Кім тапқыр?

Нысанова Алия Сеитовна
Өскемен қаласы әкімдігінің
«№ 27 орта мектебі» КММ

Өскемен қаласы

Шығыс Қазақстан облысы

Қызықты математика

Сабақтың тақырыбы: Кім тапқыр?

Мақсаты: Ауызша, жазбаша есептеу дағдыларын жетілдіру мақсатында ұлттық ойындарды пайдалана отырып туған елін, жерін сүйетін, дәстүрін дәріптейтін, парасатты тұлға тәрбиелеу.

Сабақ барысы:

1. Ұйымдастыру кезеңі; Психологиялық дайындық.

Күн жарығын алақанға саламын.

Жүрегіме басып ұстай қаламын.

Ізгі әрі нәзік, жарық, мейрімді,

Болып кетер сонда дереу жан-жағым.

2. Үй тапсырмасын тексеру.

А. Ребусты шешу.

3. Ой қозғау.

А. Сандарды дұрыс оқы 14689, 24681, 45608

Б. «Қыздарға сәукеле кигіз» қай қыз қандай сәукеле киеді?

Осы киімді қайда киеді?

Ендеше алдымызда наурыз мерекесі келе жатыр. Осы тойға әзірлік жасайық. Қазақтың салт-дәстүрлерін еске түсіріп, ұлттық ойындар ойнайық.

4. Жаңа сабақ «Ойын есептер»

«Ақ сүйек ойыны» әр топка 3 сұрақтан беріледі

А. Қазақша ұзындық өлшемдері қалай аталады?

Б. Бір үйдің 4 аты бар еді екі әке, екі ұл 1 аттан мінгенде 1 ат артық қалды. Бұл қалай?

В. Тұз артылған есекпен мақта артылған ат өзеннен жүзіп өтті. Есек судан шығысымен ойнақтап жүгіріп кетті, ал ат болса төрт тағандап жатып қалды. Неліктен екен?

Г. Көктемнің келгенін білдіретін құстар?

Д. 21 ғасырдағы қай жыл оңнан солға, солдан оңға қарай оқысаңда бірдей сан болады. Ол қай жыл?

Е . Сыныптағы су краны дұрыс жабылмаса, 10 минутта 1 л мсу ағады. Осындай краннан бір сағатта неше литр су ағады?

5. Арқан тарту

1 топ___________________________2 топ

Үш өңірде 11898 көл бар Көкшетау өңірінде 1896 көл, Солтүстік Қазақстан өңірінде одан 356 көл артық, қалғаны Қостанай өңірінде. Қостанай өңірінде неше көл бар?

6. А. Ақсерек пен көксерек ойыны

Мына кестеден өзгеше қатарды тап

100	95	90	85	80
80	70	60	50	40
80	75	70	65	60
60	55	50	45	40

Б. Мен бір сан ойладым, одан 40 ты шегерді. Нәтижесіне 2000 қостым сөйтіп 3250 саны шықты. Мен ойлаған сан қандай сан?

7. Тақия тастамақ. Аспаймын, саспаймын, біріңнін тұсыңа келгенде тақия тастаймын.

А. Жұмбақтың шешімін тап

Егіз қайың

Бой бастары тең екен

Іске дайын бұтақтары бес-бестен ( )

Б. Жоқ өзінде баста,

Қас та,

Мойында

Ұзындығы жазулы тұр бойында ( )

В. Айқасқан екі таяқ

Тұрады жоқты сұрап

Г. Алпыс төрт тең бөлмеде

Отыз екі тұрғын бар:

Ақ, қара қып бөлгенде

Бірін бірі қуғандар.

Ханы үшін де, жаны үшін де

Бермейді олар намысын

8. Қорытындылау:

А. Теңге алу ойыны.

А	10	20	30	40	50	60
А*100-187

4813

2813

5813

3813

1813

813

Б. Бүгінгі сабақ балалар сендерге ұнады ма? Өзің осы таудық қай жерінде жүрдің? Етегінде ма? Ортасында ма? Биік шыңына жеттң бе?

(қай жерде жүргеніңді, өзіңнің қолыңдағңы бәйшешек гүлін орналастыру арқылы білдір)

Г. Сабаққа белсенді қатысқан оқушылар мадақталады.

Д. Үйге тапсырма сөз жұмбақ құрастыру.