Жастар және кітап оқу мәдениеті

Тақырыбы:Жастар және кітап оқу мәдениеті

Қазіргі таңда жастардың көпшілігі уақытын телефон мен әлеуметтік желілерде өткізеді. Соның салдарынан кітап оқуға деген қызығушылық біртіндеп азайып бара жатқандай көрінеді. Бірақ кітап оқу – адамның ой-өрісін кеңейтетін, сөздік қорын байытатын және қиялын дамытатын ең пайдалы әдеттердің бірі.

Менің ойымша, әр адам күніне кем дегенде 20–30 минут кітап оқуға уақыт бөлуі керек. Өйткені кітаптан тек жаңа ақпарат қана емес, өмірлік тәжірибе де алуға болады. Әсіресе көркем шығармаларды оқу адамның тіл байлығын арттырып, ойын еркін жеткізуіне көмектеседі. Сонымен қатар кітап адамды сабырлы, білімді әрі жан-жақты болуға тәрбиелейді.

Бүгінде электронды кітаптар мен аудиокітаптардың пайда болуы кітап оқуды бұрынғыдан да жеңілдетті. Сондықтан сылтау іздемей, өзімізге ұнайтын жанрдан бастап оқу маңызды деп есептеймін.

Қорытындылай келе, кітап – адамға өмір бойы серік болатын асыл қазына. Білімді әрі саналы қоғам қалыптастыру үшін жастардың кітап оқуға деген қызығушылығын арттыру қажет. Өзімізден бастап осы жақсы әдетті қалыптастырсақ, болашағымыз да жарқын болатынына сенемін.

Аты жөні:Салимжанова Аружан

Мектебі:Алматы облысы.Қарасай ауданы.Үштерек ауылындағы«2»орта мектебі

Сыныбы:11А

Алматы облысы.