Оқу қызметін ұйымдастырудың технологиялық картасы

( № 6 Жұлдыз ересек тобы)

Тәрбиеші: Сундетова А.Е.

Өтетін күні: 27 .01.17 ж.

Сабақ түрі: Ашық сабақ

Білім саласы: Коммуникация, таным, шығармашылық.

Тарау: Сөйлеуді дамыту

Тақырыбы: «Жыл басына таласқан хайуанаттар» (ертегіні рөлге бөліп сахналау)

Мақсаты: Балаларға он екі жыл атаулары туралы түсіндіру. Балаларды достыққа, бір - бірін сыйлауға тәрбиелеу

Білімділік: Ертегі желісі арқылы балалардың тілін дамыту, жыл басына таласқан қай жануарлар екендігі туралы түсінік беру, жұмбақтар, мақалдар, түрлі тапсырмалармен сқйлеу тілін, сөздік қорын молайту;

Дамытушылық: Балалардың ойлау,қайта жаңғыртып еске түсіру,сөйлеу тілін дамыту,  қиялдау қабілетін дамытып,тапқырлыққа, шығармашыл болуға баулу.

Тәрбиелік:   Ертегілер  арқылы балаларды адамгершілікке және  адалдыққа, еңбек сүйгіштікке тәрбиелеу.

Әдіс - тәсілдер: Әңгімелеу, рөлге кіріп ойнай білуге, сұрақ-жауап, түсіндіру, көрсету, ойын, шаттық шеңбері.

Көрнекілік: Ертегілер видео жазба, слайд,сұрақ – жауап, ойын, шаттық шеңбері, сурет.

Сөздік жұмысы:  Ертегі кейіпкерлері жануарлар.

Билингвальды компаненті: Жылқы- лошадь- хорс, түйе – бервлюд – кэмл,сиыр – корова – кау,қой- овца – шип,ит – сабака – дог, тауық – курица – хэн, тышқан – мышка – маус.

Іс - әрекет кезеңдері

Тәрбиешінің іс - әрекеті

Балалардың іс - әрекеті

Мотивациялық – қозғаушылық

• Келген қонақпен амандасып, шаттық шеңберін құрып, өлеңді бір айтамыз.

Қуан, шаттан, алақай,
Қуанатын күн бүгін.
Қайырлы таң, қайырлы күн,
Күліп шықты күн бүгін.
- Сәлеметсіздер ме, апайлар!

Шаттық шеңбері.

Сәлемдесу

Ұйымдастырушылық – ізденістік

• Балалар қазір жылдың қай мезгілі екен?
  * Қыс мезгілінің айларын атаңдаршы?
  * Желтоқсан айында қандай мерекелер бар?
  - Дұрыс, жарайсыңдар.

Тәрбиеші: Балалар, биыл біз қай жылды шығарып салдық,және қай жылды қарсы алдық?

• Өте тамаша!

• Онда осы «Жыл басына таласқан хайуанаттар» ертегісін келген қонақтарымызға рөлге бөліп көрсетейік!
  Рөлге бөліп ертегіні сахналайық!

Жыл басына таласқан хайуандар

Ең ерте заманда хайуандар жылдың басы болуға таласыпты. Сонда жылқы айтыпты:

         — Мен алысты жақын қыламын. Күшімді көреді, сүтімді ішеді, қылыма шейін арқан, жіп еседі. Адамға менен пайдалы мал жоқ, жыл ағасы мен боламын, – дейді.

         Түйе айтады:

         — Сен адамның жұмысын қылсаң, сұлы, шөп асайтын тамағың үшін құл болдың, міне, мен сен көтере алмайтын ауырды көтеріп, неше айшылық алыс жерлерге барамын. Аш болдым деп, арпа, сұлы сұрамаймын. Көде болса, көде, жусан болса, жусан, не кез келсе, соны қорек етіп, табылса, су ішіп, табылмаса, шөлде де жолға жүре беремін. Жыл басы болу маған лайық.

         Сиыр айтады:

         — Адам егін ексе, менімен егеді, сүтімді ішеді, құрт-май істейді, жыл басы болу маған лайық.

         Қой айтады:

         — Мен болмасам, қазақ үйін немен жабар еді. Жүнімді алып, киіз басады, жабағымнан киім тігеді, арқан, жіп еседі. Сүтімнен құрт-май алады, шаруаға менен пайдалыларың жоқ.

         Ит айтады:

         — Мен болмасам, сендердің көбіңді не ұрлап, не қасқыр жеп тауысар еді. Мен сендердің баршаларыңның бақташыңмын, дұшпан көрінсе, үріп, абалап, иеме хабар беремін.

         Тауық айтады:

         — Мен болмасам, кісі ерте жұмысына бармай, ұйықтап қалар еді. Мен ерте тұрып, таң атты деп шақырып, хабар айтамын. Кеш болса, жатар мезгіл болды деп, тағы шақырамын.

         Тышқан не айтарын білмей тұрады да бір түрлі қулық ойлап, жиылған көпке айтады:

         — Бұл таластан еш нәрсе өнбес, жылды қарап тұралық та кім бұрын көрсе, сол жыл басы болсын.

