Жаһандану дәуіріндегі ұлттық болмыстың сақталуы, эссе

Жаһандану дәуіріндегі ұлттық болмыстың сақталуы

Ұлт дегеніміз – езжелден бері сақталып келе жатқан, көптеген тайпалық одақтың бір орталыққа бірігіп, өзіндік мәдениеті, тұрмыс-тіршілігі, діні мен тілі қалыптасқан құрам. Қазіргі таңда, дәл осылай бұрыннан қалыптасып, қазіргі күнге дейін жетіп отырған ұлттардың жеке межеленген аумағы, тулары, әнұрандары, елтаңбалары және де мемлекет ретінде айтылатын атаулары бар. Ғасырлар ағылып, жылдар жылжыған сайын, заман тынымсыз өзгеруде.

Жаһандану дәуіріндегі заман қандай? Қазіргі шақта, яғни ХХІ-ғасырда “тренд”, “мода”, “стиль” деген сөздер адамзат өміріне байланып қалғандай көрінеді. Неліктен? Себебі, әлеуметтік желіден ақпарат пен білім алудан бөлек, жасөспірімдердің “тренд” деп аталатын мән-мағынасы жоқ бейнежазбалары көптеп кездеседі. Ал, бүгінгі күннің “модасы” мен “стильі” жағалы көйлек пен ұқыпты үтіктелген сым емес, еліміздің жастары еліктейтін “Кореялық-Жапондық стиль”. Әрине, киіну үлгісінде тұрған ештеңе жоқ, алайда еліміздің болашағы болар деп сенім артып жүрген жас-жеткіншектеріміз шет елдің тіліне, тағамына тіпті, өмір сүру қағидасына еліктейді. Мектеп қабырғасынан алынатын білімді аяқтағаннан кейін, жоғары оқу орнын дәл осы шет елде оқығысы келеді. Мұның бәрі, болашақта еліміздегі ұлттық болмыстың жойылуына әкеліп соғуы мүмкін. Жастарымыз дәл осылай сырт елдерге еліктеп, етегінен жетектеліп жүруін тоқтаптайтын болса, біздің еліміздің құндылықтары уақыт өте келе, бірте-бірте сөніп, жойылып кетуі ғажап емес. Ендігі бар үмітіміз патриот жастарымызда ма? Олардың да саны қарапайым ауылдағы, бір мектептің оқушылар санына жете қоймас. Мемлекетіміздің болашағын өз қолымызбен қалыптастыру үшін – ұлт болып бірігу міндеттеледі. “Қазақтар өздерінің кім екенін білсе, әлемді жаулап алады” деп, ХVIII-ғасырдағы Ресей империясының патшайымы ІІ Екатерина айтып өткендей, біз қайыспас-қайсар ұлт екендігімізді әлемге таныту керекпіз. Ал оны жасау, цифрлық заманда өмір сүріп жатқан ел азаматтарының қолында.

Қорытындылай келе, тәрбие – тал бесіктен демекші, еліміздің жас болашақтарын барынша патриот болуға шақырайық. Көк туымыздың астындағы барлық құндылықтарды дәріптеумен ғана, мемлекетіміздің болашағы жарқын. Сіз де, артыңыздан ерген іні-қарындастарыңызға, дұрыс бағыт-бағдар беруге күш салыңыз, аға буын!