Кездесу кеш "Тәуелсіздік құдастары"

Тақырыбы: Тәуелсіздік құрдастары
Мақсаты: Оқушыларға Тәуелсіз Қазақстан Республикасының өткені мен болашағы, даму тарихы туралы мағлұматтар бере отырып, келешекке сеніммен қарауға, елжандылыққа, ұлтын сүюге, қастерлеуге үйрету. Өз Отанына , туған жеріне деген сүйспеншілігін арттыру.
Көрнекілігі: Тәуелсіздік және тұңғыш Президент виртуальды кітап көрмесі, Ел бақытын тербеткен Тәуелсіздік слайд-шоу.
Кіріспе сөз.
Кітапханашы: Армысыздар, құрметті ұстаздар, тәуелсіз еліміздің ұлағатты ұрпақтары және кеш қонақтары.Еліміздің тәуелсіздік күні баршамызға құтты болсын!Биыл тәуелсіздік алғанымызға 25 жыл. Мемлекетіміздің өсіп – өніп, шыңға жетіп өркендеуі – қазақ елінің жетістігі, сондықтан бүгінгі Тәуелсіздік мерекесіне арналған Тәуелсіздік құрдастары атты кездесу кешіне қош келдіңіздер.
Тәуелсізбін!
Тәуелсізбін мен бүгін.
Келді, міне, азаттығым, теңдігім
Тәуелсізбін-
Өзіме өзім құдаймын
Тәуелсізбін-
Нұрлы-сынды Күн,Айдың
Құласам да емін-еркін құлаймын,
Жыласам да емін-еркін жылаймын
Тәуелсізбін!
Тәуелсізбін мен бүгін
Еліміз тәуелсіздік алғалы аттай шауып 25 жыл өте шықты.Қазақстан егемендік алған жылы дүниеге келген сәбилер, бұл күнде ат жалын тартып мініп, өмірге араласты.Егемен елмен бірге бой түзеді.Олар тәуелсіздігімізді алып, жалпақ жұртқа сауын айтқан жылы өмірге келді. Ендеше барлығымыз орнымыздан тұрып тәуелсіздік жылдары дүниеге келген тәуелсіздіктің төл құрдастарын қошеметтеп қарсы алайық.
1-жүргізуші:Мерекелік лебізін білдіру үшін сөз кезегін мектеп директорына береміз.
2-жүргізуші:Олар Қазақстан Республикасы деп аталатын үлкен отбасы дербес шаңырағын көтеріп, уығын тіктеп, ұлтымыз ұлан-асыр той жасап жатқанда, еліміздің түкпір-түкпіріндегі мыңдаған үйде шілдехана жасап,қазан көтеруге себепші болды.Олар атамекенімізде-ақ түйенің қарны жарылып, ақсарбас шалған уақытта, еліміздің әнұранын, елтаңбасын, мемлекеттік туын айқындап,күллі дүниеге қазақ елін паш еткен мезгілде бесікке бөленіп,анасының әлдиін тыңдады.Олар тілімізбен бірге қаз-қаз басты, сүрінсе, қайта тұрып алға ұмтылуды үйренді, азат елдің мектебінің табалдырығын аттап, білім қуды.
1-жүргізуші:Егемен мемлекеттің оқу орындарында білімдерін ұштады.Олар тәуелсіз республиканың-өзінің төл құрдасының түкпір-түкпірін көркейту үшін білектерін сыбанып қойып қызмет жасауға кірісіп те кетті. Тәуелсіздіктің төл құрдастары биыл 25 жасқа толды.
2-жүргізуші: Ән Егемен Қазақстан
1-жүргізуші:
16-желтоқсан Тәуелсіздік алған күн,
Ерекше боп мәңгілік
Ел жадында қалған күн.
Жасай берсін ұлы күн,
Үміті боп елінің.
2-жүргізуші
Жарқырап атар таңы бар,
Жарқылдап айтар әні бар.
Әні бар, теңіз дәні бар,
Айналдым сенен Отаным!
1-жүргізуші:
Мен-қазақпын мың өліп, мың тірілген,
Жөргегімде таныстым мұң тілімен.
Жылағанда жүрегім күн тұтылып,
Қуанғанда күлкімнен түн түрілген.
2-жүргізуші: күй Тың толғауы

1-жүргізуші:
Тәуелсіз елдің ұлы өжет,Қызы – қайратты,Халқы – қаһарман.Тәуелсіздікті анаңдай ардақта,Баландай мәпеле,Құдайдай құрметте!Тәуелсіздік үшін ,
Қаныңды да,Жаныңды да аяма!
2-жүргізуші:Елбасымыз Нұрсұлтан Назарбаев жастар қанатының ІІ сьезінде сөйлеген сөзінде: Тәуелсіз Қазақстанның жастары, нақ сендер елдің ең басты байлығы болып табылатындарынды және біздің Отанымыздың болашағы сендерге байланысты екенін естен шығармаңдар! Жастар –ел тұтқасын ұстар болашағымыз деген болатын ендеше бізге жүрек жарды сырларымен бөлісуге келген тәуелсіздіктің төл құрдастарына сөз кезегін береміз.
