Кінә сезімімен өмір сүру – ішкі еркіндікті шектеу

Кейде біз өзімізді бәрі үшін кінәлі сезінеміз: біреудің көңілін қалдырсақ, “артық” сөйлеп қойсақ, тіпті өзімізге көңіл бөлсек те өзімізді жазғырып жүреміз. Кінә сезімі – адамға тәрбие, жауапкершілік беруі мүмкін, бірақ ол шамадан тыс болса – ішкі еркіндігімізді бұғаулайды.

Психологияда созылмалы кінә – адамның өз құқығы мен қалауын шетке ысырып, басқалардың көңіліне ғана қарап өмір сүруіне әкелетін механизм. Мұндай адам үнемі кешірім сұрап жүреді, тіпті өзіне демалуға да рұқсат бере алмайды.

Кінәдан арылу үшін алдымен сұрақ қою керек: “Мен не үшін өзімді кінәлі сезініп жүрмін? Бұл расында менің жауапкершілігім бе?” Әркім өз сезімі мен шешіміне өзі жауапты. Сен де солай. Өзіңнің өміріңе иелік ету үшін – қажет емес кінәні қоя біл.