Түсінік хат

«Жас қаламгер» үйірмесі 8-сынып оқушыларына арналған. Үйірме аптасына 1 сағат, жылына 34 сағатқа берілген. Бұл үйірме оқушылардың әдеби мұраларға деген талғамын тәрбиелейді, рухани дүниесін кеңейтеді, ақыл-ойы мен ұлттық сана сезімін дамытуға ықпал жасап, ауызекі және жазба тілде байланыстырып сөйлеуін дамытады. Оқушылардың қазақ тілі, ана тілі сабақтарына қызығушылықтарын арттырады.Үйірмеге тілге шешен, өз беттерімен шығарма жазуға, өлең шығаруға икемдері бар, шығармадағы көркем бейнелердің ерекшеліктерін сезініп  аша білетін оқушылар тартылады.

Үйірменің оқу материалына  халық ауыз әдебиеті үлгілерін (аңыз-әңгімелер, өлең-жыр, шешендік сөздер, мысал,  жұмбақ,  жаңылтпаш, мақал-мәтелдер, ертегі т.б.) сабақ мазмұнына сай енгізу баланың алған білімін толықтырып, байытып жан-жақты дамуына дәйекті ықпал етеді.

Сыныптан тыс үйірме сағатында ұлтымыздың асыл мұраларын дәріптейтіндей,  жеке тұлғаны дамытып, оқуға деген қызығушылықтарын оятып, адамгершілікке,  ізгілікке, сыйластыққа тәрбиелеп, еркін дамуына жол ашу  көзделеді.

Үйірменің мақсаты:

Оқушылардың  сыныптан тыс уақытта шығармашылық ізденістерін, өзіндік қабілеттерін және қоғамдық қарым-қатынасын қалыптастырып, өзіндік талдау, жинақтау,  жұмыста шапшаңдық таныту, өз ойын әдеби тілмен өрнектей білуге машықтандыру.

Үйірменің міндеті:

• Оқушылардың оқу-тәрбие үрдісінде алған білімдерін әрі қарай дамытуға мүмкіндік жасап, қабілеттерін шыңдау;

• Көркем әдебиет жанрына байланысты өлең, шығарма жазуға дағдыларын қалыптастыру;

• Оқушылардың қоғамдық белсенділігін дамыту;

• Оқушылардың өзара қарым-қатынастарын қалыптастыру, белгілі бір еңбек түріне баулу, оны дамытуға ықпал ету.

Күтілетін нәтиже: Оқушылар ертегі, әңгіме, өлең тыңдауға, шығарманың мағынасын түсінуге, кейіпкерлерді бағалауға, адамгершілік қасиеттерді сипаттауға ниеттенеді. Өлеңдерді нақышына келтіріп, жатқа, мәнерлеп оқуға үйренеді. Оқуға деген қызығушылықтары артады.

«Жас қаламгер» үйірмесінің тақырыптық-күнтізбелік жоспары

Барлығы: 34 сағат, аптасына 1 сағат

Мұғалімге арналған әдебиеттер:

1. З.Қабдолов. «Сөз өнері». Алматы, 1991 ж.

2. З.Қабдолов. Әдебиет теориясының негіздері. Алматы, 1970 ж.

3.Р.Нұрғалиев. Өнер алды – қызыл тіл. Алматы, 1974 ж.

4. Р.Сыздықова. «Абайдың сөз өрнегі». Алматы, 1995 ж.

5. Р.Сыздықова. «Сөз құдіреті». Алматы, 1997 ж.

6. Б.Кәрібаева. «Қазіргі қазақ лирикасының поэтикасы». Алматы, 1988 ж.

7. Ермахан Шайхыұлы «Сандалған сауал»

8. Әбіш Кекілбаев шығармалары

9. https://kitap.kz/book- Әдеби кітаптар порталы

Оқушыларға арналған әдебиеттер:

1.Оқуға құштар мектеп жобасы аясындағы әдеби кітаптар

2. Kitap.kz кітап оқу сілтемелері арқылы онлайн оқу

3. https://kitap.kz/book электронды оқулықтар әдеби

4. Ілияс Есенберлиннің шығармаларынан үзінді

5. Сәкен Жүніс «Заманай мен Аманай»

6. Жәди Шәкенұлы «Қаралы көш»

7. Қ.Сыдықов. «Көркемдік өрнектер». Алматы, 1992 ж.

8. «Кел, жастар, біз бір түрлі жол табалық…» атты Ш.Құдайбердіұлы шығармаларын өз бетімен ізденіске бағыттап, қосымша материалдарды пайдалану арқылы оқытуға арналған авторлық бағдарлама. 2011 ж.

9. Х.Қожахметова. «Мәнерлеп оқу». Алматы, 1982 ж.

10. С.Тілешева. «Әдебиет сабағында мәнерлеп оқу дағдыларын қалыптастыру». Алматы, 1984 ж.

11.Ә.Нұрмаханова. «Сөз құдіреті». Алматы, 1971 ж.

12. Ә.Нұрмаханова. «Мәнерлеп оқу мәселелері». Алматы, 1976 ж.

13. «Абай» журналы. «Абай». Шығармаларының толық жинағы. 1,2,3,4 томдар.

«Жас қаламгер » үйірмесіне қатысатын оқушылар тізімі

«Жас қаламгер » үйірмесінің өтетін кестесі