"Кім күшті "ертегісі

Тақырыбы : "Кім күшті?"

Мақсаты :  Балаларға ертегіні оқып беріп , мағынасын түсіндіру . Балалардың сөйлеу тілін жетілдіру , сөздігін байыту , жалпы ой-өрісін дамыту , байқағыштыққа тәрбиелеу .                                          

Көрнекілігі : Ертегі кейіпкерлерінің суреттері .

Биллингвальды сыңары  : Құмырсқа - муравей

Кіріспе бөлім

Балаларды шаттық шеңберіне тұрғызу.

Бақшаға біз барамыз ,

Қарбыз үзіп аламыз .

Жаз қызығы керемет

Түзде асыр саламыз .

Негізгі бөлім

Балалар бүгін мен сендерге "Кім күшті?" деген ертегіні оқып беремін .

Ерте , ерте , ерте екен ,

Ешкі жүні бөрте екен ,

Қырғауылы қызыл екен ,

Құйрық жүні ұзын екен .

Қырғауылы қырқылдап,

Жалтыр мұзға сыртылдап ,

Алшая келіп қоныпты .

Шаты айырылып қалыпты .

Қисая жатып қырғауыл

Сонда мұздан сұрапты :

- Мұз-ау , мұз , сен неден күшті болдың ?

- Мен күшті болсам , бауырымды жаңбырға тестірмес едім .

- Жаңбыр - жаңбыр , сен неден күшті болдың ?

- Мен күшті болсам , жерге жұтқызар ма едім .

- Жер-жер , сен неден күшті болдың ?

- Мен күшті болсам , көк шөпке бауырымды жардырмас едім .

- Көк шөп , көк шөп , сен неден күшті болдың ?

- Мен күшті болсам , көк тоқты мойнымнан жұлқымас еді .

- Көк тоқты , көк тоқты , сен неден күшті болдың ?

- Мен күшті болсам , көк шұнаққа(қасқыр) құйрығымды жұлқытпас едім .

- Қасқыр , қасқыр , сен неден күшті болдың ?

- Мен күшті болсам , көк мылтыққақоңымды ойдырмас едім .

- Көк мылтық , көк мылтық , сен неден күшті болдың ?

- Мен күшті болсам , қоңыр шолақ тышқанға білтемді қидырмас едім .

- Тышқан , тышқан , сен неден күшті болдың ?

- Мен күшті болсам , құмырсқаға ен салдырмас едім .

- Құмырсқа , құмырсқа , сен неден күшті болдың ?

Сонда құмырсқа тұрып :

- Алты батпан ауырды арқалаған күштімін , жеті батпан ауырды желкелеген күштімін , - деген екен .

Ертегі  мағынасын сұрақ - жауаптар қою арқылы түсіндіру . Суреттерді пайдаланып әңгіме құрату .

Сергіту сәті .

Күндей болып күлеміз ,

Гүлдей болып өсеміз .

Құстай болып ұшамыз ,

Көбелектей қонамыз .

Ертегі кейіпкерлерімен кеңінен танысу .

Қорытынды бөлім

"Кім жылдам?" ойынын ойнатып оқу қызметін қорыту .

Белсенді қатысқан балаларды мақтап , мадақтау .

Күтілетін нәтиже

Қайталай алады : Ертегінің мазмұнын қайталап айта алады .

Түсінеді : Жағымды , жағымсыз қасиеттерін түсінеді .

Қолданады :Тәрбиеші қойған сұрақтарға жауап бере алады .