Тұлға қалыптастыруда ұлттық құндылықтар негізінде
білім мен тәрбие берудің маңызы қалалық семинар

ТАҚЫРЫБЫ: «Жақсы кітап –жан азығы» (оқу сағаты)
Сананы сілкейтін сырлы сөздер

КҮНІ: 05.03.2024 ж

УАҚЫТЫ: 11.00-11.30 Мектеп кітапханасы

«Оқуға құштар мектеп» жобасы аясында «8 минуттық оқуды» насихаттау, тәжірибемен бөлісу.
Қазақ ұлттық әдеби мейрамхана «Ұшқан ұя»

Мекен жайы: № 6 орта мектеп

(Әдеби кафеде жайлы, сазды әуен ойнап тұрады.)

1. Семинарға қатысушыларды есік алдынан қарсы алу.

2. Адалбақанға киімдерін ілу. Қолөнершілер адал­ба­қанды ағаштан да, темірден де жа­сайды. Ертеде оны жасайтын іс­мерлерді «үйшілер» деп ата­ған. Үйшілер адалбақанға қызыл түсті қайың мен жеміс ағаш­тарын қолданған. Тарих бет­терін парақтар болсақ, адал­бақан ХІХ-ХХ ғасырларда ке­ңінен қолданыста болған екен. Әсемдік үшін ою-өрнектермен өрнек­телген адалбақанды күміс ілмектер және зергерлік әшекей­лермен безендірген, жиектеріне алты дана ілгіш орналастырған. Осыған қарап-ақ адалбақанды үй ішінде киімілгіш ретінде пай­даланғанын байқауға болады.  Оған киім, аяққап, қоржындар, тіпті қару-жарақтар ілген. Ер­теде адалбақан әйелдерді бо­сандыруға да пайдаланылған. Адалдықтың символы – адал­бақан жаңадан отау тіккен жастардың шаңырағын орнық­тыруға ықпал етуімен де құнды. Шаңырақтың иесі ретінде үй құ­растыруда оны тек ер кісілер ұстаған.

3. Оқуға, кітапқа байланысты нақыл сөздер, афаризмдер, мақал-мәтелдер айту арқылы адалбақанға киімдерін іледі.

4. Дастархан басына жайғасу.

5. Ас мәзірін таратып беру. Әдеби мейрамхананың сыйлы қонақтарына арналған ыстық шығармаларын ұсыну.

- Құрметті қонақтар, бүгінгі ас мәзірінде ең дәмді, ең құнды деген ыстық шығармалар пісіп, сіздер үшін дайын тұр. Дәмін татып, бағасын берсеңіздер екен.

1. Мұхтар Әуезов «Абай жолы» романы

2. Ахмет Байтұрсынұлы «Оқу құралы» еңбегі

3. Бауыржан Момышұлы «Ұшқан ұя» повесі

6. Үш топқа мәтін таратып беру. Мәтінді 5 минут оқиды, танысады.

3 минут өз орталарында талқылайды, пікір айтады.

7. Мәтін бойынша төмендегі тапсырмалар бойынша өз ойларын айтады:

1) мәтінде көтерілген мәселе

2) мәтіндегі көрінген ұлттық құндылық

3) көзқарасыңыз

Мәтін бойынша сұрақтар «Ұшқан ұя»

Майлы сұрақ. Түйенің әрекетін бейқамдық деп есептейсіз бе, әлде ол сабырлылық па?

Тәтті сұрақ. Қай жылы туылдыңыз? Сол жыл иесіне ұқсайтын мінездеріңіз бар ма?

Қатты сұрақ. Қандай жыл санауларын білесіз?( Юлиан күнтізбесі, Грегориан)

Жыл санауын қайта 22-наурыздан бастауға өз ұлтыңыз, еліңіз үшін қандай алғашқы қадам жасар едіңіз?

Мәтін бойынша сұрақтар «Оқу құралы»

Майлы сұрақ. Құмырсқа туралы бұрын естіген ертегі аңызыңыз. (құмырсқаның қанағаты, )

Тәтті сұрақ. Құмырсқалар қайда тұрады? Асханасы, қонақ бөлмесі қалай орналасқан және олар бар ма?

Қатты сұрақ. Құмырсқалар сияқты өз илеуін қорғайтын, әрекет ететін ер азамат тәрбиелеудедегі ұсынысыңыз қандай?

Мәтін бойынша сұрақтар «Абай жолы»

Майлы сұрақ. Ат тергеуді білесіз бе, тергейсіз бе? Сізді бітім-болмысыңызға, мінез-құлқыңызға қарай жеңгеңіз қалай атар еді?

Тәтті сұрақ. Сіз қалай сәлем бересіз және қалай сәлем аласыз? («Бағамын деп әркімнің қас-қабағын, Балам қабақ шытса да жасқанамын. Сәлемімді біреулер алмай кетсе, Екі иығым салбырап, пәс қаламын», дейтіні бар. Тағы да ой түбіне кетесіз. Қазақ неге сонша осы бір жалғыз ауыз сөзге бір жұтым ауадай зәру болды екен деп ойлайсыз сосын.

Сөйтсек, «сәлем» сөзінің өзі Жаратушы жалғыз жаппар иеміз – Алланың үйреткен сөзі екен. Мәселен, сіз білетіндей «Ас-Сәләм» – Алла таға­ланың көркем есімдерінің бірі)

Қатты сұрақ. Құнанбай қатал ма, әлде қатыгез ба?

2-бөлім

8. Экран арқылы тәжірибемен бөлісу

Балалар 8минуттық оқу арқылы шығарманың идеясын, тақырыбын, қай дәуірдегі оқиға екендігін біліп жүреді. Кейіпкерлерге талдау жасайды, психологиялық мінездеме береді. Кейде үйге дамытушылық тапсырмалар беріледі. Мысалы «Ұшқан ұя» шығармасы бойынша бата түрлеріне тоқталу. Кейіпкерлер болса солардығ атынан сөйлеу.

9. Сергіту сәті. Халық әні

10. Сарқыт – салттың сүбесі

М.Сужиков атындағы №6 орта мектеп

«Бекітемін»
А.А.Сеилханов ------------

Жақсы кітап – жан азығы
(оқу сағаты)

Дайындағандар: Кужакова Б.С

Бисариева Ә

Бухарбаева Л

Қызылорда, 2024 жыл