Хормен:

Жылды қарап тұрайық
Ойын-сауық құрайық
Ең бұрын көрген батырды
Жыл басы деп ұғайық!

Тәрбиеші: Жыл басына таласқан хайуанаттар сіздер таң атып, күн шыққанша уақыт көп,ойын сауық құрайық!

Осы ертегіде неше жануар болса соны үш тілде атап берейікші.

Жылқы- лошадь- хорс

Түйе – бервлюд – кэмл

Сиыр – корова – кау

Қой- овца – шип

Ит – сабака - дог

Тауық – курица – хэн

Тышқан – мышка - маус

• Кім жануарлар туралы мақалды көп біледі екен?

Мақал мәтелдерді кім шапшаң жатқа айтады
Ит атасын танымас.

Тышқанның да сауыры бар.

Мал өсірсең қой өсір,

Өнімі оның көл көсір.

Жылқыда өт жоқ,
Құста сүт жоқ.

Аттан тай озады,
Атадан бала озады.

Қоян көлеңкесінен қорқады.

Малды жақсы баққаның

Өзіңе абырой тапқаның

Малды жаман баққаның

Келген бақты қаққаның

Тәрбиеші: Балалар біраз ертегіні тамашалап, мақал – мәтелдер айтып шаршаған боларсыңдар!

Келіңдер сергіп алайық!

Биыл қандай жыл?

Тауықтың жұмыртқалары қонаққа келіпті.Солармен көңілді би билеп алайық!

СЕРГІТУ СӘТІ:

(балалар әннің әуенімен жұмыртқаның қимылын қайталайды.)

Балалар, тауық сондай риза болып, сендерге бір – бір жұмыртқаларын сыйлады.

Сол жұмыртқаны үрлеп пісірейікші! қатты үрлейді)

Ішіміздегі барлық жылуды, мейрімді осы жұмыртқаға берейік!Енді осыны келген қонақтарымызға сыйлайық!

Жұмбақ шешейік!
Кезікті бір жануар

Үстінде екі тауы бар (Түйе)

Үй iшiн аралап,

Түнде көп жортады.

Қаптарды жарып,

Мысықтан қорқады. (Тышқан)

Есек құлақты,
Мысық аяқты,
Түйе ерінді,
Ешкі құйрықты. (Қоян)

Адамға серiк,

Күзетке берiк.   (Ит)

Кішкене ғана бойы бар,

Айналдыра киген тоны бар.

(қой)

• Тәрбиеші: Балалар енді бір жұмбақ бар барлығымыз көзімізді жұмамыз...
  (сол кезде күн шығады, ойынның қызығына түскен аңдар мұны байқамай да қалады тек байқаған тышқан болады).

• Тышқан:
  - Алақай, алақай
  Күнді көрдім алақай.
  Қулығыммен, ақылыммен,
  Бәрін жеңдім алақай.
  
  

• Хормен: Тышқан, сиыр, барыс, қоян, ұлу, жылан, жылқы, қой, мешін, тауық, ит, доңызды санап жаттап біліп қой.

Балалар тізбектеп жыл атауларынан күнтізбе құрастырады.

Қазір қыс мезгілі.

Желтоқсан, қаңтар, ақпан.

Президент күні, Тәуелсіздік мерекесі, Жаңа жыл.

Мешін жылын шығарып салып, Тауық жылын күтіп алдық.

Иа.

Жақсы

Ертегіні балалар рөлге бөліп, орындайды.

Бірге қайталайды.

Қайталайды.

Балалар білетін мақал – мәтелдерін жатқа айтып береді.

Тауық жылы

Иә

Жұмыртқалардың қимылын жасайды.Көңілді би билеп алады.

Жылулықпен, мейрімділікпен піскен жұмыртқаны қонақтарға тарту ету.

Тапқырлық танытып, жұмбақтарды жылдам шешуге тырысады.

Көздерін жұмып жатқанда...

Тышқан күннің көзін көріп, жыл басы болып та үлгереді.

Түйе өз бойына сеніп жыл басынан құр қалыған екен.

Барлық хайуанаттар бөлісіп болған соң хормен кезектерін қайталап шығады.

Күнтізбе құрастырады.

Рефлесиялық түзетушілік

-Соны мен балалар ертегі сендерге ұнады ма? Бүгінгі оқу іс - әрекетімізде не өттік?
- Жарайсыңдар, барлығыңда жақсы қатыстыңдар. Бүгінгі сабағымыз осымен аяқталды, апайларға сау болыңыз деп айтамыз.

Балаларды мақтап, мадақтау.

Келген қонақтармен қоштасу.

Күтілетін нәтиже:

Біледі: Үй жануарларының  адамға келтірер пайдасын біледі, ертегіні рөлге бөліп, сөйлейді,  мәнерлеп айтуды үйренеді;

Игереді: Коммуникациялық және шығармашылық дағдыларды игереді.

Меңгереді: Өздіктерімен жаңа технологияны қолдана білуді меңгереді.