"Көліктер" мектепалды топ

Мақсаты: Балаларға көлік туралы түсінік беру.Көлік түрлерін ерекшеліктеріне қарай топтастырып ( жерде,суда,әуеде) атқаратын қызмет аясына қарай салыстыра білуге үйрету.Балалардың қызығушылығын арттыру. Көлік түрлерімен танысып,қозғалыс ортасы мен қолданылуы бойынша көлік түрлерін ажырату және сипаттау.

Сәлемдесу: «Амандасу» ойыны

Амансыңба, алтын күн

Амансыңба, көк аспан

Амансыңба достарым

Сендерді көрсем қуанам

Санау: «Санамақ» ойыны

Біреу, екеу,үшеу,төртеу

Бүгін біздің топта ұлдар нешеу?

Біреу, екеу,үшеу,төртеу

Бүгін біздің топта қыздар нешеу?

Біреу, екеу,үшеу,төртеу

Бүгін біздің топта барлық бала нешеу?

Көңіл-күй сәттері

• Бүгін менің көңіл-күйім жақсы,өйткені менің анам маған ойыншық алып берді. (т.с.с. балалардың жауаптары)

Күн тәртібі сәттерін бекіту

-Балалар тәулік неше бөліктен тұрады?

-Тәулік төрт бөліктен тұрады.(таңертең,күндіз,кеш, түн)

Сергіту сәті: «Бүгін қандай тамаша көңілді күн» (әуенмен)

Ауа-райын бақылау

-Балалар қfзір жылдың қай мезгілі?(балалар жауабы,қәзір жылдың көктем мезгілі)

-Дұрыс айтасыңдар

-Көктем мезгілінің айларын атап беріңдерші ?

-Бір аптада неше күн бар?

-Дұрыс айтасыңдар.

-Балалар апта күндерін атап беріңдерші? (дүйсенбі,сейсенбі,сәрсенбі,бейсенбі,жұма,сенбі,жексенбі)

Кеше сейсенбі болды

Бүгін сәрсенбі

Ертең бейсенбі болады

-Ал енді балалар терезеге қарайықшы ауа-райы қандай болып тұр (балалар жауабы)

-Иә дұрыс айтасыңдар!

-Ал балалар сөйлейтін қабырғаға назар аударайықшы, не көріп тұрсыңдар?

-Иә дұрыс айтасыңдар балалар көліктердің барлығы «Көлік түрлері» деп аталады.

-Балалар сендер қандай көлік түрлерін білесіңдер?

Олай болса,үстел үстінде жатқан көлік түрлерінен атайық.

Ойын: «Көліктердің жүретін жолын көрсет»

Шарты: Тәрбиеші көліктерді атайды, ал балалар қай жерде жүретінін көрсетеді.

-Ал жарайсыңдар балалар.

1-топ «Қаладағы көлік қозғалысы» ойыны

Воскобович кілемшесіне көліктерді жабыстырады, түсін атауын атайды.

2-топ «Картоп бастырмасы»

Алдын ала ойылып қойған картопты дайын ыдыстағы бояуға малып,жүк көлігінің бейнесін бастырады.

3-топ «Қызықты текшелер» ойыны

Көлік атауларын Н.Зайцев текшелерімен құрау.

(Т-РА-К-ТО-Р, А-В-ТО-БУ-С, ҚА-ЙЫ-Қ, ПО-ЙЫ-З, Ұ-ША-Қ.)

Ойын: «Көлікті жүргіз»

Шарты: Балалар үстелдің екі жағына тұрып кезек-кезек бір-біріне жібереді.

Қорытынды:

«Доп лақтыру әдісі» арқылы қорытындылау.

Тәрбиеші белсене қатысқан балаларға қуанышты хабарлама үлестіреді.