«Кітапханаға» саяхат

«Кітапханаға» саяхат

Мақсаты: Балалардың ой өрістерін, есте сақтау қабілеттерін дамыта отырып, олардың кітапқа деген қызығушылығын арттыру, оқулықтарын күтіп ұстауға тәрбиелеу.

«Балапан» ересек тобы қазанның 6-да мектеп ішіндегі кітапханаға саяхат жасады.

Балаларға кітапхана жайлы бірнеше сұрақ қойылды.

1. Біздің мектеп кітапханасында кім жұмыс істейді?

2. Ол кісі сендерге не береді, қандай кітаптарды береді?

3. Сендер қандай ертегі кітаптарды білесіңдер? т.б

Балалар сұрақтарға толық жауап беріп, білетін ертегілерін айтты.

Кітапханашы Әния апай мен танысып, қызықты ертегі кітаптарын көрді.

Кітапханашы:

Білесің бе, кітап білім ұясын,

Оқып оны өмірге азық жиясың,

Оқып- біліп, зерттеп кіріп санаға

Терең білім, ой маржанын құясың. Кітап-рухани азық. Кітап адамның дүниетанымын кеңейтеді. Біз кітаппен күн сайын кездесеміз. Ертегі, әңгімелер мен сыр шертетін кітаптар біздің ең жақын ақылшымыз.

Кітапханашы: Кітапты шығару үшін көптеген адамдар еңбек етеді. Біз оны қалай ұстауымыз қажет?

Кітапты жыртпай кірлетпей , бүлдірмей таза ұстап, оқыған кезде мәнерлеп оқу керек.

Алғаш қазақ даласында мектеп ашқан, қазақ балаларына арнап

«Әліппе» жазған Ахмет Байтұрсынов атамыз. Ахмет Байтұрсынұлының балаларға арнап жазған өлеңдері өте көп. Ол өлеңдерді жоғары сыныптарда оқитын боламыз . Ал қазір мен сендерді кітапханадағы ең үздік кітап көрмелерімен таныстырып өтейін дей отырып «Елбасы мұраты ел бақыты- Гүлденген Қазақстан» және «Ертегіер елінде» атты кітап көрмелерімен таныстырды.

Балалар «Шалқан» ертегісін рөлге кіріп, сомдап шықты. 

Балаларға кітапты көрсете отырып, таза әрі ұқыпты, жыртпай ұстауға кеңес берді.