Кітап оқыған жанның ойы биік

Кітап оқыған жанның ойы биік

Кітап - бұл тек қағаздағы сөздер емес, адамның жан дүниесінің айнасы, ой-санасының қанаты.
Кітап оқыған адам әлемді терең түсінеді, өмірге әрқашан кең көзқараспен қарайды.
3-сыныптан бастап әдебиет әлеміне еніп, Абайдың өлеңдерін жаттап өстім.
Оның ойшылдығы мен даналығы менің жүрегімде мәңгілік орын алды.
Кейінірек Мағжан мен Мұқағалиды жаттап, сөздің күші мен сұлулығын түсіне бастадым.

Бүгінгі жастардың бойында кітапқа деген қызығушылық азайып бара жатқаны өкінішті.
Дегенмен, кітап - рухты биіктететін, ойды шыңдайтын ең сенімді дос.
Кітап оқыған жан ешқашан жалғыз қалмайды, себебі әр кейіпкер, әр әңгіме оның ой әлемін кеңейтеді, жүрегіне үміт ұялатады.

Ең алғаш оқыған кітабым - Сайын Мұратбековтың Жабайы алма шығармасы еді.
Сол кітаптағы кейіпкерлердің өмірге деген құштарлығы, сезімдерінің шынайылығы мені қатты әсерлендірді.
Мен тәулік бойы шығарманың ішіне еніп кететінмін, кітаптың әр беті мен үшін жаңа өмірге бастар жол сияқты болды.
Сол кезден бастап мен кітапханаға тұрақты оқырман болдым.
Анау мынау деп бөлмей, әр кітапты досындай сыйлап, әр оқиғаның мәнін ой елегінен өткізіп оқыдым.

Қазіргі кезде мен жүзден астам шығарманы оқып шықтым.
Кітап - жай оқитын нәрсе емес, ол өмірді тану мен ойдың биігіне бастар құрал.
Кітапсыз өмірді елестету мүмкін емес сияқты: әр шығарма мен үшін жаңа әлем ашты, әр кейіпкер - жаңа достым болды.
Осы себепті мен әрқашан айтамын: кітап - тек оқу емес, ол жанға рух, ойға қанат береді.

Әдебиет мен үшін тек сүйікті хобби емес, өмірімнің тұғыры, рухани азығы.
Кітап оқыған жанның ойы биік, жүрегі бай, болашағы жарқын болады.
Сол үшін мен әр кітапты жаныммен сезініп, әр шығарманың сырына бойлаймын.