Жақсылық жолымен жүреміз

Сабақ мақсаты: Оқушыларға  адам өміріндегі жақсылықтың маңыздылығын  жеткізу арқылы тыныштық  құндылығының мәнін ашу

Міндеттері:

• Оқушыларға жақсылықтың мәнін ұғындыра отырып, ізгілік қасиеті туралы беру

• Оқушыларды ізгі қарым - қатынас жасауға баулу арқылы риясыздық қасиетін дамыту.

• Оқушылардыізгілік, риясыздық, саналылық қасиеттеріне тәрбиелеу

Ресурстар: ертегілер, нақыл сөз, үнтаспа

Сабақ барысы:

1.Ұйымдастыру кезеңi. Сәлемдесу

Оқу құралдарына назар аудару 5Т

2.Психологиялық дайындық. Оқушылар шеңберге тұрып, өлеңді бірге айтады.

Екі көзің не үшін керек?

Жақсыларды көру үшін,

Құлақ деген не үшін керек?

Ақыл кеңес тыңдау үшін.

Екі қолың не үшін керек?

Елке көмек беру үшін

Сабақ барысын талқылау: пәнмен танысады

3.Дәйексөз.

Жақсылық – жан азығы

Мақал

• Дәйексөздің мағынасын қалай түсінесіңдер?

Дәйексөздердің мағыналарын ашу.

Әңгімелесу.

1.Жақсылық жасау адамға парыз ба? Неліктен?

2.Жақсылыққа жаны құмар адамның бойында қандай құндылықтар болады?

3.Өздерің басқаларға жасаған жақсылықты естеріңе түсіріп айтыңдар.

Жаңаны білеміз

Жақсылық жасау дегеніміз – адамдарға, айнала қоршаған ортаға, табиғатқа деген қайырымдылық пен қамқорлық. Жақсылық жасау – риясыз қызмет ету дегенді білдіреді.

Жақсылық жасау адамдарды достастырады. Адамға қол ұшын беру, жәрдем ету, жанашырлық таныту, көмек көрсету, қолдау жақсылыққа жатады. Адам жасаған жақсылығын міндет етпеуі керек.

4.Әңгiмелеу (сұхбат). №18 «Қамқорлық» мәтінін мұғалім оқып береді.

-Басқаларға көмегің тиген жағдайда қандай сезімге бөленесің? Неліктен?

• Өзгелер саған көмектескенде не сезіндің?

• Айналаңдағыларға қалай қуаныш сыйлауға болады деп ойлайсыңдар?

Таныстырылым, оқулықпен жұмыс

СЕРГІТУ СӘТІ.

Сонымен жақсылық деген не екен?  (балалар өз ойларын айтады, жауаптарын тыңдау) 
   - Үлкендерге көмектескен жақсы. 
   - Кішілерге қамқор болған жақсы. 
   - Мәдениетті болған жақсы. 
   - Ұқыпты болған жақсы. 
   - Үлгілі оқушы болған жақсы. 

    Жақсылық жасау дегеніміз-адамдарға, айнала қоршаған ортаға, табиғатқа деген қайырымдылық пен қамқорлық, жақсылық жасау адамдарды достастырады

Сұрақ жауап арқылы

5.Шығармашылық жұмыс, топтық жұмыс.

Оқушыларды үш топқа бөлу. Сахналау

Бірінші топ:Сөзбен жақсылық жасау

Екінші топ: Іспен жақсылық жасау

Үшінші топ: Оймен жақсылық жасау

Сурет салады

6.Топпен ән айту

Оқулықтағы «Бақыт әні» әнін айту.

7.Бағалау: Белсене қатысқан оқушыларға жүрекшелер, смайликтер арқылы үлестіру.

8.Соңғы тыныштық сәтi. (Тыныштық... бар жерде, тыныштық... бүкiл әлемде) Баяу әуен қойылады.

  Көзімізді жұмып, еркін жайғасайық. Енді, бүгінгі өткен сабағымыздан нені түсіндік, қандай жақсы нәрселерді үйрендік, өзімізге нені алдық сол жөнінде ойланайық. Осының барлығын жүрегімізге салып, көкейімізге түйіп алайық.  Жайлап, көзеріңізді ашуға болады. Бүгінгі керемет сабақ үшін сіздерге көп рахмет!