КІТАП ОҚУДЫҢ МАҢЫЗЫ

Кіріспе

Қазіргі таңда көптеген оқушының бос уақыты телефон мен әлеуметтік желіде өтіп жатыр. Ал кітап оқу артқа шегінген сияқты. Бұл мәселе мені ойландырды: кітап оқу шынымен қажет пе?

Негізгі бөлім

Зерттеулерге қарағанда, кітап оқу мидың жұмысын жақсартады, сөздік қорды арттырады және ойлау қабілетін дамытады. Кітап оқыған адам өз ойын анық жеткізе алады, емлесі де жақсы болады.

Сонымен қатар кітап — адамды тыныштандыратын құрал. Стресс кезінде кітап оқу көңілді сабырға келтіреді. Мысалы, мен «Абай жолы» романын оқығанда қазақ халқының тарихын терең түсіндім.

Әрине, кейбіреулер «қазір бәрі интернетте бар» деп айтады. Бұл рас, бірақ интернеттегі ақпарат шашыраңқы, ал кітап жүйелі білім береді.

Қорытынды

Менің ойымша, кітап оқу — әр оқушының міндеті. Кітап адамды ақылды, мәдениетті және саналы етеді. Сондықтан күніне 20-30 минут болса да кітап оқуға уақыт бөлу керек.

Автор: Оңғар Айшат

Сыныбы: 11