Материалдар / концерттік сценарий
2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?
ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

концерттік сценарий

Материал туралы қысқаша түсінік
Өрлей бер, өрен, қанатың мәңгі талмасын, Қиялыңды қияларға жалғасын! «Өнер» атты киелі әлем төрінде, Жұлдызың жанып, орындалсын арманың! өнер мектебі оқушыларының 1 жылдық есеп беру концерті. Есептік концерт
Авторы:
Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ
21 Қырқүйек 2022
8136
29 рет жүктелген
Бүгін алсаңыз 25% жеңілдік
беріледі
770 тг 578 тг
Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!
Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады
logo

Материалдың толық нұсқасын
жүктеп алып көруге болады

2022 жыл – Балалар жылына орай «Біз өмірдің гүліміз!»

атты Құрық балалар өнер мектебінің бір жылдық

есеп беру концертінің

С Ц Е Н А Р И І

Әуен жіберіліп тұрады.Қонақтар және ата-аналар шығып,арнайы орындарға отырады.


Өткізілетін жері: Аудандық мәдениет үйі.

Басталуы: 24.05.2022ж сағат 15.00

Сценариді дайындаған: ТЖЖО Н.Махмудова



Ашылу салтанаты (бимен ашылады «Құрбылар биі»)


Ортаға жүргізушілер шығады

(фон)

Нұрлыбек: Ассалаумағалейкум қадірменді ауыл тұрғындары және көрермен қауым!

Инара: Армысыздар құрметті ата-аналар мен бүлдіршіндер!


Нұрлыбек: Тағылымды тәрбие – бала болашағының іргетасы. Қазақтың көптеген қарадо­малақ балалары әлемдік деңгейде ел мерейін асырып жүргендері сөзсіз. Қарапайым ауылдан шыққан талай баланың жұлдызы жанып, қабілетімен дарындылар қатарына қосылуда. Сондай-ақ, биылғы барыс жылында ел ертеңі – өскелең ұрпақты қолдауға айрықша көңіл бө­лу мақсатында мемлекет басшысы Қасым-Жомарт Тоқаев «2022 жыл – Балалар жылы» деп атады.

Инара: Ия, Нұрлыбек ағай биыл балалар жылына орай, осындай өнерлі, дарынды балаларды дамытып, шыңдайтын өнер ордасы Құрық балалар өнер мектебінің бір жылдық есеп беру концертін «Біз өмірдің гүліміз!» деп атадық.


Нұрлыбек: Жарайсыңдар! Сендер біздің – басты байлығымыз,  болашағымыз, өміріміздің жалғасысыздар! Қазақ халқы қай уақытта болмасын, ұрпақ тәрбиесін ұлттың болашағы деп білген. «Анаға қарап қыз өсер, әкеге қарап ұл өсер» демекші, бала тәрбиесіне сонау заманнан бері аса көңіл бөлген.

Инара: Нұрлыбек ағай, мына көрермен халыққа, қонақтарымызға ауылымыздың өнерлі, талантты балаларын өнер нәрімен сусындатып, аянбай дәріс беріп, әрі қарай дамып-өсуіне ықпал етіп жүрген біздің ұстаздарымыз бен мектебіміз туралы қысқаша мағлұмат берсек қалай болады?


Нұрлыбек: Дұрыс айтасың Инара. Өздеріңдей бүлдіршіндерді өнерге баулып, сахна мадениетіне үйретіп, дүбірлі додаларға қатыстырып, қоршаған ортамен қарым-қатынасын нығайту мақсатында аянбай еңбек ететін Құрық балалар өнер мектебі биылғы оқу жылын домбыра, қобыз, баян, фортепиано, вокал, жыр-терме, бейнелеу, хореография мамандықтары бойынша 296 оқушымен, ал «Асыл мұра» аула клубы шахмат-дойбы, тоғызқұмалақ, қолөнер, актерлік шеберлік, ағылшын үйірмелерінің 303 оқушысымен өз жұмысын бастады.

