Кітапхана және
оқырман
«Ақылына ақы сұрамайтын алтын
қазына»
Ә.Науаи
Кітапхана – мәдени орта.
Кітапхана рухани азық алатын, мәдени тынығатын орта. Өмірдің өзін
мен кітапқа теңер едім. Себебі, біздің әрбір өтіп жатқан күндеріміз
ол кітаптың бір беті секілді. Екінші бетке өту үшін, бүгінгі күнің
аяқталуы тиіс. Қазіргі заман талабы білімді ұрпақ. Ал сол білімді
біз, кітаптан аларымыз анық. Тарихымызды, ұлы ағартушы,
даналарымыздың жүріп өткен жолдары мен еңбектерінің барлығын кітап
беттерін парақтау арқылы білеріміз анық. Кітап ол біздің баға
жетпес қазынамыз.
Заманымыздың заманауи бағыты ол инетернеттің шарықтау шегінің
жылдамдығын меңзейді. Осы орайда, қазіргі өскелең ұрпақ көбіне сол
әлеуметтік желілерге бас сұғатыны көкейімізді қынжылтады. Себебі,
кітаптан гөрі интернет тез арада қол жетімдірек. Десек те, кітаптың
орны бөлек. Онда, кез-келген мәліметтің нақтылығын білеміз және
шынайы деректерге қол жеткізе аламыз. Ал, әлеуметтік желі арқылы
жастарымыз дәл кітапқа енген мәліметтерді толықтай меңгере
алмайтындығы негіз бола алады.
Көпке топырақ шашудан аулақпыз. Кітапханадағы оқырман саны
жылдан-жылға өсіп келеді. Кітапхана мен оқырман арасындағы
қарым-қатынасты нығайту үшін, кітапқа деген қызығушылықтарын
арттыру мақсатында кітапханашылар түрлі бағытта іс-шаралар
ұйымдастырып, сол шараға оқырмандарды баулып, дарынды балалармен
ары қарай өнерлерін дамытуға қолдау жасайды.
Мемлекет басшысы Қасым Жомарт Тоқаев 2021 жылды «Балалар әдебиеті
жылы» деп жариялаған болатын. Мұндағы басты мақсат білімге құштар
жас ұрпақ тәрбиелеуде. Міне, осыған орай кез-келген білім
ордасында, осы кезекте кітапханалардың барлығы дерлік, үлкен
көлемде іс-шаралар және осы бағытта жаңа жобалар ашып, жаңа идеялар
бастап, жұмыс жасады.
Және Тәуелсіздігіміздің 30 жылдық мерейтойы жас ұрпақтың білімдерін
шыңдауға, алға қарай білім жетілдіруге айқын түрде мақсат етіліп
қойылды. Міне, 2021 жыл халық үшін рухани дамитын, шыңдалатын өте
керемет жыл болды санаймын. Көптеген жастардың қабілеттері ұшталып,
дарынды балалардың қатары көбейді деген
ниеттемін.
Біз кітап арқылы білімге ғана
жол ашпаймыз, жаңа идеяларға кілт табамыз, рухани және материалдық
құндылықтарға қол жеткіземіз, сұлулықты түсінеміз.
Оқырмандарды кітап оқуға деген қызығушылығын арттыруға біз
әрқашанда жұмыс жасайтын боламыз. Кітап – өмір ұстазы. Сондықтан,
жастар кітап оқуды күнделікті әдет қылуы тиіс. Кітап оқымай өмірді
білу, білім алу мүмкін емес. С.
Қожамқұлов.