Сынып сағаты

№ 12

Сынып жетекші:

Жумашева А

Күні:

24.11.2025

Сынып: 6б

Қатысқаны: Қатыспағаны:

Сабақтың тақырыбы:

«Жақсы ұйқы + пайдалы ас + спорт = бұл менің таңдауым!»

Қауіпсіздік сабағы (10 минут)

№ 12-САБАҚ

«Көшедегі қауіпті нысандардан қалай аулақ болуға болады?»

Сынып сағатының мақсаты:

Оқушыларға дұрыс ұйқының, пайдалы тамақтанудың және спорттың денсаулық үшін маңызын түсіндіру;

Денсаулыққа пайдалы әдеттерді күнделікті өмірде қолдануға ынталандыру;

Өз таңдауына жауапкершілікпен қарауға тәрбиелеу.

Қауіпсіздік сабағының мақсаты:

•Көшеде кездесетін қауіпті заттар мен нысандар туралы түсінік беру;

•Қауіп төнген жағдайда не істеу керектігін үйрету.

•Өмірлік қауіпсіздік дағдыларын дамыту.

Құндылықтарды дарыту:

Әділдік пен жауапкершілік: қоғамға қызмет ету,шындықты айту,достыққа адал болу,жақсылық пен жамандықты, әділдік және әділетсіздікті ажырата білу,өз міндеттеріне жауапкершілікпен қарау,заттар мен мүлікті ұқыпты ұстау.

Апта дәйексөзі:

Әділетте берік болсаң аяғың таймайды!

Сабақтың кезеңі/ уақыт

Педагогтың әрекеті

Оқушының әрекеті

Ресурстар

Сынып сағатының басы:

10 мин

Армысыздар, қымбатты оқушылар! Сіздерді көргеніме қуаныштымын!

Барлықтарыңыздың жүздеріңізден күлімсіреу көрініп тұр! Керемет!

II. Кіріспе. Миға шабуыл

Мұғалім сұрақтары:

Біз күнделікті өмірде қандай ресурстарды қолданамыз?

Оларды неге үнемдеу керек?

Үнемдемесек не болады?

Жұдырық түйістіру арқылы бір-біріне еңбек туралы жақсы тілек айтады.

Оқушылар қысқаша жауап береді

Көңілді әуен

Сынып сағатының ортасы

20

III. Негізгі бөлім

1. Мұғалімнің кіріспе түсіндірмесі

Бүгінгі таңда жасөспірімдердің денсаулығы — қоғам үшін маңызды мәселелердің бірі. Ғаламдық ақпараттық технологиялардың дамуы, смартфонға тәуелділік, дұрыс емес ұйқы режимі, фастфудқа әуестік және қозғалыстың азаюы балалардың денсаулығына тікелей әсер етуде. Сондықтан мектеп қабырғасында оқушыларды дені сау өмір салтына баулу — басты міндет.
Осы орайда өткізілетін «Жақсы ұйқы + пайдалы ас + спорт = бұл менің таңдауым!» атты сынып сағаты оқушыларға денсаулыққа жауапкершілікпен қарауды үйретуге бағытталған.

Бұл сөйлемдегі негізгі ой - салауатты өмір салтын ұстану адамның саналы таңдауы екенін білдіреді. Атап айтқанда:

• Сапалы ұйқы: Денсаулық пен қуатты қалпына келтіру үшін жеткілікті және жақсы ұйқы маңызды.

• Дұрыс тамақтану (пайдалы ас): Ағзаға қажетті дәрумендер мен қоректік заттарды беретін теңгерімді тамақтану режимі.

• Спорт (спорттық белсенділік): Дененің шымырлығын сақтауға, көңіл-күйді жақсартуға және аурулардың алдын алуға көмектесетін тұрақты жаттығулар.

Бұл үшеуінің қосындысы адамның дені сау, бақытты және энергияға толы өмір сүруге деген жеке шешімін көрсетеді.

Ұйқы — адам ағзасының қалпына келуіне мүмкіндік беретін табиғи процесс.
6-сынып оқушылары үшін тәулігіне 8–10 сағат ұйықтау — қалыпты норма.
Ұйқы жеткіліксіз болған жағдайда:

• есте сақтау қабілеті төмендейді;

• ашушаңдық пайда болады;

• сабаққа зейін қою қиындайды;

• иммунитет әлсірейді.

Дұрыс ұйқы режимін сақтау — баланың физикалық және психологиялық дамуына үлкен әсер етеді.
Күн сайын бір уақытта ұйықтап, бір уақытта ояну — ең тиімді денсаулық әдеттерінің бірі.

