Кестелер. Кестелер құру. Кестелерді редакциялау. Кесте ішіндегілерін енгізу және пішімдеу.

Мерзімі

07.02.2018ж

Сабақ

21

Сынып:

6 «Д»

Қатысушылар саны: Қатыспағандар:

Сабақтың тақырыбы:

Кестелер. Кестелер құру. Кестелерді редакциялау. Кесте ішіндегілерін енгізу және пішімдеу.

Сабақтың мақсаты:

Барлық оқушылар: Microsoft Word мәтіндік процессорында кесте құруды, ұяшықтарды қосуды, алып тастауды, біріктіруді, кестелерді редакциялауды, пішімдеуді және бөліктерге бөлуді үйренеді.

Оқушылардың басым бөлігі: компьютерде Microsoft Word мәтіндік процессорында кестемен жұмыс жасай алады.

Кейбір оқушылар: Microsoft Word мәтіндік процессорында кестені әр түрлі тәсілдер арқылы құрайды.

Бағалау критерийі

Microsoft Word мәтіндік процессорда кесте элементтерін пішімдейді және кестені әр түрлі тәсілдермен сызады.

Тілдік мақсаттар:

Кесте, ұяшық, қатар, баған, парақ.

Құндылықтарға баулу:

Өмір бойы оқуға дайын болу, шығармашылық және сын тұрғысынан ойлау

Пәнаралық байланыс:

Математика, ағылшын тілі

Алдын ала білім:

Оқушылар Microsoft Word мәтіндік процессоры туралы толық біледі және жұмыс жасай алады.

Сабақтың типі:

Жаңа білім беру

Сабақтың көрнекілігі

Интерактивті тақта, компьютер, стикерлер, слайд, плакат

Сабақтың барысы

Сабақтың жоспарланған кезеңдері

Сабақтағы жоспарланған қызмет

Ресурстар

Сабақтың басы

1. Ұйымдастыру кезеңі

а) Оқушылармен сәлемдесу

ә) Оқушыларды түгелдеу

б)оқушылардың зейіндерін сабаққа аудару

Слайд1

Шаттық шеңбері: психологиялық треннинг «Жайдарлы мінез» бір-біріне допты беру арқылы мінездерінің жақсы, жағымды жақтырын атап шығу

Слайд2

2. Топқа бөлу: «Ақша» арқылы. Оқушылар

1000 теңгенің түрлерін таңдау арқылы «Мәтін» және «Кесте» болып екі топқа бөлінеді.

1-топ : «Мәтін» тобы

2-топ: «Кесте» тобы

1000 теңгенің суреттері

3. Үй тапсырмасын сұрау: «Конверт- сұрақ»

әдісі бойынша сұраймын. Конверттің ішіне 4 сұрақ жазылады. Сұрақтар:

1-топ: 1) Microsoft Word мәтіндік процессорын қалай іске қосамыз?

2) Беттің параметрін альбомдық түрге қалай келтіреміз?

3) Нөмірленген және маркерленген тізімдер дегеніміз не?

4) Құжатты 2 бағанға (колонка) қалай бөлеміз?

2-топ: 1) Мәтіндік процессор дегеніміз не?

2) Microsoft Word мәтіндік процессорының терезе элементтерін ата

3) Құжатты қалай сақтаймыз?

4) Барлық бетті баспаға (печать) шығару үшін қандай қадам жасаймыз?

Сұрақтар жазылған конверт

Сабақтың ортасы

“...Адамзат үшін ХХІ ғасыр жаңа технологиялардың ғасыры болмақ, ал осы жаңа технологияларды жүзеге асырып, өмірге енгізу, игеру және жетілдіру - бүгінгі мектеп оқушылары сіздердің еншілеріңіз”

Н.Ә.Назарбаев

Жаңа білім

1. Постер қорғау «Ойлан, жұптас, бөліс»

әдісі. Екі топқа тақырыптар беріледі және берілген тақырыптарын қорғайды.

1-топ: «Кестенің құру тәсілдері»

2-топ: «Кестені редакциялау, кестеге мәліметтерді енгізу және пішімдеу»

Біздің өмірімізде мәтінді безендіру немесе құжатты кесте түрінде даярлау жиі кездеседі. Оларға: мектеп журналдары, үлгерім табелі және сіздердің күнделік парақтарың т.б. MS Word мәтіндік процессоры кесте құруды жеңілдетеді, ол өзіне бағандардың енін есептеу мәселелерін жүктейді.

• Кесте дегеніміз – бұл баған мен жолдардың

қиылысы.

• Кестенің бағаны мен жолының қиылысқан жері

ұяшық деп аталады.

