Көктем көркі-қызғалдақ

ШҚО Семей қаласы

М.О.Әуезов атындағы

педагогикалық колледжі

ІV курс студенті

Алимханова Асел

Көктем көркі – қызғалдақ

(эссе)

Табиғат - тіршілік көзі. Оның әрбір әсері адам өмірінде үлкен рөл атқарады. Аяулы табиғатсыз осы ғаламда өмір сүру, тіршілік ету мүмкін емес еді. Жыл мезгілдерінің өзгеруі де, табиғатты одан әрі әсерлейді. Әр жыл мезгілі әр қилы. Төрт жыл мезгілі бізге төрт түрлі ғажайып күйін сыйлайды.Осы ең ғажайып жыл мезгілінің бірі- ол көктем. Себебі, көктеммен бірге жер-дүние жаңарады, табиғат түлеп, төңірек көз қызығарлық түске енеді. Тал- теректер бүр жарып, алма, шие, ағаштарының аппақ гүлдері көздің жауын алады. Көктемнің көрікті келбеті кез келген адамды баурайды. Адам айналасына қызыға көз тастайды.

Көктем келісімен күндер айтарлықтай ұзара бастайды. Бұлтты күндер саны азаяды. Әрбір көктемнің күні жарқын және шуақты. Әр жерден бір көрінген ақша бұлттар, көгілдір аспан, қырға біреу кілем жайып тастағандай қып-қызыл болып гүл жарған қызғалдақтар, жол жиегіндегі жап-жасыл ағаштар...Мұндай ғажайып көріністі тек көктем айларында тамашалауға болады. Көктем айларында көптеген мерекелер аталып өтіледі. Осы мезгілге сай көктемнің алғашқы мерекесі аналар күні. Жер дүниенің жаңару күні«Наурыз», ғарышкерлер мерекесі, бейбітшілік мейрамы, Ұлы жеңістің мерейлі тойы – осы көктемнің еншісіндегі атаулы күндер. Көктемнің басқажыл мезгілдеріне қарағанда ерекше өзіндік орны бар.Мен жыл мезгілдерінің ішінде көктем айларын ұнатамын.

Көктемде қырды жайнатып жіберетін қызғалдақтың Отаны- біздің ел, біздің Қазақстан. Сөйте тұра біздің қызғалдақты өзіміз емес, өзгелер дәріптейді екен.Ғұмыры тым ұзақ емес осы қызғалдақтың гүл жарғанын көру үшін ғана арнайы туристер жан-жақтан келеді екен.Сонымен, қатар қазақтың жерінен тараған қыз ғұмырлы көктемгі қызғалдақты шетелдегілер голландиялықтардың бренді деп біледі екен...