Білім беру саласы: Қатынас

Бөлімі: Сөйлеуді дамыту.

Тақырыбы: Кеме (Е. Өтетілеуұлы).

Мақсаты: Көліктер, олардың түрлері туралы түсінік беру.

Міндеттері: 1. Өлең арқылы көлік түрлерінің маңызын түсіндіру.

2. Есте сақтау, танымдық қабілеттерін, байқағыштығын дамыту.

3. Еңбекүйгіштікке тәрбиелеу.

Қолданылатын көрнекі құралдар: Жұмыс дәптері. Сөздік жұмыс: Сағымданған, бұлдыраған түзде шалғай.

Блингвальды компонент: Көліктер – транспорт, бағдаршам – светафор, жүк мәшинесі –

грузовая машина.

ҰОҚ барысы

1. Ұйымдастыру кезеңі

Педагог жұмбақ жасырады.

Бір көзім «кідір», – дейді, Бір көзім «жүгір», – дейді, Бір көзім «абайла», – дейді,

«Қарап ал маңайға» , – дейді.

Педагог балаларға бағдаршамның суретін көрсетіп, әңгімелеседі.

• Мынау не?

1. Негізгі кезен

• Бағдаршам не істейді?

Педагог әртүрлі көліктердің суретін көрсетеді. Дәптердегі тапсырманы орындау.

• Адамдар мәшинемен, автобуспен, пойызбен жерде жүреді, тікұшақпен, ұшақпен аспанда ұшады, кемемен, қайықпен суда жүзеді. Бұл заттарды бір сөзбен көліктер деп атаймыз. Педагог жүк мәшинесін көрсетіп, әңгімелеседі.

• Мынау қандай мәшине?

• Жүк мәшинесі не тасиды?

• Мәшиненің қорабы, кабинасы, дөңгелегі, моторы бар.

• Мәшинені кім жүргізеді?

• Суда жүзетін қандай көлік түрлерін білесіңдер?

• Кемеде матростар жұмыс істейді, оларды капитан басқарады.

• Кемелер жүзу үшін не керек?

Педагог ыдысқа су құйып, қағаз кемені суға жібереді.

• Кеме не үшін керек?

Кеме тез жүзу үшін үрлеп толқын жасайық. Енді кемеге ат қояйық. Өзімізді кемеде отырмыз деп елестетейік те, Ермек Өтетілеуұлы ағамыздың «Кеме» өлеңінмен танысамыз. Өлеңді мәнерлеп оқып береді.

Міне, Кеме, Мінем, Мен де.

Сапарға алыс шығамын, Теңіз сырын ұғамын.

Жолсеріктей, жан достардай бізден қалмай, Шағалалар шаршамастан шарқ ұрады: Сағымданған, бұлдыраған түзде шалғай.

Кемемізді жағалаулар шақырады.

Педагог өлең мазмұнын сұрақ қою арқылы сұрайды.

• Өлең не туралы?

• Кемеге жол серік – деп нелерді айтып отыр?

• Алыс шалғайда не көрінеді?

• Енді осы өлеңді суретке қарап отырып, қайталап жаттап алыңдар.

• Балалар, бүгінгі оқу қызметінде нелер жайлы айтылды? Педагог екі тілде аудармаларды айтып өтеді.

Сөздік жұмыс.

Бұл жердегі «Сағымданған, бұлдыраған түзде шалғай» деген өлең жолдары «өте алыста, көз ұшында» деген мағынада.

Сергіту сәті

(Сергіту жаттығуларын Ж.Смақовтың «Пойыз» өлеңі бойынша жасатуға болады.)

Кәне, кімнің бойы ұзын, Паравозы ол пойыздың. Қатар-қатар тұрайық,

Пойызды бір құрайық. Ал, паравоз, баста алға, Бәрімізді басқар да.

Піш-піш, піш-піш, біз кеттік, Жүрісті тым үдеттік.

Гу-гу,гу-гу гуілде, Қалып қойма бәрің де.

(Ж.Смақов)

Дәптермен жұмыс. Дәптердегі тапсырма орындалады.

Ойын шарты: Суреттегі көлік түрлерінің жолдарын салу. Құрлықта жолмен жүретін болса астына жол, аспанда ұшатын болса бұлттар, суда жүзетіндерге көл салып беру керек.

3. Қорытынды бөлім. Рефлексия

• Бүгін кімнің өлеңімен таныстық?

• Өлең қалай аталады? Балалар, сонымен көлік түрлерін атап айтып беріңдерші? Көліктер адамдарға не үшін қажет?

Күтілетін нәтиже:

Жасайды: Жұмбақ шешті, өлең мазмұнына байланысты сұрақтарға жауап берді, суретке қарап өлеңді жаттап алады;

Түсінеді:өлең мазмұнын, көліктердің әр салада пайдалануын;

Қолданады: әртүрлі көліктерді жолдарымен қосады..

Білім беру салалары: таным, қатынас.

Бөлімі: МАТЕМАТИКА НЕГІЗДЕРІ.

Тақырыбы: 10 көлемінде тура және кері санау.

Мақсаты: 10 көлемінде тура және кері санау дағдысын қалыптастыру.

Міндеттері:

1. Келесі санды 1-ді қосу арқылы және 1-ді азайту арқылы алу тәсілімен таныстыру. Сандық кесіндіден 1-ді қосу және 1-ді азайту арқылы мысалдар шығару ұғымдарын қалыптастыру. 1-ді қосу және азайтуды үйрету. 10-ға дейін тура және кері санауды жүргізу. Талдау, салыстыру, қарапайым тұжырымдар жасауды үйрету.