Жалпы Құрық балалар өнер мектебіндегі білім алушы 599 оқушыға – 16 жоғары білімді, - 11 арнаулы орта білімді ұстаздар дәріс беруде. Және де биылғы оқу жылында домбыра, жыр-терме, баян, қобыз, көркемсурет, хореография, мамандықтары бойынша 30 түлек түлеп ұшқалы отыр.

Өнер мектебінің дарынды шәкірттері осы білікті ұстаздардың дәріс беруінің арқасында көптеген халықаралық, республикалық, облыстық байқауларға қатысып жүлделі орындарға ие болып жүр.

Осы жетістіктердің нәтижесінеде өнер мектебі ауданымыздың, ауылымыздың мақтанышына айналды.

Инара: Нұрлыбек ағай, мен осы өнер мектебінде дәстүрлі ән сыныбында оқитынымды мақтан тұтамын. Маған осы өнер ордасы қатты ұнайды.


Нұрлыбек: Олай болса, осы өнер ұжымын басқарып, шәкірттердің жетістікке жетулеріне үлес қосып отырған Құрық балалар өнер мектебінің директоры Ускимбаева Амангүл Тағанбергенқызын құттықтау сөз кезегіне құрмет, қошеметпен сахна төріне шақырамыз. Осы жерде Инара киім киеді . екі қыз марапатқа.

(марапат,құттықтау)

  1. Ата-аналарға

  2. Дарынды оқушылар

  3. Түлектер


Нұрлыбек: Ғылым, Білім, Мәдениет пен тарихты тұтастай қамтитын ұлттық рухани бағдарламаны басшылыққа алып, өткеннің өнегесін өркениеттің өрлеуімен өрнектеп, заманауи өнерді талғамы зор, өресі биік тыңдарманның назарына ұсынғалы отырған мектебіміздің «Біз өмірдің гүліміз» атты есеп беру концертіне қош келдіңіздер!


Өнерлі өрендерің - төрде бүгін,

Бөлейді ән мен күйге көрерменін.

Өнердің биігіне өрлей берсін,

Өнер сүйген кішкентай өрендерің! - алдарыңызда республикалық , облыстық байқаулардың иегерлері «Ақ сұңқар» дәстүрлі әншілер ансамблі. «Махамбеттің термесі». Жетекшісі Жақыпова Жаншуақ. Қошеметтеріңіз!

Халық әні «16 қыз».

(ән)

Нұрлыбек: Ғажайып шақ өмірдің бал даурені

Естен кетпес осы кездің ән дәурені

Ертегілер еліндей таңғажайып,

Жоғалмасын балалықтың сән дәурені -

«Zhulduzga qadam» атты халықаралық байқауының І орын иегері, республикалық «Бақытты елдің ұрпағы» атты байқауының І орын иегері, аудандық «Бала дауысы -2021» байқауының ІІ орын иегері, биылғы вокал мамандығының түлегі – Абдулмажит Нұрхаттың орындауында М.Магомаев «Бухенвальдский набат» . Жетекшісі Меңдіғалиева Жансая. Сүйемелдеуші Шыршықбаев Мағжан.





Инара: Заманауи биге назар аударайық,

Бишілерге құрметпен қол соғайық.

Жастардың жүрегіне жол табатын,

«Снупидің» өнері таңғажайып.- «Снупи» бишілер тобы. «Чапау» Көркемдік жетекшісі Шәріп Әсел

(би)

Нұрлыбек: Баршамызды бал тілімен баурайтын

Бала деген бір бақыт қой самғайтын.

Ата – ананың арманы мен тілегін

Бала емес пе бал бұлақтан жалғайтын


Сүйкімділер, періштелер, Сендерсің

Қандай бейне өздеріне тең келсін!

Данышпан да, ғарышке де, Ғалым да

Ең алдымен балалықты меңгерсін - алдарыңызда сахна төріне алғаш шыққалы тұрған мектебіміздің аспаптар бөлімінің 1 сынып оқушыларын Бисенғали Ғизатовтың «Біз өмірдің гүліміз» атты әнімен қарсы алыңыздар!

