"Көңілді эстафета" спорттық жарыс туралы мақала

Көңілді эстафета

25-ақпан күні «Аягөз ауданы әкімдігінің аумақтық әлеуметтік көмек көрсету орталығы» КММ-нің мамандыры мен ата-аналары арасында «Музыка - адам жанының емі» тақырыбындағы апталықтың аясында «Көңілді эстафета» атты спорттық жарыс К.Бозтаев атындағы жалпы орта білім беретін мектептің спорт залында болып өтті.Бұл іс-шараның негізгі мақсаты ата – аналар мен мамандарға адам денсаулығының қымбаттылығын, өмір сүру үшін қажеттілігін, бағалы байлық екенін түсіндіру. Ата – аналар мен мамандарға сұлу да сымбатты, денсаулығы зор, күшті болу үшін денені шынықтыру, оларға спортпен айналысудың қажет екендігінің маңызын түсіндіру. Музыка тыңдау, билеу арқылы ішкі жан дүниесін сыртқа шығару. Ата - ана мен мамандар арасындағы бірлік пен татулық қасиеттерін одан ары нығайту болды. Жеті бөлімнен тұратын спорттық шараға әр қайсысы 6 адамнан құралған 3 команда жарысқа түсіп, бақ сынасты. Қара жорға биімен басталған жарыс қызықты да тартысты өтті.

Жарыс мәресіне жетіп, мекеме директоры Турмухамбетова Алмагүл Болатбекқызы және әлеуметтік істер жөніндегі орынбасары Мухаметжанова Жанар Хамитқызы жарысқа қатысушыларды құттықтап, салауатты өмір салтын қалыптастыруда спорттың алар орны ерекше екеніне айрықша тоқталды. Жарыс жеңімпаздары мақтау қағазымен марапатталды.

Мүмкіншілігі шектеулі азаматтарды қоғамға қосу үшін ат салысып жүрген К.Бозтаев атындағы жалпы орта білім беретін мектептің директоры Қамытбаев Қайрат Газизұлына және сайыстың өтуіне қол ұшын созған мектеп ұжымына алғысымыз шексіз.

Денешынықтыру –емдеу маманы: Г.Магнурова