Жаңалықтың артындағы оқиға

Жаңалықтың артындағы оқиға

Жаңалыққа толы медиа әлемі-қарапайым халық үшін «төртбұрышты терезе». Экрандағы әр қызуғанды жаңалық-атылған оқпен тең. Бір қарасақ, әр өңірден жинақталған ақпараттардың түйіскен жері. Журналистер оны тікелей эфирде шешендік өнермен әдемі алып шығады. Бірақ ол жаңалықтардың артында не жатыр?

Журналистика мамандығына түсу-әр күннің ерекшелігіне дайын болу. Тек анық дикция мен шапшаңдық жеткіліксіз, күнделікті тұрмыс-тіршілігіңді 180 градусқа өзгерту.

Ең бірінші-отбасыңнан алыстау. Медиа маманы ретінде, сен әрқашан жаңалықтың лаулаған жерінде жүруің тиіс. Түнгі ұйқыңды төртке бөліп, өрт болған жерге барып, репортаж түсіру. Ол жақтағы ресми мамандармен сұхбаттасуың, үйге келіп, монтаждау мен мақала жазу процесі орын алады. Мамандығың өміріңнің бір бөлшегі емес, өмірің мамандығыңның бір бөлшегіне айнала бастайды. Бүгін жатарда ертеңгі күніңнің қалай басталарынан да бейхабарсың. Кеше шұғыл іспен Астанаға ұшсаң, келесіде ауыл шетіндегі зауытта ақпарат жинайсың. Осылайша, үйге де аптасына бір келіп, көбірек уақыт бөлуге тырысасың.

Екінші-кадр сыртындағы дайындық пен тәжірибе. Халық күнде көретін «сәтті» жаңалықтар шын мәнінде ұзақ дайындықты талап етеді. Журналист камера алдында жүретін адам болғандықтан, бәрі мінсіз болуы керек. Себебі әр көңіл-күй мен атмосфера көрерменге экран арқылы беріледі. Ал бір кадрды түсірудің өзі бірнеше түсірілімді қажет етеді. Оның алдында журналист моральдік тұрғыдан дауысын, тілін жаттықтыруы тиіс. Камера алдында тәжірибелі маман болуы қажет, сондықтан «өз ісінің шебер» болу әркімге бір бұйыра бермейді. Әсіресе тележурналистикалық бағыт үшін бірнеше ауқымды критерийлерге сай болу бұл база. Журналистің күші командалық жұмысқа әсер етеді. Сол себепті кадр сыртындағы дайындыққа ұжымдық бірлестік ерекше орында. Бір шоудың тікелей эфирінде де оператор, респондент, корреспондент бір толқында жұмыс істеп, бір-бірін түсінуі тиіс.

Түйіндей келе, біз күнделікті теледидар мен смартфон арқылы көріп жүрген «мінсіз» жаңалықтың артында бірнеше мамандардың еңбегі мен терісі жатыр. Халық үшін қызмет ететін, ант берген ақпарат жеткізушілерімізге сынмен қарамай, қате кетсе, оларды түсіне білу керек. Егер ақпарат тұтынушылары болмаса, біз мүлдем әлемдік жаңалықтар жайлы бейхабар болар едік.

Айдана Копжан

№2 ММГ 10 «Б»

Ақтөбе облысы, Мәртөк ауданы