ЖАСӨСПІРІМДЕРДІҢ ПСИХОЛОГИЯЛЫҚ ДЕНСАУЛЫҒЫ – БАСТЫ НАЗАРДА

Қазіргі таңда қоғамда жиі қозғалатын өзекті мәселенің бірі – жасөспірімдердің психологиялық денсаулығы. Әлеуметтік желілердің ықпалы, отбасындағы түсініспеушілік, мектептегі қысым – бәрі де жасөспірімдерге үлкен әсер етеді. Мұндай факторлар жасөспірімнің мінез-құлқы мен ішкі жан дүниесіне кері ықпал етіп, күйзеліске әкелуі мүмкін.

2024 жылғы Қазақстан Республикасы Білім және ғылым министрлігінің мәліметі бойынша, еліміздегі мектеп оқушыларының 35 пайызы күйзеліс белгілерін бастан өткеріп жүргені анықталған. Бұл – жай ғана статистика емес, әрбір оқушы – тірі жан, тағдыр иесі. Көп жағдайда ата-ана, мұғалім немесе достар баланың ішкі жан дүниесіндегі ауыртпалықты байқамай қалады.

Психолог мамандардың айтуынша, жасөспірім үшін ең маңыздысы – оны тыңдай білетін, түсіне алатын ересек жанның болуы. Бұл – қарапайым ғана кеңес емес, шынайы қолдау мен жан жылуы. Жылы сөз, сабырлы әңгіме кейде баланы ауыр ойлардан құтқара алады.

Сондықтан біз – үлкендер, ұстаздар, ата-аналар және қоғам мүшелері, жас ұрпақтың тек білім алуына емес, рухани саулығына да жауаптымыз. Әр бала – болашақ ел тірегі. Олардың жан дүниесін жараламай, керісінше, емдеп, қолдау көрсету – бәрімізге ортақ парыз.

Авторы:
Әбілқасым Еркежан Мұратқызы,
Жетісу облысы, Кербұлақ ауданы, Қызылжар ауылы,
Жараров мектебінің 11-сынып оқушысы.