Балалық шақтарыңыз қалай өтті, мектеп қабырғасында жүрген кездегі есте қалған қызықты сәттеріңізді айтып ой бөлісіп отырсаңыздар.
2-жүргізуші:
Тәуелсіздік бабалардың ұраныБейуақытта бойға таққан тұмарыТәуелсіздік – жүректерде тұншығыпЫзғар ұрып, жанбай қалған шырағы!Құтты болсын тәуелсіздік мейрамы,
Ол әркімге еркін өмір сыйлады.
1-жүргізуші:
Армандарды жақындатып тым алыс,Біздің жаққа жеткен екен жылы ағыс.Егемендік - ел бақыты, ертеңі,О, халайық! Құтты болсын қуаныш!
2-жүргізуші: Бүгінгі кездесу кешіне қонаққа келіп отырған тәуелсіздіктің төл құрдастарын ортаға шақырамыз.Сіздермен Ой мен ойын деп аталатын ойын ойнатылады.
1-жүргізуші:
Пай,пай,пай!Киелі неткен жер!Батырлар дүрілдеп өткен жер,Тұлпарлар дүбірлеп төккен тер.Ғашықтар бір-бірін өпкен жер,Сарылып сал-сері кеткен жер.Бас иіп, иіскеп топырағынТағзым жасамай өтпеңдер – деп ақиық ақын Мұқағали ақынымыз жырлағандай келесі кезекті Тәуелсіздігіміздің 25 жылдығына арнаған Қалқаман Сариннің Тәуелсіздік өлеңі.
2-жүргізуші:
Кең байтақ, көз жетпейтін жерім менің
Таулы орман, жасыл жайлау көлім меніңБүгінде бар әлемге даңқың жеттіТәуелсіз Қазақстан – елім менің.
1-жүргізуші:
Атыңнан айналайын Егеменді ел
Тәуелсіз күнің туды кенеле бер
Мерекең құтты болсын, Тәуелсіздік
Ғасырдың тойы болшы келе берер
Биікте желбірсін , туың көктеӘкелсін арайлы таң болашағын.
2-жүргізуші:
Тәуелсіз қазағымның таңы аттыАлу мақсат ел деп алғыс, сауаптыӘр отбасы , әрбір қазақ, әр адамТәуелсіздікті сақтау үшін жауапты.
1-жүргізуші:
Тәуелсіздік тұғыры ғой бұл елдіңТәуелсіздік құтты болсын, нұр елімОсы жылда шықтық талай белескеҚазақстан жасай берші, гүл елім
2-жүргізуші:Флешмоб Жаса Қазақстан.
1-жүргізуші:
Қазақстан –туған Отан , алтын бақҰлы жолға түсті келіп жарқылдапҚазақстан- біздің туған ұлы ОтанЖайнай бер, жайнай бер сен мәңгілік.
2-жүргізуші: Бүгінгі Тәуелсіздік құрдастары атты кездесу кешіне келген тәуелсіздіктің төл құрдастары өз өнерлерін көрсетеді.
1-жүргізуші:Тәуелсіздік құрдастарына бүгінгі кешімізден ескерткіш сыйлықтарды табыстауға рұқсат етіңіздер.
2-жүргізуші: Бүгінгі кешіміздің қонақтарынан өздерінің жүрек жарды ізгі тілектерін жазып қалдыруын сұраймыз.
1-жүргізуші:Тәуелсіздіктің құрдастары-ешқашан мызғымайтын, жыл өткен сайын нығайып, беки түсетін Мәңгілік Тәуелсіздіктің иесі.Тәуелсіздік толғауы ұрпақтың жадында жаңғырып,тәуелсіздік рухы әрбір қазақстан азаматының жүрегінде тербелсін!
Мәңгілік Еліміздің мәртебесі биік болсын!
Азаттық рухы асқақ болсын!
Көк байрағымыз көгімізде желбірей берсін!
Қазақстанның жұлдызы жоғары, жолы нұрлы болсын!
2-жүргізуші: Ән: Атамекен
Кітапханашы:Қазақстан әлі жас мемлекет. Солай бола тұрса да 25 жылда біраз жақсылыққа куә болып үлгердік. Әліде асар асуымыз, алар белесіміз алда. Елімізде бейбітшілік, тыныштық болып, егеменді еліміздің көк байрағы биікте желбірей берсін! Егеменді елдің болашағы – сіздерсіздер! Сіздерге зор денсаулық, көңілдеріңе шаттық тілей отырып, атар әрбір таңдарың арайлы да шуақты болсын, күннің нұры сәулесін мол төксін, Тәуелсіздігіміз мәңгі болғай деген тілекпен бүгінгі Тәуелсіздік құрдастары атты кездесу кешін аяқтаймыз.Кешке келген баршаңызға рахмет айтамыз.Сау болыңыздар!