2. Назар аудару, логикалық ойлау дағдыларын дамыту.

3. Шыдамдылыққа тәрбиелеу.

Қолданылатын көрнекі құралдар мен жабдықтар: №2 жұмыс дәптері, демонстрациялық материал, 7, 21, 24-кесте. Қуыршақтар Әлия және Сырым.

Сөздік жұмыс: есептік сандар 1-10.

ҰОҚ-нің барысы

1. Ұйымдастыру кезеңі.

Ойын жағдаяты. Әлия мен Сырым балаларға пойызбен саяхат жасауды ұсынады. Педагог балаларды вагондар болуға шақырады. Он бала бір-біріне тіркесіп, пойыздың қозғалысын еліктейді. Балаларға 1-ден 10-ға дейін цифр жазылған карточкалар таратылады. Педагог басқа балаларға вагондарды 1-ден 10-ға дейін тура және кері санауды сұрайды.

2. Негізгі кезең.

Вагондармен көрініс ойнатылады. Педагог вагондардың бір-бірден туннельге қарай кетіп жатқанын хабарлайды. Сандық сәуле бойынша педагог 1-ге азайту амалын көрсетеді.

Сонымен

10 – 1 = 9

9 –1 = 8

8 – 1 = 7

7 – 1 = 6

Натурал сандар қатарын (немесе сызықшаны) көрсетуіне болады.

Одан кейін педагог вагондардың бір-бірден туннельден шығып жатқанын хабарлайды. Біз оларды қалай санаймыз? Жазба жазуға болады:

1 + 1 = 2 – оны оқыңыз.

2 + 1 = 3 және т.б.

Карточкамен жұмыс Тақтада (демонстрациялық материал 21- кесте) 1 -ден 10-ға дейін сандар қатары ретімен тұрады.

Топтан екі баланы шақырады, олар цифрды тез және дұрыс қояды, тура және кері санайды. Бір бала санауды бастайды, екіншісі жалғастырады деген тәсілді пайдаланамыз. Дәптермен жұмыс істеу

1-тапсырманы орнындауға педагог балаларға сурет береді.

• Қандай вагондардың нөмірі жоқ? Жаз.

1-тапсырманы жалғастыру үшін балалардың қала сыртына шана тебу үшін барғаны туралы сюжетті жалғастырады.

-2 тапсырма. Педагог сурет бойынша балалар не істеп жүргенін әңгімелеп берулерін сұрайды.

• Төбешікте неше бала тұр? (3). Неше бала көтерілді? (1) Барлығы нешеу болды?

(4).

Екінші сурет бойынша:

• Неше бала төбешіктен сырғанады?

• Төбешікте неше бала қалды?

Сергіту сәті Қане қанат жазайық, Қарлығашқа ұқсайық. Ұшып-ұшып алайық, Орнымызға қонайық. Білімде алда болайық.

Жазу:
	□ – 	5 – 1
	□ – 	7 – 1
	□ – 	4 – 1

Ойын жаттығуы: «Жазбаны шеш».

Балалар карточкалардың көмегімен үстелде және тақтада математикалық жазбалар жасайды.

Дәптермен жұмыс

Осыдан кейін балаларға 3-тапсырманы жұппен орындауды ұсынады, балалар суретте не бейнеленгенін санайды және атайды. Мысалдар құрастырып, оларды шығарады.

Сұрақтарға жауап береді.

-Суреттерде не бейнеленген, қандай әрекеттер орын алады? Бұл сурет үшін қандай математикалық жазба сай келеді?

Педагог 4-тапсырманы орындауды ұсынады, әр пойызға тағы бір вагонды тіркеу керек.

Вагондарды бояйды. Әр қатарға неше вагон боядың? Әр қатарда неше вагоннан болды?

Тапсырманы жұппен тексеруге болады. Әр бала көршісіне дәптерін көрсетеді. Педагог балаларды сыпайы сөйлесуге және тапсырманың дұрыстығы туралы пікір білдіруге үйретеді.

«Математикалық жазулар» дәптерімен жұмыс.

Педагог 16-ші беттегі № 21-ші тапсырманы орындауға ұсынады. Балалар жұмысқа кіріспес бұрын ауада түзу және толқынды сызықтар салады, қолымен дөңгелек қимылын көрсетеді.

Педагог балалардың партада дұрыс отыруына назар аударады. Жеке жұмыс жүргізеді.

3. Рефлексия.

Педагог оқу қызметін қорытындылайды, балаларды мадақтайды. Әсерлерімен бөліседі.

Педагог өзін-өзі бағалауға ұсынады. Егер ҰОҚ-тін дұрыс орындасаң – жасыл дөңгелекті боя. Егер тапсырмалар жартылай орындалса – сары дөңгелекті боя. Егер ҰОҚ қиын болып, түсініксіз болса – қызыл дөңгелекті боя.

Күтілетін нәтижелер:

меңгереді: қарапайым мысалдар шығару, 1-ден 10-ға дейін тура және кері бағытта санауды;

түсінеді: 1 санды қоса есептеу арқылы келесі санды және 1 санға азайту арқылы алдыңғы санды алу тәсілін;

қолданады: 1-ден 10-ға дейін санау дағдысын.