Командалық оиын волеибол

Мектеп

Б Нұрлыбеков

Мұғалімнің аты-жөні

Нурбеков М.

Сынып

10 «А»

Күні

10.10.24ж

Қатысушылар саны:

Қатыспағандар саны:

Бөлім

2-бөлім. Командалық ойынның қозғалыс дағдысы

Сабақ тақырыбы

Жұптық және топтық ойынның қозғалыс дағдысы.

Оқу мақсаттары

10. 1. 3. 3. Арнайы спорттық техникаларды орындау кезіндегі дағдылар мен реттілікті салыстыру және талдау.

Сабақ мақсаттары

Арнайы спорттық әдістерін орындау кезінде қимыл-қозғалыс дағдылары мен реттілігін біріктіру

Бағалау критерийлері

Спорттық техникалардың орындалуын ойын барысында көрсетеді.

Спорттық техникаларды орындау кезінде дағдылар мен реттілікті талдайды

Тілдік мақсаттар

Оқушылар: Спорттық ойындар бірлескен қозғалыс іс-әрекеттерін орындау дағдыларын дамытуға көмектесетінін талдайды және өздерінің түсініктерін көрсетеді. Пәндік лексика және терминология мыналарды қамтиды: қабылдау, қайтару, допты ойынға қосу, пас, соққы, шабуылдау, қорғаныс, дәлдік, тактика, стратегия, проблема, шешім, қауіпсіздік, ойын ережесі, шабуылшы, қорғаушы, үйлестіруші, ойын комбинациясы.

Талқылауға арналған сұрақтар:

- шабуыл кезінде қандай тактиканы қолданасыз?

- қорғаныс кезінде қандай тактиканы қолданасыз?

- ойын ережесін сақтадыңыз ба?

- жақсы ойнау үшін ойын комбинацияларында нені жақсарту керек?

- ойын кезінде қауіпсіздік ережелерін сақтау қажет пе?

- футбол ойыны кезінде қандай қауіпсіздік ережелерін сақтау керек?

Құндылықтарды дарыту

Ынтымақтастық: өзара жақсы қарым-қатынас орнатады, ынтымақтастық дағдыларын қалыптастырады, бір-біріне көмек көрсетеді.

Академиялық әділдік: бір-бірін әділ бағалайды, идеялары мен ой-пікірлеріне құрметпен қарайды.

Өмір бойы оқу: алған білімін өмірмен байланыстырады, кері байланыс орнатады, білім алуға деген сүйіспеншілікті қалыптастырады.

Патриотизм және азаматтық борыш: отанға деген сүйіспеншілікті, адалдықты, өз іс-әрекеттерімен дәлелдейді.

Өзіне және өзгеге құрмет: топтық жұмыс, жұптық жұмыс кезінде жүзеге асырады.

Еңбек пен шығармашылық: альтернатив ойынды ұйымдастырады, ойын барысында жеңіске талпынады.

Пәнаралық байланыстар

Биология, физика, математика, қазақ тілі, өзін-өзі тану, музыка

АКТ қолдану дағдылары

Ұялы телефон, планшет, ноутбук

Бастапқы білім

Спорт ойындарын ойнау шеберлігін меңгерту. Білім алушылар командалық ойындардың түсініктерін біледі.

Сабақтың кезеңдері

Оқушының әрекеті

Педагогтің әрекеті

Оқу ресурстары

Сабақтың басы

10 минут

Дайындық бөлімі: Оқушыларды қатарға тұрғызу. Сәлемдесу. Рапорт қабылдау. Оқушылардың спорттық киімдеріне назар аудару. Сабақтың тақырыбымен және мақсатымен таныстыру. Бағалау критерийлерін анықтау. Техника қауіпсіздігін ескерту. Бой жазу жаттығуларын орындау. Тыныс жолдарын қалпына келтіру.

Оқушылардың қатарда түзу тұруың қадағалау. Келмеген оқушылардың себебін анықтау. Оқушылардың сабақтың тақырыбы мен мақсатын мұқият тыңдауын қадағалау. Бой жазу жаттығуларын ережеге сай орындалуын қадағалау.

Ысқырық, секундомер, конустар, волейбол доптары, интернет ресурстары

Сабақтың ортасы

25 минут

(Ж, Т, К, Ф) «Жылжымалы доп» Оқушылар шеңбер бойына орналасады. Жүргізуші шеңбер ішінде. Доп ойыншылардың біреуінің қолында. Сигнал бойынша ойыншылар кез келген бағытта жоғарыдан беру және төменнен қабылдау тәсілі бойынша допты лақтырады. Жүргізуші шеңбері ішінде қозғала жүріп, қолын допқа тигізуге тырысады. Жүргізушінің қолы допқа тиген сәттен бастап, қай ойыншының лақтыруын жүргізуші қолымен тоқтатқан ойынша жүргізушінің орнына тұрады. Аталған ойын нақты бір уақыт ішінде жүргізіледі, мысалы 5-10 минут. Бір рет жүргізуші болмаған немесе ең аз жүргізуші болған жеңімпаз аталады.

Допты дұрыс беру және қабылдау техникасын бақылау. Ойыншы екі рет допқа қол тигізе алмайды, егер екі рет қолы тисе, ол жүргізуші болады. Оқушыларға ұсынылған ойында арнайы қозғалыс әрекеттерінің орындау сапасына талдау жасауды ұсыну. Сұраңыз: Ойын жағдайларында техника тәсілдерін дамыту үшін қандай физикалық сапаны дамыту қажет?

Сабақтың соңы

5 минут

Сабақты қорытындылау:

Мақсаты: Қол жеткен нәтижелер туралы ойлану, өзіндік талдау жүргізуге дағдыландыру. Тақырыпты меңгеру деңгейін анықтау.

Сипаттама: Оқушылар өз беттерінше сабақтың басында қойылған сұраққа жауап береді. Өткен тақырып туралы кері байланыс беру үшін мұғалім сұрақ қояды, оқушылар ауызша жауап береді.

Мұғалім әрекеті: Сұрақ-жауап арқылы кері байланыс жүргізеді. Сабақ басында қойылған сұрағына әр оқушыдан жауап сұрайды. Жақсы нәтижеге қол жеткізген оқушылар мен үздіктерді атайды. Жетілдіру жаттығуларын ұсынады.

Оқушының әрекеті: Қиын болған немесе жүзеге асыра алмаған мәселелер бойынша сұрақ қояды. Үздік нәтиже көрсету үшін өзіндік ойлармен бөліседі. Сабақ басындағы мұғалім сұрағына жауап береді.

Бағалау: Мұғалім оқушыларына өзіндік және бірін бірі бағалау арқылы білім бекітеді.

Саралау-оқушыларға қалай көбірек қолдау көрсетуді жоспарлау?

Қабілеті жоғары оқушыларға қандай міндет қоюды жоспарлау?

Бағалау-оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы