Кітап – рухани байлығымыз

Кітап – рухани байлығымыз

Адамды үнемі қолдап, түзу жолға салатын, кейде ,тірті, жылытып та алатын шын досы барын ұмытпаған ләзім. Ол жанды болмаса да, рухани байлығы шексіз құнды қазына-кітап. Алайда, оған деген сұраныстың азайып, қоғамдағы айрықша рөлінің жоғалуы, жастардың оқуға деген ынтасының төмендеуі соңғы онжылдықта бүкіл әлем бойынша байқалып отырған құбылыс.

Қазақстан республикасының Тұңғыш Призиденті Нұрсұлтан Назарбаев «Болашаққа бағдар рухани жаңғыру» атты мақаласында гуманитарлық білімнің барлық бағыттары бойынша әлемдегі ең үздік 100 оқулықты қазақ тіліне аударып, жастарға дүние жүзіндегі таңдаулы үлгілердің негізінде білім алуға мүмкіндік жасалатындығын атап өтті. Осыған орай 2013 жылдан бастап, еліміздегі назарбаев зияткерлік мектептерінде «100 кітап» жобасы бастау алды. Оқушыларға осы жоба арқылы мектеп бітіргенше қазақ тілінде – 60, орыс – тілінде – 20, ағылшын тілінде 20 кітап оқып, оларға талдау жасайды. Аталмыш жоба қарсаңында Әулиекөл бастауыш мектеп жанындағы интернатта 2 жыл үздіксіз «Жетістік сапары» атты бастама көтеріліп, жүзеге асуда. Басты мақсаты – интернат тәрбиеленушілерінің функционалдық сауаттылығын қалыптастыру және креативті дағдыларын дамыту. Яғни, интернатта тәрбиеленушілердің бос уақыттарын тиімді пайдалану үшін жоба жетекшілері мен аудандық кітапханасы түрлі әдістерді қолдана отырып, жастарды кітап оқуға баулып, қызығушылықтарын арттыруды көздейді. Соның ішінде «Оқы және ойна» шарасы жылдағы дәстүрімізге айналғанын айта кеткен жөн. «Жетістік сапары» жобасына қатысатын тәрбиеленушілердің қабілеттері жан-жақты ашылып, ойларын еркін жеткізе алатын дәрежеге жетті. Бұл өте қуантарлық жайт. Үш тілді қамтитын жоба нәтижесі бұнымен шектелмей, ары қарай дами түседі деген ойдамыз.

«Әулиекөл ауданының білім бөлімі» ММ

Әулиекөл бастауыш мектеп жанындағы

интернат тәрбиешісі

Султанова Мирамкуль Жанбырбаевна