• Жол– көршілес ұяшықтардың бірлестігі

• Баған — көршілес ұяшықтардың тік бірлестігі.
  Кесте құрудың әдістері:
  1. Вставка ⇒ таблица ⇒вставить таблицу
  2. Вставка ⇒ таблица
  3. Вставка ⇒ таблица ⇒нарисовать таблицу

Кестенің ішін біріктіру үшін: Кестені ерекшелеп алып, объеденить ячейки арқылы;
Кестені ұяшықтарға бөлу үшін: Кестені ерекшелеп алып, разбить ячейки арқылы;
Кесте ұяшығындағы мәтіннің бағытын өзгерту үшін: Кестеге барып, тышқанның оң жақ батырмасы арқылы динамикалық менюден Направление текста батырмасын басамыз.

Плакаттар, маркерлер

Интерактивті тақта, слайд, электронды оқулық

2. Компьютермен жұмыс: «Білгенге маржан» әдісі

1-топ: MS Word терезесін ашып 4 бағаннан, 5 жолдан тұратын сынып тізімін құраңыз.

3. «Мюнстенберг» әдісі Әріпті мәтін ішінде

сөздер бар. Жылдам оқи отырып, сол сөздердің астын сызу қажет.

Тапсырма: Иорпгнңүкестегкнаиаіңңғүңсуреттшсұқүгешплаьб бағанрпокаұқмгненфяычвсатүсмпипңұіңрыорртоьлбмитаблицааадюжюэъхзщшгнграфикецйәәңіғүқөъ символхзшнгекцуйцфыыпрұяшықаопрдлождэюббитқаріпмиліңғіәңүңікжиектеургклвиорыноабзацдқуповмьвавдоьдишщжолдардқұңтме

Карточкалар, слайд, компютер

4. «Қосымша қатені тап» әдісі

1-топ: Мен компьютермен жұмыс істегенде, міндетті түрде монитор мен сканерді іске қосамын. Тышқанмен әріптерді теріп, сурет салу керек болса, сканерді пайдаланамын. Компьютерге дайын мәтінді қолдан енгізбеу үшін джойстикті қолданамын. Ал мәтінді басып алу үшін жүйелік блокқа қағаз саламын.

2-топ: Мен компьютерде жұмыс істегенді ұнатамын. Меніңше, сурет салу үшін ең ыңғайлы программа Word графикалық редакторы шығар. Ол арқылы мен тек сурет салып қана қоймай, оның кез келген бөлігін бояймын.Суретке мәтін қосуға болмайды. Оған қоса осы программа арқылы мәліметтерді есте сақтаймын

Слайд,

карточкалар

Сергіту сәті

Жұмбақты шеш:

Тұрады ол жолдармен бағандардан,
Және тұрар ұяшықтар ағымынан.
Кәне ойланып көрейік ол не екен,
Баған менен жолдарды қиылыстырған.

(Кесте)

Тіктөртбұрышқа ұқсайды,

Елемей кетуге болмайды.

Бағанменен жолдардың қиылысы,

Кестеде қай элементті құрайды.

(Ұяшық)

Кестенің бір негізгі элементі,
Көлденең ұяшық құру қызметі.
Ұяшық емес, баған емес ол не екен?
Кестенің негізгі болған қызметі.

(Жол)

Слайд

Сабақтың соңы

«Ұшақ» әдісі. Әр түрлі түс қағаздан жасалған ұшақтың ішіне жаңа сабаққа байланысты үш сұрақтар жазып оқушыларға ұшырамын.

1-топ:

1. Кесте дегеніміз не?

2. Кесте құрудың неше тісілі бар?

3. Қарындашты құру арқылы кестені қалай құруға болады?

2-топ:

1. Ұяшық дегеніміз не?

2. Бөліп алған ұяшықтарды қалай біріктіреміз?

3. Құрылған кестеге жолдарды, бағандарды қалай қосуға болады?

Түрлі түсті қағаз,

Ұшақ бейнесі

Кері байланыс

«Бес саусақ» әдісі Оқушыларғаақ қағаз тартылып береді. Сол ақ қағазға оқушылар өз қолдарын салып әр саусақтарға өз ойын жазады

ақ қағаз

Бағалау

(1мин)

Күн – «5»

Ағаш – «4»

Бұлт – «3»

Осы бейнелерге оқушылардың сабаққа белсене қатысып отыруына қарай және сұрақтарға дұрыс жауап беруіне қарай суреттерін бағалау кестесіне жабыстырамын.

Күннің, ағаштың, бұлттың және оқушылардың суреттері

Сабақ бойынша рефлексия

Бүгінгі сабақта жүрегім арқылы не сезіндім?

Бүгінгі сабақта қолым арқылы не жасадым?

Бүгінгі сабақта миым арқылы не ойладым?

Оқушылар бүгінгі сабақта алған әсерлерін, тілектерін стикерге жазып, тақтаға іледі.

Үйге тапсырма

§4.12 Кестелер. Кестелер құру. Кестелерді редакциялау. Кесте ішіндегілерін енгізу және пішімдеу. «Кесте» сөзіне ребус дайындап келу