Тақырыбы:Жұпыспен жұмыс жасаймыз

Мектеп:

Күні:

Мұғалімнің аты-жөні:

Сынып:

Қатысқандар саны:

Қатыспағандар саны:

Оқу мақсаттары

2.5.1.1. 1-2 амалмен орындалатын есепті кесте, сызба, қысқаша жазба түрінде модельдеу.

Сабақтың мақсаттары

Барлық оқушылар үшін:

санды бірнеше бірлікке арттыру жəне кеміту жəне қосындыны табу сияқты қарапайым есептерден тұратын екі амалмен орындалатын есепті талдау жəне шешу; оған сызба, сұлба немесе қысқаша жазылуын құрастыру.

Бірқатар оқушылар үшін:

санды бірнеше бірлікке арттыру жəне кеміту жəне қосындыны табу сияқты қарапайым есептерден тұратын екі амалмен орындалатын есептің моделін түсіндіру.

Кейбір оқушылар үшін:

Сызба, сұлба жəне қысқаша жазылуы бойынша санды бірнеше бірлікке арттыру жəне кеміту жəне қосындыны табу сияқты қарапайым есептерден тұратын екі амалмен орындалатын есептер құрастыру.

Тілдік мақсаттар

Пəндік лексика жəне терминология: есеп, амал, өрнек, жауабы, шарты, есептің сұрағы, берілгендер, кесте, сызба, сурет, қысқаша жазу, модель.

Сабақта диалог/жазу үшін пайдаланылатын тіл.

Есептің мазмұны не жайлы?

Ондағы сандар нені білдіреді?

Сандар есеп мазмұнымен қалай байланысады?

Қандай амал қолданылады, неліктен?

Есеп тек 1 амалмен шешіле ме, неліктен?

Есептің моделі не үшін керек?

Қандай модель құрылады?

Есептің шарты бойынша сурет, сызба, қысқаша жазудың қайсысын таңдадың?

Өрнек (сызба, кесте, сурет) бойынша есеп құрастыра аласың ба?

Жазу:

Есепті қысқаша жазамын, суретті, сызбаны сызамын, шешуін шығарамын.

Тірек білім, білік, дағдылар

Есеп жəне оның шешуі.

Жоспар

Жоспарланған уақыт

Жоспарланған іс-əрекет

Қоры

0–3

Ынталандыру.

Жазғы демалыс жəне ауылдағы үлкендерге көмек жайлы əңгімелеседі.

• Ауылдағы, қаладағы үлкен кісілерге көмек көрсетесің бе?

• Санаумен айналыстың ба?

Қиықшадағы

"есеп"

4–6

Белсендіру.

Мұғалім қосынды мен қалдықты табуға берілген есептерді ауызша оқып, математикалық диктант жүргізеді.

Жазда əжесінің ауылында Сырым 6 жəшік қызанақ, ал Əлия 3 жəшік қызанақ жинады. Олар бірге неше жəшік қызанақ жинады?

Жəшікте 20 кг қияр болды. 4 жəшік қияр жұмсалды.

Неше килограмм қияр қалды?

Бұдан кейін оқулықтан №1 тапсырманы орындау ұсынылады.

Бұл есептердің моделдерін қарастыру үшін 1-сыныпқа арналған жинақ полотносын пайдалануға болады. Алдымен оқушыларға əрбір себетте неше жеміс (жидек) барын біліп алу қажет. Оқушылар осы мəліметтермен əртүрлі есептер құрастыра алады. Оқушылар есептерге шарты мен сұрағын тұжырымдайды. Шешу жолын түсіндіреді.

Оқулық,

дəптер, құрастырмалы жинақ

7–11

Мақсатты бекіту (мəселелі жағдаяттар). Топтардағы оқушыларға есептердің қысқаша жазылуын безендіріп, сызбасын толтырып шығару ұсынылады.

Сырым 4 кг таңқурай, ал Əлия одан 3кг артық жинады.

Олар бірге неше килограмм таңқурай жинады. Дайындама ретінде сұлбасын беруге болады:

Талдау барысында сұлбада қандай мəліметтердің жетіспейтіндігі анықталады. Есептің қысқаша шарты бойынша оқушылар есептер құрастырмаған болуы мүмкін.

Сондықтан, сабақтың мақсаты бекітіледі: мəтінді есепке сызба құрылып, оның моделі жасалады.

Жаңаны ашу.

Əрбір топ өз есептері мен оның моделін, сызбаларын, суретін жəне қысқаша жазбасын қорғайды. Оны олар құрастырмалы жинақ көмегімен көрсете алады.

Қиықшадағы

«есеп».

12–29

Түсіндіре отырып алғашқы бекіту.

Жұппен жұмыс. Есептер қиықшаға жазылып беріледі. Əрбір топ өз есептері мен оның моделін, сызбаларын, суретін жəне қысқаша жазбасын жазады.

№1-есеп қиықшасы.

Оқушылар 6 себет өрік, 3 себетке кем шабдалы жинады. Барлығы неше себет жеміс жиналды?

№2-есеп қиықшасы.

Оқушылар қой бағуға көмектесті. Қойлардың 8-і ақ түсті, ал қара түстілері 2-ге артық. Оқушылар барлығы неше қой бақты?

№3-есеп қиықшасы.

Қызы анасына көмектесіп, 10 қасықты, одан 2-ге кем шанышқыны жуды. Қызы барлығы неше ас құралын жуды?

Мұғалім сыныптың дайындық деңгейіне орай қиықшаларды өз бетінше дайындауына болады. Оқушылар бір-біріне түсіндіреді. Мұғалім жұптарды тындайды жəне бақылайды. Бұдан кейін оқушылар моделдерін көрсетеді жəне түсіндіреді, оларға мұндай моделдің неге тиімді болғанын түсіндіреді. Критерий бойынша бағалайды:

№	Біліктер	Баға
1	Есептің мазмұнын түсінемін.
2	Есептің сызбасын құрай аламын.
3	Есептің шешу амалын табамын.
4	Есепті шешу алгоритмін орындаймын.

Өздік жұмыс.

Оқулықтағы №5 тапсырманы орындау ұсынылады.

Сабақтың презентациясын қолдану