Жасыл клуб экологиялық бағыттағы үйірменің ақпарламасы

«Жасыл клуб» жоспары бойынша өткізілген іс-шаралар

АҚПАРЛАМАСЫ

Қыркүйек айында оқушылардың гидропоника әдісі бойынша білімін арттыру мақсатында ұйымдастыру жұмыстары жүргізілді. Әдістемелік жоспар құрылып, іс-шаралардың мақсаттары мен міндеттері айқындалды. Оқу ордасының аумағында және зертханалық бөлмелерде тазалық жұмыстары ұйымдастырылды. Оқушылардың қатысуымен мектеп маңындағы аумақ тазаланып, өсімдіктерге қолайлы жағдай жасалды. Гидропоника әдісін оқушыларға таныстыру мақсатында мастер-класс өткізілді. Оқушыларға өсімдіктерді топырақсыз өсіру технологиясы көрсетіліп, қажетті жабдықтар мен материалдар таныстырылды. Оқу жылында гидропоника әдісі арқылы тұқым өндіру бойынша тәжірибелік жұмыстар жүргізілді. Оқушылар өсімдіктерді бақылап, ғылыми-зерттеу негізінде жұмыстар атқарды. Гидропоника әдісімен бұршақ, микрозелень, шпинат өсімдіктерін өсіріп, жәрмеңкеде сатылды. Сонымен қатар оқушылар бұршақ өсімдігінен таңғы ас әзірлеп, мектеп қызметкерлеріне таратты. Қазан айында мектеп аумағындағы ағаш түрлері зерттеліп, олардың ерекшеліктері анықталды. Бұл жұмыстар табиғатты зерттеуге деген қызығушылықты арттырып, биологиялық білімді кеңейтті. бөлме өсімдіктеріне күтім жасау жүйелі түрде жүргізілді. Оқушылар өсімдіктерді суару, тыңайтқыштарды қолдану және зиянкестермен күрес әдістерін үйренді. Бұл жұмыстар оқушылардың табиғатты зерттеу, қорғау және сақтау дағдыларын дамытып, экологиялық сананы қалыптастыруға ықпал етеді.

Жоба жетекшісі: Сүлейменова А.С