Жамбыл Жабаевқа арнау

« Нар Жамбыл — жырдың алыбы»

Жырлаған Ленинград өрендерін,

Қазақ сүйіп оқиды өлеңдерін.

Соғыстағы батырға өлең жазып,

Шабыт берген жырауым кемеңгерім.

Жүрегінде керемет шабыты бар,

Өзінің керек етер уақыты бар.

Жамбылды сөз етуге келген кезде

Әр қазақтың алтындай уақыты бар.

Жүрегінде керемет жыр тұнады,

Сыртқа қарай шығуға ұмтылады.

Жамбылдай ақындарды құрметтейік,

Ондай ақын 1000 жылда бір туады.

Жыр алыбы жырауым Нар атамыз,

Өлеңіңді керекке жаратамыз.

Керемет асыл сөзді өлеңіңді,

Күллі әлем халқына таратамыз.

«Жамбыл жайлы бірер сөз»

Жыр алыбы, 100 дің шыңына шыққан нар Жамбыл атамызға биыл 175 жыл. Осы жылдардың ішінде күллі қазақ елі жыр сусынымен шөлін қандырып келеді. Сауаты жоқ болсада, алтынмен парапар өлеңдерін бүгінгі жас ұрпаққа жеткізді. Сол Жамбыл мұрасының қадір — қасиетін бұзбай сақтау бүгінгі жас ұрпақтың парызы екенін әсте естен шығармалық! Жыр алыбы —Жамбылдай қазақ баласы көбейе бергей!