(ән)


осылар тартып болғасын, қошеметтеріңіз дегендей бір сөздер айт уақыт созуға. Стол алып үлгерсін.


Инара: Қазақтың даласында ән тынбасын,

Үлкен - кіші, кәрі- жас!

Халық әні -қазақтың бойтұмары,

Ұлттық өнер бұлағы сарқылмасын!

Нұрлыбек: вокал сыныбының оқушылары Қызылғұл Раяна мен Ерсайын Назеркенің орындауында Кеңес Дүйсекеевтің «Домбыра туралы баллада» әні. Жетекшісі Көбесов Саламат. Қошеметтеріңіз!

(ән)


Нұрлыбек: Теңіздей тербетіліп көл бетінде.

Бишілер билеп кетті тербетіле,

Аққудай қалықтаған теңіздегі

Бишілер өнерлерін көрсетуде


Инара: «Нұр шашу» бишілер ансамблінің кіші тобын «Өрнек» биімен қарсы алайық! Жетекшісі Айдана Жақсылық

(би)








Нұрлыбек: Қолыма алсам домбыраны,

Шерткен өмір дастанын.

Арман – шыңға қондырады,

Нұрға бөлеп қас-қағым.

Атамұра- домбыра да,

Сан ғасырлық сырым бар.

Құмарымды қандырасың,

Саған деген жырымды ал!

Қазанғаптың күйі «Ақ желең». Орындайтындар домбыра сыныбының биылғы түлегі Батыров Ерлан және жетекшісі Ахметов Әлқадір. Қошеметтеріңіз!

(күй)


Инара: Сөзден өлең, өлеңнен жыр құралып

Қызыққа толы болды бұл күн анық,

«Снупи» би тобының кіші тобы

Биден шашу шашады мың бұралып - «Брейк данс». Жетекшісі Шәріп Әсел. Қабыл алыңыздар!

(би)


Нұрлыбек: Біздерде ән кешіміз жалғасады,

Тамаша күй тартылып, ән салады.

Қошеметтеп, қол соғып отыралық,

Ұмытарсыз күні бойғы шаршағанды - дей келе алдарыңызда вокал мамандығының мұғалімі Ерсайынов Сансызбай және шәкірттері Джумагазиева Нұрай, Жантілес Жанерке, Мурад Аружан. Арман Дүйсенов «Джаз әлемі». Қошеметтеріңіз!

(ән)


Инара: Бойымды қазақ қаны билеген,
Қос ішегі бір-біріне тимеген,
Қазағымның домбырасы күй тартса,
Тебіреніп, ерекше бір күйге енем – домбырашылар триосы. Халық күйі «Тепен-көк». Жетекшілері Тулендиева Гүлжан, Шыршықбаев Мағжан.

(күй)

Нұрлыбек: Жанарында жұлдыз жанып тұрады,

Қарап тұрған мылқауларды сөйлеткен,

Көрерменнің көңілінен шығады,

Мың бұралған бишілердің өнері – «Кербез гүлдер». Ортада хореография сыныбының 1 сынып оқушылары, «Нұр шашу» бишілер ансамблінің кіші тобы. Жетекшісі Жақсылық Айдана. Қошеметтеріңіз!

(би)


Инара: Ана – тіршіліктің алтын арқауы. Осы сөздің астарында теңіздей терең мағына жатқаны аян. Өмірдің мәні мен сәніне айналған ардақты аналарға берілген ең лайықты баға.

Нұрлыбек: Фортепиано сыныбының оқушысы Жадрасинова Ақнұр. Владимир Коровицын «Мама». Жетекшісі Киченебатырова Индира.

(фортепиано)

Инара: Құлақ түріп заманның ырғағына,

«Снупиді» қарсалыңыз тағы да.

