«Кітап-тарих шежіре»

23 сәуір Дүниежүзілік кітап және авторлық құқық күніне байланысты оқырмандардың әдеби шығармаларды оқуға деген қызығушылықтарын арттыру, кітаптың құндылығын насихаттау мақсатында «Ізгілікті істер» жәрмеңкесінің аясында Ә.Молдағұлова атындағы №173 орта мектебінде «Кітап-тарих шежіре» атты ашық тәрбиелік іс –шара болып өтті.

Кітап адам баласының сан ғасырлық ақыл-ойның жемісі, тарихы мен тағлымының алтын сандығы. Кітап – ғылым, білім жемісін халық арасына жаюшы, таратушы. Кітап ақылдың кені. Кітап – барлық заманда да білім қазынасының ғажайып қоймасы.

Шара барысында 7 «Г» сынып оқушыларымен сынып жетекшісі Калымбетова Сауле және мектеп психологтары, тәлімгер, мұғалімдер қатысып, оқушылар кітаптың шығу тарихы, қағаз туралы түсініктер, кітап туралы толғауларын, сонымен қатар бүгінгі іс-шарамыздың кейіпкері- кітап екендігін, ол- бүкіл адамзаттың ұстазы екендігін жақсы ойлар, пайдалы пікірлерін оқушылар айта білді. Әлемдегі қызықтың барлығын, табиғат ғажайыптарын, жаратылыс қырларын, тарих шежіресін біз кітаптан ғана табады екенбіз. Шарада кітапханашы Досымова Қалдыгүл апай оқушыларға кітап туралы сұрақ-жауап ойыны ойнатылып оқушылар белсене қатысып, жақсы жауаптарын берді. Оқушылар кітап туралы тақпақ, өлеңдер оқып кітап оқуға деген қызығушылықтарын арттыра білді. Шара соңында мектеп кітапхана меңгерушісі Омарова Ләззат қорытындылап, оқушыларға әрқашан кітап оқуға бар ынталарын салып, білімнің кітап арқылы берілетінін ұғындырып оны оқу арқылы үлгі өнеге, тәлім-тәрбие алуға, кітапты ұқыпты, таза ұстауға шақырып өз лебізін білдірді.

Ләззат Омарова

Ә.Молдағұлова атындағы №173 орта мектеп кітапхана меңгерушісі