ЖАҚСЫЛЫҚ ҮЙРЕТКЕН МЕКТЕП-БАҚЫТТЫ МЕКТЕП.

ЖАҚСЫЛЫҚ ҮЙРЕТКЕН МЕКТЕП-БАҚЫТТЫ МЕКТЕП.

Қайырымдылық — көмекті қажет етушілерге (адам және барлық жандыларға) білдірілетін сүйішпеншілік пен нақты көмек. Қайырымдылық ізгіліктің анық көрінісі болып табылады. Қайырымдылық — адамның асыл қасиеттерінің бірі, кісінің айналасындағы адамдарға деген ықыласы мен көмегі, адамгершілік қарым-қатынастары. Қайырымдылық ұғымының екі қыры бар. Адам өз ұрпағына қайырымдылықты жастайынан үйретіп, адамгершілік қасиеттерге баулуға ұмтылады. Біреуге жақсылық, табиғатқа қамқорлық жасау — қайырымдылықтың белгісі. Рақымды, мейірімді, жан жылуы мол адамды қайырымды адам дейді. Қазір мектепте тұрмыс жағдайы төмен отбасы балаларын қолдау мақсатында қайырымдылық іс-шаралары өткізіліп тұрады.

Қазақ халқы қайырымдылықты қастерлі ұғым санап, әрдайым өзара жақсылыққа, адалдыққа үндеген, ізгі істі үлкен-кіші деп бөлмей, қоғамда өзара қайырымдылық пен ынтымақ ортасының орнауына ерекше назар аударған. Сондай-ақ, қайырымдылық жасаған адам ешқашан кедейленіп қалмайды, «қолы ашықтың – жолы ашық», – деп атам қазақ бекер айтпаса керек. Сондықтан да Алланың берген рызығынан аз да болса бір бөлігін Хақ Тағаланың разылығы үшін қайырлы істерге жұмсасақ, қоғамға тиер пайдасы мол болатыны сөзсіз.
"Монтайтас жалпы орта білім беретін мектеп" коммуналдық мемлекеттік мекемесінде Арыс қаласының "Білім бөлімі" мемлекеттік мекемесінің 15.01.2019 жылғы №19 бұйрығын басшылыққа ала отырып, 2019 жылы 10 қаңтар -10 ақпан аралығында әлеуметтік жағдайы төмен отбасы балаларына қолдау көрсету мақсатында "Қамқорлық" акциясы ұйымдастырылды. 
Мақсаты: тұрмысы төмен отбасы балаларына көмек қолын созу, оқушыларға қамқорлық жасауды, жақсылық жасауға ұмтылуды үйрете отырып, адалдыққа тәрбиелеу, жақсылық жасау арқылы қоғамға пайда тигізу.
"Не берсең, де балаға бер, бала үшін жаса "деген халқымыздың игі дәстүрін жалғастырып, кең пейілділік танытқан ата-аналар кеңесінің төрайымы Құдасова Кенжегүлге, қамқоршылық кеңесінің төрайымы Сейдінбекова Гүлсараға мектеп ұжымы атынан алғыс білдіреміз!
Сіздің жасаған жақсылығыңыз екінші бір адамға қуаныш сыйлайтынын ұмытпаңыз!

Түркістан облысы, Арыс қаласы, «Монтайтас жалпы орта білім беретін мектеп» коммуналдық мемлекеттік мекемесі директорының тәрбие ісі жөніндегі орынбасары

Пияшова Назым Әбдіхалыққызы