«Көк тудың астында-алтын шапақ арайлы.»

Ашық шараның тақырыбы:

«Көк тудың астында-алтын шапақ арайлы.»

Шараның мақсаты:Балаларды Отанын сүюге,туған тарихын білуге,оның рәміздерімен,тарихымен таныстыру.Отанның өткенімен бүгінгісін оқып үйрене білуге және өз отанын жан тәнімен қорғауға,азаматтық борышым деп білуге тәрбиелеу.Жаңа заман талабына сай жан-жақты білімді де жігерлі тұлға тәрбиелеу.

Көрнекілігі:Плакаттар,мемлекеттік рәміздер,ту,елтаңба,әнұран,шаралар,слайд.

-Сәлеметсіздерме,ұжымдастар,балалар!Бүгінгі «Көк тудың астында-алтын шапақ арайлы»атты мерекелік шарамызға қош келдіңіздер!

Шарамызды әнұранмен бастайық.(әнұран айтылады)

Жүргізуші:

Әуелгі Отан-ана алды,аттың басы

Ауыл алды,аунаған шөптің басы

Сағынғанда тым ыстық көрінеді

Жаста ойнаған үйшік қып сайдың тасын

Отан деәміз от жаққан жерімізді

Отан дейміз өсірген елімізді

Отан дейміз туған жер атамекен

Биік тау орман тоғай көлімізді

Отан дейміз кең байтақ Астананы

Жасыл жайлау жаңа жол жас қаланы

Отанның шетіде жоқ,шегі де жоқ

Ол бірақ өз үйіңнен басталады. Деген өлең жолдарын оқи отырып,балалар,сіздерег мынадай сұрақ қойғым келіп тұр.

-Отан дегенміз не?

-Отан дегеніміз туған ел,туып өскен жері,туған-туысқандарымен, жақындарымен бірге тұратын атамекен.

Жүргізуші:- Тудың түсі қандай?

Балалар:-Көк

Жүргізуші: Туда не бейнеленген?

Балалар:-Қыран құс

Жүргізуші:-Жарайсыңдар балалар,отанымыз туралы ,туымыз туралы түсінік айттық.Ал,енді өздерміздің отан туралы жаттаған өлең шумақтарын жатқа айтайық.

Жанерке:

Қазақ жері Қазақстан

Мөлдіреген ашық аспан

Алыс кетсем сағынамын

Отаным менің Қазақстан

Фатима:

Отан жерім,отан суым

Отан қуат нәр береді

Отан ұран,отан туым

Отан мәңгі гүлденеді.

Ақторғын:

Туған жерде толамыз

Ертен жігіт боламыз

Отан ортақ үйіміз

Көңілді әнмен күйіміз

Хор :Отаным әні

Жүргізіші:
Біздің туып өскен жеріміз Қазақстан 1991 жылы біздің еліміз өз алдына егемендік алып тұңғыш президентімізді сайлап,тәуелсіз егеменді ел болдық.1992 жылдың 4 маусымында ҚазақстанРеспубликасының Мемлекеттік туы,елтаңбасы және әнұраны бекітілді.

Аймұрат:

Асыл өлкем ерекшк

Қазақстан мекенім

Беп-белгілі емеспе

Сенің ғажар екенің

Кәусар.

Биік болсын шоқтығың

Атыңды айттым ән қылып

Желбірейді көк туың

Төбемізде мәңгілік

Жансезім:

Беу туған жер сен

Ыстықсың біздерге

Мың,мың дастан жатыр

Халқым басқан іздерде

Расул:
Қазақстан-елім менің

Қазақстан-жерім менің

Саған арнап айтылады

Әнім менің

Хор:Тәуелсіз- елдің ұраны

Жүргізуші:

Туың қандай туғандай,

Тура аспаннан туғандай

Ал аспаны қазақтың

Көңілімен жуғандай

Туың қандай туғандай

Таң нұрымен жуғандай

Қыран құсын самғатып

Күн құшақтап тұрғандай. Дегендей бүлдіршіндеріміздің сурет салғанын тамашалайық.

Жүргізуші:Бүлдіршіндеріміз суреттерін салып болғанша елтаңба туралы өлең жолдарын тыңдайық.

Алтын қанат көмкерген

Шаңырақ бар,уық бар

Әсем бейне сен көрген

Жәй бейне емес ұғып ал

Көгілдір тұс аясы

Бейбіт дала елесі

Шаңырақ жұрт панасы

Уықтар күн сәулесі

Суйсіндірген өзіңді

Түсіне біл таңбаны

Аңызды ұшқыр төзімді

Парақ-халық арманы

Жоғарыдан түсер көз

Бес тармақты жұлдыздар

Ал»Қазақсатн»деген сөз

Таныс барлық ұл-қызға

Мағыналы сымбатты

Бар осындай белгіміз

Маған-саған қымбатты

Елбасы ол –еліміз

Жүргізуші:Ал енді бүлдіршіндеріміз суреттерін салып болса,тамашалайық.

Ал енді бүлдіршіндеріміздің бүгінгі ашық шарасын қорытындай келе сөз кезегін балабақшамыздың меңгерушісі Шакирова Сәуле Майшақызына береміз.

Білімдіден шыққан сөз

Талаптыға болсын кез

Нұрын-сырн көруге

Көкірегінде болсын көз-деп Абай атамыз жырлағандай талапты көкірегі ояу,білімді де,еңбекқор ұрпақ болыңыздар.Тәуелсіз еліміздің іргесі мықты болсын.Осымен бүгінгі ашық шарамыз аяқталды.