Кітап - асыл қазына

Кітап асыл қазына

Мақсаты:оқушыларға білімнің кітап арқылы берілетінін ұғындыру; зейінін шоғырландыру,шығармашылық қабілетін, ой-өрісін дамыту,кітаптың адам өміріндегі маңызы,ғылым мен білімнің пайдасы жайлы түсіндіру,оқулықты құрметтей білуге,ұқыптылыққа,адамгершілікке тәрбиелеу.

Барысы.

Жұмбақ шешу.

Көп әңгімем,өлеңім,

Күнде ақыл беремін.

Жақсы көрсе мені кім,

Мен де оны жақсы көремін .

(Кітап)

Кітап туралы өлеңдер

1.Сауатымды ашатын

Кітап – білім бұлағы.

Нұрын бізге шашатын

Ол – өмірдің шырағы.

2.Бөбектерім,оқы,ойна,

Оқу – білім саған пайда.

Кітабыңнын шетін жыртып,

Сияменен бояп қойма.

3.Әліппеде тізілген

Қырық екі әріп бар.

Тізілген сол ізімен

Өз кезінде танып қал.

4.Әлліппені біткенде

Кітапқа басқа көшесің.

Тез оқуға жеткенде

Білімді болып өсесің.

5.Кел,балалар,келіңдер,

«Оқулықты»көріңдер.

Қане қарап шығыңдар,

Сурет сырын ұғыңдар.

Білім бар да,оқу бар,

Оқығанды тоқыңдар.

Мағынаны тану:Қазақстан азаматтары білімді,мәдениетті,өнерлі болуы керек.Терең білім,ғылым жаңалықтарын,өткен тарихымызды, өнерімізді білу үшін кітапты көп оқу керек. Кітап қағазы ағаштан жасалады. Ағаш – табиғат байлығы.Кітап жасау үшін көптеген маман иелері тынымсыз еңбек етеді.Нұрсұлтан Назарбаев еліміздің барлық балаларының оқып білім алуына,оларды оқулықтармен қамтамасыз етуге көп көңіл бөлуде.

Біздің елімізде бірде – бір бала мектептен тыс қалмайды.Жалпығы бірдей білім беру туралы «Білім туралы заң» қабылданды.

Оқулықты бүктеп,жыртып бүлдіруге болмайды.Әр кітап-Отан байлығы,аға-апаларымыз бен әже-аталарымыздың маңдай тері.Кітап жаман әдеттерден аулақ болуға үндейді.Ол елді,жерді сүюге,талапты,кішіпейіл болуға, мейірімділікке,төзімділікке баулиды.Одан ақыл- кеңес,тәлім-тәрбие, үлгі – өнеге аламыз. Кітап – біздің рухани жан азығымыз.

Даналық сөз

Артық білім кітапта,

Ерінбей оқып көруге.

Абай.

Кітап маған тақтан да қымбат.

У.Шекспир

Есіңе сақта!

1.Кітапты ұқыпты,таза ұстау керек.Өздеріңнен кейін оны көптеген балалр оқитынын есіңнен шығарма.

2.Кітапты төсекте жатып,ас ішікте жатып,ас ішіп отырып оқыма,кітап оқу ой еңбегін қажет етеді.Кітапты қалай болса солай оқыма.

3.Кітапты сызуға,жыртуға болмайды.

4.Кітапханада шулауға болмайды,өйткені басқаларға кедергі келтіресін.

Аққайың орта мектебі

Тәрбие сағаты

Тақырыбы: Кітап асыл қазына

8- сынып

Өткізген: Көбесінова Гүлім Алдабергенқызы

2016 оқу жылы