Ашық ұйымдастырылған іс-әрекет

Тақырыбы: «Жаңбыр тамшылары»

Барысы:

Бөбекжайда «Жаңбыр тамшылары» тақырыбындағы ашық іс-әрекет ұйымдастыру балалардың табиғат құбылыстарымен танысуына, экологиялық сана-сезімін арттыруға, шығармашылық қабілеттерін дамытуға бағытталған.

Мақсаты:

• Балаларға жаңбыр, жаңбыр тамшылары туралы түсінік беру.

• Қоршаған ортаға деген қызығушылықтарын ояту.

• Сенсорлық және шығармашылық ойлауын дамыту.

Құрал-жабдықтар:

• Жаңбыр дыбыстарының аудиожазбасы.

• Тамшы үлгісі ретінде түрлі-түсті қағаздан жасалған тамшылар.

• Судың қасиеттерін көрсетуге арналған су құйылған ыдыс.

• Жаңбырдың анимациялық бейнеролигі немесе суреттері.

1. Ұйымдастыру кезеңі

• Балаларға жылы шырай білдіріп, көңіл-күйін көтеретін амандасу.

• Ашық іс әрекет тақырыбын хабарлау: « Жаңбыр тамшыларымен танысамыз!»

2. Әңгімелесу

• Балаларға сұрақтар қою:

  • Жаңбыр қайдан пайда болады?

  • Жаңбыр тамшылары қалай көрінеді?

  • Жаңбыр не үшін керек деп ойлайсыңдар?

3. Визуалды және дыбыстық таныстыру

• Жаңбыр дыбыстарын тыңдату. Балалардан олардың қандай дыбыстар естігенін сұрау.

• Жаңбырдың суреттерін немесе видеосын көрсету, балаларға жаңбырдың табиғатқа тигізетін әсерін түсіндіру.

4. Зерттеу бөлімі:

• Балаларға жаңбыр тамшыларының пішінін сипаттауды үйрету:

  • Жаңбыр тамшылары дөңгелек және кішкентай.

  • Тамшы жерге түскенде үлкейіп, топыраққа сіңеді.

• Тәжірбие :

• Суға тамшы жасау пипиткамен немесе шприцпен көпіршік бетіне көк түсті суды тамызу арқылы тамшыларды көрсету.

• 5. Шығармашылық бөлім

• Балаларға қағаз бетіне мақта жапсыру арқылы бұлт пен жаңбыр тамшылары жапсыру немесе бояу арқылы жаңбыр көрінісін салғызу.

• Қол жаттығуын өткізу: саусақтарымен жаңбырдың тамшыларын жіп арқылы

• өткізіп көрсету (қолды жоғары көтеріп, саусақтарын баяу түсіру).

6. Таным бөлім

Балаларды қиылған қағаздардан табиғат құбылыстарын құрастыру арқылы балалардың есте сақтау ,ойлау қабілеттерін дамыту.

7. Ойын: «Жаңбыр мен күн»

• Балаларға ойын ережесін түсіндіру:

  • Егер тәрбиеші «Күн!» десе, балалар күн сәулесі сияқты қолдарын жоғары көтеріп, күледі.

  • Егер тәрбиеші «Жаңбыр!» десе, балалар орындарында отырып, қолдарын жаңбыр тамшыларындай жапалақтатады.

Қорытынды:

• Жаңбыр табиғатқа қажет және пайдалы құбылыс екені туралы түсінік қалыптастырылады.

• Балалардың табиғатқа деген қызығушылығы оянып, олар жаңбырдың маңызын түсінеді.

Осындай ойындар арқылы балалар табиғатты тереңірек түсініп, оны қорғауға деген ынта-жігерін арттырады.