Жаһандану жағдайында көпмәдениетті тұлғаны тәрбиелеу.

Жаһандану жағдайында көпмәдениетті тұлғаны тәрбиелеу.

«Монтайтас жалпы орта білім беретін мектеп» коммуналдық мемлекеттік мекемесінде тәрбие саласы бойынша Елбасының «Болашаққа бағдар:рухани жаңғыру» бағдарламалық мақаласын жүзеге асыру мақсатында «Жаһандану жағдайында көпмәдениетті тұлғаны тәрбиелеу» тақырыбында мектепішілік семинар ұйымдастырылды. Семинардың мақсаты: әлем бірлестігінің жағдайында бәсекеге түсе алатын көпмәдениетті (көптілді) тұлғаны дамыту.

Өйткені, адамның кәсіби қабілеттілігіне, шеберлігіне, білім өрісіне, зиялылық және танымдық деңгейіне өмірдің өзі биік талап қойып отыр.

Н.Назарбаевтың халыққа Жолдауында айтылғандай «Қай дәуірде болмасын, адамзаттың алдында тұрған басты міндет-мүдделердің бірі – есті де еңбексүйгіш, Отансүйгіш, қайырымды да қайратты ұрпақ тәрбиелеу»- бүгінгі күннің басты мәселесі.

«Ұрпағы білімді халықтың болашағы бұлыңғыр болмайды» дегендей, көпмәдениеттілік - тұлғаны қалыптастырудың өзегі. Бүгінгі таңда көпмәдениеттілікті (көптілділікті) меңгеру- жас ұрпақтың білім кеңістігінде еркін самғауына жол ашатын, өз қабілетін танытуға мүмкіндік беретін қажетттілік. Мектепішілік семинар барысында «Менің Қазақстаным- менің болашағым» атты тақырыпта 3а сынып жетекшісі Әуелқұлова Ұлбосын Дүйсенбекқызы, «Патриотизм- ұлттық рухтың асқақ биігі» тақырыбында 9а сынып жетекшісі Айтимбетова Жанна Ерболсынқызы, Елбасының «Болашаққа бағдар:рухани жаңғыру» бағдарламалық мақаласының «Туған жер» бағдарламасын жүзеге асыру бойынша «Тәрбие және білім» кіші бағдарламасын басшылыққа ала отырып, «Туған жер-алтын бесігім» тақырыбында 10а сынып жетекшісі Демеуова Жанар Тағайбекқызы, «Жаһандану жағдайындағы тұлғаны тәрбиелеудегі ата-аналармен жүргізілетін жұмыс түрлері» тақырыбында 6а сынып жетекшісі Маханова Қымбат Айткенқызы және «Ел тірегі-Елбасы» тақырыбында тәлімгер Жауынбаева Мақсатгүл Ақылбекқызының ұйымдастыруымен ашық тәрбие сағаттары мен мерекелік бағдарлама өткізілді.

Ұйымдастырылған іс-шараға ата-аналар және аймақтың мектеп ұстаздары қатысты.

Семинар қорытындысында жас ұрпақты тәрбиелеудегі ұйымдастырушылық шеберліктері мен белсенділіктері үшін сынып жетекшілер мектеп әкімшілігінің мақтау қағазымен марапатталды.

«Монтайтас жалпы орта білім беретін мектеп» коммуналдық

мемлекеттік мекемесі

директорының тәрбие ісі жөніндегі орынбасары

Пияшова Назым Әбдіхалыққызы.