Жақсылықтан жақсылыққа

Сабақтың мақсаты: «Оқушылардың«жақсылық» құндылық ретіндегі маңыздылығын ашу

Міндеттері:

-жақсылық жасаудың адам өміріндегі маңыздылығын ашу;

-жақсылық жасау іскерліктерін дамыту;

-имандылыққа, ізгілікке тәрбиелеу.

Ресурстар: \құралдар,

мәліметтер\

Сабақ барысы:

1.Ұйымдастыру кезеңі. Тыныштық сәті:  (Музыка)
- Балалар, сендер бақ ішін аралап жүргендеріңді көз алдарына елестетіңдерші. Төңірекке сүйсіне қараңдаршы.
Өте тамаша!
Бұл не ғажап!
Бақ мүлде өзгерген. Жаздағы жап - жасыл түс сары алтын түске боялған. Аяқ астына қараңдаршы, жерге сап - сары кілем төселген сияқты. Жер жүруге ыңғайлы, жұп - жұмсақ. Анда - санда ағараңдап жеміс ағаштары көрініп қалады. Олардың сары жапырақтары сусылдап жерге түсіп жатыр, бұтақтарының арасынан көгілдір аспан көрініп тұр. Осы тамаша сиқырлы баққа келген адамдар мейірімді, қамқоршыл болып келеді. Өйткені бұл - сиқырлы бақша. Мұнда данышпан қария өмір сүріп келеді. Ол қария сендер сияқты жақсы, ізетті балаларды жақсы көреді. Егер оның жанына барып:«Ассалаумағалейкум ата!» деп сәлем берсеңдер, ол өзінің жылы алақанымен сендердің бастарынан сипап, батасын береді. Ал енді қарияның батасын алып, өз сыныбымызға қайта оралайық!
Енді сендер, одан бетер мейірімді, инабатты, ізетті, тәртіпті бала боласыңдар. Енді көздеріңді ашып, қолдарыңды жоғары содан кейін екі жаққа созыңдар, терең дем алыңдар, міне тамаша!
- Балалар тыныштық сәтінде сендердің көз алдарына не елестеді?
- Сендер қандай жерде бодында деп ойлайсыңдар?

2.Үй тапсырмасын тексеру.

Балалардың жауаптары тыңдалып, түйінделеді

үнтаспа

3. Дәйексөз. 4 сынып: «Ешқандай жақсылық зая кетпейді» нақыл сөз.

--Жақсылыөтан жақсылыққа жетесің,жақсылықтан жақсылық туындайды,жақсылық болған жерде жақсылық болады,жақсылық еш уақытта зая кетпейді.Бір адамға жасаған жақсылықтарыңыз көп адамдарға тарайды.Ал сіздің жасаған жақсылығыңыз халықтың алғысы боп міндетті түрде оралады.

4. Әңгімелеу: Бұлақ сылдыры М.Көккөзов

/оқушылар өз бетінше мәтінді оқып шығады,мазмұнын дайындайды/

• Шалдың әрекеті туралы не айта аласыңдар?

• Сендер солай жасай алар ма едіңдер?

Шалдың жасаған жақсылығы қандай жақсылық боп оралды?

4-сынып:ә/құрал,124бет

5. Шығармашылық жұмыс.Көп нүктенің орнына тиісті сөздерді қойып мақал-мәтелді оқы.

Керекті сөздер:жақсылардың,күн,ай,шамдай,жақсы,жарық,ай мен күндей,жақсылықтың.

6. Топпен ән айту. Музыкасын жазған :М.Әубәкіров Сөзін жазған:Ә.Дүйсенбиев

Ағайынбыз бәріміз

Жақсылыққа, бақытқа,

Талпынған әр уақытта.

Бала біткен дос-бауыр,

Болмасын еш тосқауыл.

Қайырмасы:

Ақпыз, қара, сарымыз,

Ағайынбыз бәріміз.

Ортақ болсын асқар тау,

Жеміс толы бақша-бау.

Болсын жер мен су да ортақ,

Болсын бізге ту да ортақ.

үнтаспан

7. Үй тапсырмасы. Оқулық, бет оқу,түсінгенін айту

«Өзін-өзі тану» оқулығы 4сынып

8. Соңғы тыныштық сәті. Көздерімізді жұмамыз,бүгінгі өткен сабақты ой елегінен өткізіңдер, бұл сабақ сендердің өмірлеріңе сабақ болсын, тек жақсы, шындық нәрселер ойлауға тырысыңдар, сонда ғана айналамыз жақсылыққа, шындыққа толары сөзсіз. Енді көздеріңізді ашсаңдар да болады.

Сабақ аяқталды. Сау болыңыздар! Көріскенше !

Үнтаспадан жай музыка ойнату.