2. Пайдалы ас – дұрыс өсу мен энергия көзі

Пайдалы тамақтану — денсаулықты сақтаудың екінші маңызды элементі.
Балалар ағзасы өсіп келе жатқандықтан, дәрумендерге, минералдарға, таза суға, ақуызға және пайдалы көмірсуларға өте мұқтаж.

Пайдалы тамақтанудың негізгі қағидалары:

• Таңғы ас міндетті түрде ішу;

• Көкөніс пен жемісті күн сайын тұтыну;

• Газды сусындардан, чипсы, фастфудтан аулақ болу;

• Күн бойы жеткілікті мөлшерде су ішу.

Пайдалы тағамдар зейінді арттырып, сабақ үлгерімін жақсартады.

3. Спорт – күш пен сергектіктің кепілі

Қазіргі балалардың көп уақыты гаджет алдында өтеді, сондықтан белсенді қозғалыс азайған.
Дүниежүзілік денсаулық сақтау ұйымы жасөспірімдерге күніне кемінде 60 минут қозғалыс жасауды ұсынады.

Спорттың пайдасы:

• Бұлшықетті нығайтады;

• Иммунитетті көтереді;

• Артық салмақтың алдын алады;

• Көңіл-күйді жақсартады;

• Ұйқының сапасын арттырады.

Оқушының бос уақытын спортқа арнауы — денсаулыққа жасалған ең үлкен инвестиция.

Қорытынды

Жақсы ұйқы, дұрыс тамақтану және спорт — бір-бірімен тығыз байланысты үш маңызды фактор.
Оларды күнделікті өмірде қолдану баланың денсаулығын шынықтырып қана қоймай, оның білім алуына, дамуына және мінез-құлқына оң әсер етеді.

«Жақсы ұйқы + пайдалы ас + спорт = бұл менің таңдауым!» формуласы — әр оқушының өмірлік ұстанымына айналуы керек.
Дені сау, сергек, белсенді жас — жарқын болашақтың кепілі.

Оқушылар тыңдайды

Көргеннен кейін қысқа талқылау.

Оқушылардың пікірлерін тыңдау

Оқушылар тапсырмаларды орындайды

плакаттар, маркер, стикер, интерактивті тақта.

Тақырыптық суреттер.

Қауіпсіздік сабағы

10 мин

Сабақтың тақырыбы мен мақсатын таныстыру

«Қауіпсіз жүріс – амандық кепілі» тақырыбында шағын кіріспе әңгіме

II. Жаңа тақырыпты түсіндіру

1. Қауіпті нысандар деген не?

Бөтен сөмке, қорап, зат

Үзіліп жатқан сымдар

Құрылыс алаңы, шұңқыр

Қоқыс жәшігіне тасталған күмәнді заттар

Адам аз жүретін, жарығы жоқ аулалар

2. Не істеу керек?

Бөгде затты көрсең – жолама!

Таныс емес адамның затын алма

Қауіпті жағдайды көрсең – ата-анаға, мұғалімге, полицияға хабарла

112 – барлық төтенше жағдай қызметінің нөмірі

III. Жағдаяттарды талдау (мысалдармен):

«Далада қорап тауып алдың. Не істейсің?»

«Құрылыс алаңынан доп ауып кетті. Аламын ба?»

«Жерде жатқан сымды көрдің – үстінен аттап өтесің бе?»

IV. Сергіту сәті / Ойын:

"Қауіпсіз – Қауіпті" сурет ойыны: оқушылар суреттегі көріністен қандай нысан қауіпті екенін анықтайды

«Сақ бол!» сигналдық ойын (мұғалім қауіпті/қауіпсіз сөз айтады, оқушылар жауап береді)

V. Қорытынды:

Қауіпсіз жүріс – өзіңді және өзгелерді қорғау

Белгісіз зат – әрқашан қауіпті болуы мүмкін

Ата-анаңмен бірге жүретін жолдарды бірге талқыла

Оқушылардың тыңдауы.

Сұрақтарға жауап береді

Оқушылар талдайды, дұрыс әрекетті анықтайды

Сабақтың соңы

5мин

Оқушылар біз бүгін сіздермен қоғамдасғы өте өзекті екі тақырыппен таныстық, ой бөлісіп, пікір алмастық. Бүгінгі сынып сағатынан алған білімдеріңіз өмірлік азық болады деп тілеймін

Рефлексия:

«Бүгін не үйрендім?»

«Қай ой мені толғандырды?»

Барлығы бүгінгі сабақта алған әсерлерімен бөліседі.