Кеше, бүгін, болашақтан күткенің,

Ертеңінде көрсетеді халқына! – Сіздердің алдарыңызда Республикалық «Каспий жұлдыздары» балалар шығармашылығы фестивалінің «Бас жүлде» иегері, ІІ Республикалық «Алатау шыңы» конкурсының І орын иегері, халықаралық «Жұлдызға қадам» байқауының «Гран-при» иегері «Снупи» бишілер тобы. «туенти- тю» («22» ) Көркемдік жетекшісі Шәріп Әсел

(би)



Нұрлыбек: Бүгінгі еліміздің қырмызымыз,

Арайлы болашақтың ұл қызымыз.

Арасын жер мен көктің жалғайтұғын

Қанаты жарқыраған жұлдызымыз

- __________ «Кукушка» «Zhulduzga qadam» атты халықаралық байқауының І орын иегері, республикалық «Бақытты елдің ұрпағы» атты байқауының І орын иегері, аудандық «Бала дауысы -2021» байқауының бас жүлде иегері, талантты оқушымыз Дошаева Аңсаған.

(ән)

Нұрлыбек: Мың бұралу  аз екен бұл өнерде,

Балқу керек жан-дүниеңмен әуенге.

Бар сезімді көрерменге жеткізу,

Мақсат екен орындалған әр биде -

Нұрлыбек: «Релоксинг данс» биі. Орындайтын хореография сыныбының түлегі Әнесова Динара және жетекшісі Әнесов Ержан.

(би)


Нұрлыбек: Мен қашаған жүйрігім
Топ ішінде толғаған
Шынымменен шырқасам
Бабам қадыр қолдаған –
Нұрымның насихат сөзі. Орындайтындар дәстүрлі ән сыныбының оқушылары Сейіт Гүлназ, Әлібекова Назерке, Солдат Инара.

(ән)





Нұрлыбек: Өнердің қай саласы болса дағы,

Біздердің арамыздан табылады.

Бишілер жаңа бимен таң қалдырар,

Келесі биін тамашалап көрсек тағы - «Снупи» бишілер тобы. «Джунглия шақырады». Қошеметтеріңіз!

(би)

Нұрлыбек: Құрманғазы, Тәттімбет

Домбырамен сайраған.

Жүректе от жансын деп,

Елге күйін арнаған - домбыра сыныбының түлектері Қарлыбаева Мадина, Анвар Бағжан, Қыдырша Ақнұрдың орындауында Құрманғазының күйі «Балбырауын». Жетекшісі Аяпбергенова Балғаным

Нұрлыбек: Өнердің түр-түрі бар, бұл ғаламда,

Ән салады әншілер, қыр-далада.

Бишілер мың бұралып билегенде,

Тебіренер сілкініп, жер – ана да – Республикалық «Ақ шағала» конкурсында ІІІ орын, халықаралық «Жұлдызға қадам» байқауының ІІ орын, Республикалық «Алатау шыңы» конкурсының І орын иегері «Нұр шашу» бишілер ансамблінің орта тобының орындауында испан биі «El fuego». Қабыл алыңыздар! Көркемдік жетекшісі Жақсылық Айдана.

(би)


Нұрлыбек: Қазақтың даласында ән тынбасын,

Үлкен - кіші, кәрі- жас ән тыңдасын!

Халық әні -қазақтың бойтұмары,

Ұлттық өнер бұлағы сарқылмасын!

Балалар хоры. Халық әні «Илигай». Жетекшісі Меңдіғалиева Жансая. Сүйемелдеуші Шыршықбаев Мағжан.

(хор)



Нұрлыбек: Өрлей бер, өрен, қанатың мәңгі талмасын,

Қиялыңды қияларға жалғасын!

«Өнер» атты киелі әлем төрінде,

Жұлдызың жанып, орындалсын арманың!


578тг - Сатып алу
Материал жариялап тегін сертификат алыңыз!
Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды
Ресми байқаулар тізімі
Республикалық байқауларға қатысып жарамды дипломдар алып санатыңызды көтеріңіз!