Кәсіби тәжірибемді қалай арттырамын?

Кәсіби тәжірибемді қалай жетілдіремін?

Ұстаз- күнің, күннен биік бар ма ?

Күннен биік болам деп күйіп қалма

Ұстаз- мұхит, мұхиттан терең бар ма?

Одан да терең болам деп , зәремді алма

Ұстаз- туың, одан шыққан ұлық та, ұлылар да - деп ақын Салғараев жырлағандай Ұстаз-өмірдің айнасы. Осы әдемі теңеулерге лайық болу үшін әрбір мұғалім өмір бойы ізденуін тоқтатпауы керек. Мұғалім өзінің тәжірибесін, білімін үнемі жетілдіріп отыруы керек. Жаңа оқу үрдісін үйрену, заман талабына сай мұғалім болу, білім саласындағы жаңалықтармен таныс болу- мұғалімнің тәжірибесін жетілдіреді.

Мұғалімдерге қойылып жатқан талап пен өзгеру үдерісі әрине қиындықтар тудырады. Әйтсе де біз бар мүмкіндігіміз бен күш-қайратымызды қолдансақ, өзіміздің кәсіби тәжірибемізді арттырған болар едік. Бір- бірімізбен үнемі пікір алмасып отыру, сабақтарға қатысып тәжірибе алмасу, семинарлар, коучингтер ұйымдастыру- мұғалімдердің өз тәжірибесін арттыруының бірден- бір тиімді жолы. Бұдан басқа мұғалім АКТ- ны жақсы меңгеріп, интернет желісі арқылы қажетті мәліметтерді пайдалана алуы- бұл да мұғалім тәжірибесін жетілдіреді. Біздің қазір тренеріміз Раиса апайдан 3 деңгей( базалық деңгей) бойынша сабақ алуымыз, оқытудағы жаңа әдіс- тәсілдерді үйренуіміз- әрбір қатысушы мұғалімдердің тәжірибесі мен біліктілігін арттырады. Басты мәселе- тек оқып-үйреніп қана қоймай, соны қолдана білу, нәтижесін көру. Олай болса әрбір сабағымызға рефлексия жасап, сабақ беру әдістемемізді жақсартуымыз керек. Әрбір оқушы және әрбір мұғалім көшбасшы болуға лайық!