Күні: 30.01.2024

Топ:2

Педагог-тәрбиеші: Сулейменова А.С.

Тақырыбы: «Жолда жүру ережелері» жөніндегі қауіпсіздік ережесі

Мақсаты: Жолда жүру ережесін ойын арқылы көрсете отырып, тілін ұштастырып, жол ережесін жасына сай меңгерту. Көшеде жүру ережесін білу арқылы жолда жүру мәдениетін үйретіп, сақтыққа тәрбиелеу.

Көрнекіліктері: макеттер, жол белгілерінің суреттері, презентация, бейнефильм, көліктердің дауыстары, бағдаршам.

Тәрбие сағатының барасы:

Психологиялық ахуал:

Хормен айтады: Біздер сәлем береміз

Алдымыздан кезіккен,

Көп танысты көреміз.

Бәрінеде ізетпен,

Біздер сәлем береміз.

Әр түрлі көшедегі көлік дыбыстарын тыңдату (автобус, поезд, жеңіл көлік, сигнал, жедел жәрдем көлігі, т.б.)

-Балалар, біз жаңа нелердің даусын естідік?

-Оларды бір сөзбен біз көліктер деп атаймыз.

Тілдік жаттығу (тактильді доптардың көмегімен):

МЕ-ме-ме- мынау КЕМЕ

АҚ-ақ-ақ ұшады ҰШАҚ

АҚ-ақ-ақ менде бар ТІКҰШАҚ

ЫҚ-ық-ық- жүзеді ҚАЙЫҚ

ІК-ік-ік бәрінің аты КӨЛІК

«Жолда жүру ережесі туралы» бейнефильм қарау

Бекіту сұрақтары:

Бағдаршамның қызметі қандай?

- Жол тәртібін реттеуші.

- Дұрыс айтасыңдар.

-Велосипедті қай жерде тебу керек?

-Балалар алаңында тебу керек.

-Допты қай жерде ойнау керек?

-Спорт алаңында ойнау керек.

-Бағдаршамның неше көзі бар?

-Бағдаршамның үш көзі бар. Түстерін атайды.

-Бағдаршамның қай көзі біздің досымыз?

-Жасыл түсі біздің досымыз, ол бізге әрқашан көмектеседі.

-Көше тәртібін бағдаршамнан басқа кім басқарады?

-Жол инспектор басқарады.

Қызыл көзін ашқанда,

Сынық сүйем баспа алға.

Сары көзін ашқанда,

Қарап қалма аспанға.

Жасыл көзін ашқанда,

Өте бергін жасқанба.

Жол белгілерімен таныстыру (жаяу жүргіншілер жолы, автобус аялдамасы, жол инспекторы, поезд жолы)

- Жүргіншілер қай жолмен жүру керек?

- Жиек жолмен жүреміз.

- Жиек жол болмағанда ше?

- Жер асты жолымен.

- Жолдың қай жағымен жүру керек?

- Оң қол жақпен жүреміз.

- Қоғамдық көліктерге қай жерден отырамыз?

- Аялдамадан отырамыз.

Ойын «Бағдаршам»

Шарты:

1. Бағдаршамның жасыл көзін көрсеткенде балалар бір қадам алдыға жүреді

2. Сары көзін көрсеткенде ду қол шапалақтайды.

3. Қызыл көзін көрсеткенде артқа бір қадам жасайды.

-Жарайсыңдар балалар, ойын сендерге ұнады ма?

Көрініс: «Көшедегі қозғалыс» Балалар рөлдерге бөлініп сюжеттік-рөлдік ойынға түседі.

жол инспекторы - Тоқтар

Автобус жүргізушісі- Әбдірахым

Бағдаршам- Еркежан

Дәрігер- Айханым

Апа- тәрбиеші

Сергіту сәті: «Бағдаршам»

Бекіту тапсырмасы: «Суретпен жұмыс» Әр балаға жолда жүру ережесі бойынша суреттер таратылып беріледі. Сол суреттер бойынша

2-3 сөйлем құрау қажет.

Рефлекция «Бағдаршам әдісі» қызыл түс- бүгін мен көңілсіз болдым

Сары түс- кейбір кезде қиналдым

Жасыл түс- маған бүгін өте қызықты болды. Үш түс бойынша өздерін бағалайды, алған әсерлерімен бөліседі.