Балаларды қорғау күніне арналған 
«Бала – біздің болашағымыз» атты концерттік 
Б А Ғ Д А Р Л А М А

1-жүргізуші:

Сәлеметсіздер ме, құрметті қонақтар, ата - аналар, сүйкімді балақайлар!

1 - маусым балаларды қорғау күні құтты болсын. Барлығыңызға ашық аспан, бейбіт өмір, сәбилерге бақытты балалық шақ, әрқашан сыңғырлаған күлкі тілейміз. Тілінде ауыр кемістігі бар балаларға арналған Леңгер көмекші мектеп-интернатының талантты балаларының мерекеге орай дайындаған «Бала – біздің болашағымыз» атты мерекелік концерттік бағдарламасына қош келдіңіздер!

Балалар, бүгін сендердің мерекелерің «Қандай күн?» 

«1-маусым - Халықаралық балаларды қорғау күні» (хормен) 

2-жүргізуші:

- Балаларды қорғау дегеніміз – әрбір сәбидің тыныштығын қорғау, тәтті ұйқысын бұзбау, алаңсыз күлкісін тоқтатпау деген сөз. Бұлтсыз күн, ашық аспандай, нұрын шашқан күн сәулесіндей біздің балаларымыз бейбіт өмір сүрсе екен, олардың жүректерін қайғы мұң шалмаса екен! 

1-жүргізуші:

Қымбатты балалар! Бүгінгі мерекелеріңіз құтты болсын! Отбасынан басталған бақытты балалық шақтарың Отанның ортан қолдай азаматы болуға жетелеуін тілейміз. 

2-жүргізуші:

Бүгінгі 1 - маусым Балалар күніне арналған «Бала – біздің болашағымыз» атты мерекелік ертеңгілігімізді ашып беру үшін және мерекелік лебізін білдіру үшін сөзді мектеп директоры Абдуллаева Нағима Ералханқызына береміз.

1-жүргізуші:

Біздің ортамызда жомарт жүректі, балғындарға қамқор болып жүрген жандар қаншама? Ендеше, бүгінгі кең пейілді, ақ жүректі қонақтармен таныстырып өтейін:

1. Ленгер қалалық емхананың бас дәрігері Талғат Көлбайұлы Есжанов мырза.

2. Ленгер қалалық емхананың балалар бөлімінің меңгерушісі Қоңырбаева Шолпан Ерғалиқызы.

Қонақтарға қол соғып, қошемет көрсетейік!

2-жүргізуші:

Ақылды балапан бүгінгі,
Көркейтер күніңді ертеңгі,
Үйренген өнерін көрсетсін
Бүлдіршін балалар белсенді.
Ендігі кезекті бүлдіршіндерге берейік.

Тақпақтар

Би

Ән

1-жүргізуші:

Бүкіл елім қуанышты тойлауда,

Ата-жұрттың болашағын ойлауда.

Ұлағатты басшыларым басында

Іскер мен кәсіпкер де осында - дей келе біздің мектеп оқушыларына өзінің демеушілігін жасап отырған ағамыз Есжанов Талғат Көлбайұлын қол соғып қошеметпен ортаға шақырамыз.

(Демеуші сөз сөйлейді).

2-жүргізуші:

Алдыңғы буын асыл ағаларымыз бізге қайрымдылық танытып, қамқорлық жасайтындығы қандай керемет. Барлық бала – біздің балаларымыз деп келіп отырған демеуші ағамызға 10 сынып оқушысы Ибрагимов Нұрболат алғысын айтады.

Ардақты аға

Белгілі есімің, бауырмал ағасың.

Көңілдің есігін күй болып қағасың.

Қашанда жақсыға, құшағын жаясың,

Аязда ақ шуақ, аптапта – саясың.

Тулайды жүрегің, тасытып қаныңды.

Жұрт үшін жүресің қинап-ақ жаныңды.

Біреудің қайғысын қайғыңдай көресің,

Халықтың алғысын гүліндей тересің.

Кең көңіл даладай, бересің қол ұшын

Бір туған ағадай сыйлаймыз сол үшін!

Жақсылық кезінде жырға да сымбат қой.

Бұл өмір өзіңдей жандармен қымбат қой.

1-жүргізуші:

Мінекей, бүгінгі өткізіліп отырған мерекелік іс-шарамыз өз мәресіне жетті. Осы мерекеге қатысып мейірімділігі мен жаны жайсаңдылығын танытқан ел ағаларымызға алғысымызды білдіріп, Алланың нұры жаусын дейміз.