Күні: 19.11.2024ж.

Мақсаты: Оқушыларды білімділікке үйрету, кітапқа деген қызығушылығын ояту, кітап оқуға құмарландыру.

Құрметті ұстаздар және оқушылар! Бүгінгі 8- сынып оқушылары арасында өткізгелі отырған «Кітап сенің – құралың, жағар білім шырағың» атты кітапқұмарлар чемпионатына қош келдіңіздер!

Халқымыз өнер мен білімді қадірлеген. Бүгінгі таңда барлық адамзат алдында тұрған басты мақсат - ұрпақ тәрбиелеу. Ал ұрпақ білімді қайдан алады? Әрине, кітаптан. Кітапхана-білімнің күн шуағы десек, «Ізденсем, білсем» деген балаға кітапхананың есігі әрқашан да ашық. Ата-бабамыз кітапты ерекше ақылшы, ұстаз санаған. «Кітап-білім бұлағы, Білім-өмір шырағы» деген қанатты сөз қалдырған. «Артық білім кітапта, ерінбей оқып көруге» деп Абай Құнанбайұлы айтпақшы адам баласы үшін кітап – тілсіз тәрбиеші. Кітап адам баласына бала кезінен бастап өмірінің соңына дейін сырлас дос бола алады.

Сайысымыздың атынан белгілі болып тұрғандай, қай оқушы кітапханамен жақсы қарым-қатынас жасайды, кім көп кітап оқығаны, кітап оқу арқылы кімнің білімі мен білігі артық екенін бірге анықтайық.Әділқазы мүшелерін сайлау.

Чемпионат шарттары:

1. «Әдебиетпен әлемді танимын» - 5 мин

(Алдын ала берілген көркем шығарманы насихаттау-мазмұны, шынайылығы, тиімділігі, көркемділігі, нақтылығы, оқушының ойын жеткізе алуы, жаңашылдығы)

8 «А» - «Бақытсыз Жамал» романынан үзінді

8 «Ә» - «Күй аңызы» әңгімесі

8 «Б» - «Ұшқан ұя» әңгімесі

8 «В» - «Аққулар ұйықтағанда» поэмасы

Сергіту сәті.«Мақал-сөздің мәйегі»  дегендей, мақалдың екінші бөлігін тауып көрейік.

1.    Оқусыз білім жоқ
       Білімсіз................ (күнің жоқ)

2.    Тіліңмен жүгірме,
       Біліммен................ (жүгір)

3.     Ғылым - теңіз,
        Білім -.............. (қайық)

4.     Күш - білімде,
        Білім -  ......... (кітапта)

5.    Білекті бірді жығады,
       Білімді ................ (мыңды жығады)

6.    Оқу-білім бұлағы
       Білім ................ (өмір шырағы)

7.    Оқу - білім азығы,
       Білім -................ (ырыс қазығы)

8.    Кітап- ғылым,
       Тілсіз................ (мұғалім)

9.    Ақыл тозбайтын тон,
       Білім................ (таусылмайтын кен)

10.  Білім арзан,
      Білу............ (қымбат)

2. «Кітап оқы, ойға тоқы» -5 мин

Бұл кезеңде топ мүшелері берілген тақырып бойынша кітап оқудың пайдасын, тақырыптың жаңашылдығын, тиімділігін, қолжетімділігін, мазмұнын, ерекшелігін слайд арқылы қорғайды.

8 «А» сынып – Кітапты тиімді оқу туралы кеңес

8 «Ә» сынып – Кітап оқу кезінде не істеуге болмайды?

8 «Б» сынып – кітап пен интернетті салыстыру

8 «В» сынып – Кітап оқуды әдетке айналдырудың тәсілдері

3. Көрініс қою. Кітаптың телефоннан, теледидардан, компьютерден артық екенін көрініс арқылы көрсету.

Осымен сайысымыз өз мәресіне жетті. Сөз кезегін әділқазы мүшелеріне береміз. Әділқазылар алқасы топтардың жұмысын сараптап болғанша, сергіту сәтін жасайық.

Сергіту сәті. Әр топ берілген сұрақтарға өзіне берілген әріптен ғана басталатын сөздермен жауап беру керек.

«А»  дыбысы                                             «Б» дыбысы

Қала-                                                          Ұлттық тағам-

Өзен-                                                          Ат жарысы-

Ақын-                                                          Әнші-

Сәндік бұйым-                                             Батыр-

Хан-                                                            Сәндік бұйым-

«С»  дыбысы                                             «К» дыбысы

Қала-                                                          Ұлттық тағам-

Өзен-                                                          Ұлттық ойын-

Ақын-                                                          Әнші-

Сәндік бұйым-                                             Батыр-

Хан-                                                            Сәндік бұйым-

Жеңімпаз сыныпты марапаттау.

Кітап - адам баласының ақыл-ойынан туған байлықты сақтап, оны ұрпақтан-ұрпаққа жеткізіп отыратын, білім және тәрбие беретін құрал.

     Кітап - сенің ақылшың, досың, сырласың.Ең алғаш дүниеге келгенде анадан тәрбие аласың, ал алғаш мектеп табалдырығын аттап, алғаш қолыңа кітап ұстағанда кітаптан білім аласың.

  Білімді кітаптан үйренесің. Білімнің қаншалықты қажет екенін , білімсіз еңбек ете алмайтынын бүгінгі күнге шейін адам баласы білуі керек, яғни міндетті болып саналады.Білімді кітаптан үйренген адам жан-жақты ақылды, талантты, дарынды, ғалым болуға және келешекте күрделі жұмыстар атқаруға көмектеседі. Кітапты оқи білу, түсіну есте сақтау, қабілеттерін арттырады. Білім өмірдің қызықтарын, қаншалықты өмір сүрудің қажет екенін дәлелдейді. Сондықтан кітап оқып жүрейік, балалар!

«Кітап сенің – құралың, жағар білім шырағың» кітапқұмарлар сайысы

Әр топтың дұрыс жауабы 5 ұпаймен есептеледі.