақ ән.

Жақсы әпкелер жаңа кеп,

Мерекені бастаған.

Би: Флешмоб

Жүргізуші: Ескі 2023 жылға айтар алғысымыз шексіз. Қоян жылы саған айтар алғысымыз көп. Балалар енді есігімізді қағып тұрған 2024 жыл ұлу жылын қарсы алайық.

Жаңа жыл: Мереке думан құтты болсын.

Жүргізуші: Аяз ата біздің балалар сізге манадан бері өз өнерлерін көрсетіп, ән мен биін ортаға салып жатыр. Ал енді бізге беретін сыйлығыңыз қайда?

Аяз ата: Ой балалар өнерлі екенсіңдер. Бірақ мен қартайдым. Көп нәрсені ұмытып қала беретін болдым. Сендерге дайындаған сыйлықтарды қайда қалдырғанымды білмей ұмытып отырмын.

Мыстан келеді: Ия Ия ұмытшақ шал сыйлықтарыңның қайда екенін білмей отырсың ба? Енді балаларға не бересің? Олар сенен сыйлық күтіп отыр.

Аяз ата: Ей мыстан не деп тұрсың жаңа Шахиризаданы сиқырлап кеткен едің кел саған көрсетейін. Таяғым суф суф мына мыстанды билетіп шаршатшы. Таяғын жерге ұрады

Мыстан билей жөнеледі: Аяз ата кешір мені енді қойдым мен шаршадым маған көмектесіңдер айтам сыйлықтарды жасырып қойған менмін қазір әкеліп беремін

Аяз ата: Тоқта деп таяғын бір ұрады

Мыстан тоқтап қалады. Мені кешіріңдер балалар Аяз ата кешір мені енді мен жамандық жасамаймын. Қазір сыйлықтарыңды әкелемін.

Аяз ата мен Ақшақар балаларға сыйлықтар үлестіреді.

Меңгерушіге сөз беріледі.

Ән: 1,2,3

Тақпақтар

Жүргізуші сөйлейді

Шахиризада келеді

Ән: Шырша жыры

Би: Джентельмен

Тақпақтар

Би: Үнді биі

Тақпақтар

Ойын: Аяз атаға хат

Аяз ата мен ақшақарды шақырамыз бірақ Мыстан келеді

Би: Қарақшылар

Мыстан сөйлейді сиқырлы алманы Шахиризадаға береді

Аяз ата мен ақшақар келеді

Ақшақар ән айтады Ән: Ақшақар

Ән: Жаңа жыл

Тақпақтар

Би: Жингл бенс

Тақпақтар:

Би: Флешмоб

Ескі жыл мен жаңа жыл келеді

Мыстан келеді

Аяз ата мыстанды тағымен сиқырлайды Мыстан билейді

: